عايز تكتب cv صح (تحت أمرك)

**jisso82** · 16-06-2009 08:54 AM

المشاركة الأصلية كتبت بواسطة ibrahim reda

ممكن تشرلنا القواعد الأساسية

جارى إن شاء الله عمل نموذج فى كل التفاصيل الخاصة بكتابة الcv مش بس القواعد الأساسية و أول ما أخلصه إن شاء الله أنشره علطول

**ZALABANY** · 16-06-2009 09:38 AM

المشاركة الأصلية كتبت بواسطة jisso82

طبعا كلامك منطقى إلى حد كبير و هيريحنى كتير من إنى أتأخر كمان على الناس بس ما كانتش نيتى خالص إنى أجمع معلومات عن الناس و ممكن أكون ما وضحتش بس أنا مش محتاج و أنا بكتب لحد الcv الكونتاكت ديتيلز بتاعته مش محتاج اسمه الحقيقى أو عنوانه أو أرقام تليفوناته محتاج بس الأساسيات اللى لها علاقة بالخبرات و التعليم و باقى الداتا خصوصا الشخصية ممكن أسيبلها المكان اللى يملاها فيه براحته و عموما أنا كنت ناوى أصلا و أنا بعدل أى cv بتاع حد أشرحله أنا عملته ليه كده و غيرت فيه إيه عشان فعلا يبقى فاهم و يقدر يعمله لوحده و ما يفضلش محتاج لحد يعملهوله طول عمره.
عموما أنا هحاول آخد بالمقترح بتاع حضرتك و أعمل نموذج للطريقة اللى يتكتب بيها و أحط كام cv كده نماذج من غير أسماء أو أرقام و برده اللى حاسس إنه محتاج توضيح أو عايز أى مساعدة فى إنى أعمله بنفسى يبعت لى بس البيانات اللى ما تقتحمش خصوصياته و أنا آسف لو كنت تعديت على خصوصية حد خصوصا الناس اللى بعتتلى :zb_sor1[1]:

السلام عليكم
واضح إن حضرتك إنسان محترم وما قصدتش حاجه غير إنك تخدم الناس
جزاك الله خيرا

**Eng. Rafy Samy** · 16-06-2009 10:01 AM

متابع باهتمام
جزيل الشكر ووافر الاحترام لصاحب الموضوع

**nonalaziza** · 16-06-2009 08:25 PM

والله ياريت فعلا تعد نماذج يمكن ان شاء الله تفيدنا

**jisso82** · 17-06-2009 02:02 AM

المشاركة الأصلية كتبت بواسطة nonalaziza

والله ياريت فعلا تعد نماذج يمكن ان شاء الله تفيدنا

إن شاء الله خلال الويك إند ده عشان ضغط الشغل بس و عشان بفكر فعلا إنى أغطى كل حاجة بحيث يبقى بديل كامل لأى حد عايز يعمل سى فى و الله المستعان تطلع بجد حاجة تفيد الأعضاء كلهم يا رب

**nasr-eldeen** · 17-06-2009 06:59 AM

( إن الله في عن العبد ما دام العبد في عون أخيه ) أو كما قال رسول الله صلى الله عليه وسلم

**Haitham10** · 17-06-2009 08:50 AM

موضوع محترم من انسان محترم بصحيح
رغم اني مع الفكرتين سواء تحط نموذج او العكس
بس عندي حاجه كمان اقولهالك .. حاول تساعد بخبرتك الي فهمته واتعلمته من الموضوع دة وحاول تنقله للناس وتطور طريقه تفكيرهم وتوضحلهم انسب الطرق والاختيارات حتي في طريقه الكلام الي بتتكتب
وشكرا ليك ياجميل

**jisso82** · 17-06-2009 11:07 AM

المشاركة الأصلية كتبت بواسطة haitham10

موضوع محترم من انسان محترم بصحيح
رغم اني مع الفكرتين سواء تحط نموذج او العكس
بس عندي حاجه كمان اقولهالك .. حاول تساعد بخبرتك الي فهمته واتعلمته من الموضوع دة وحاول تنقله للناس وتطور طريقه تفكيرهم وتوضحلهم انسب الطرق والاختيارات حتي في طريقه الكلام الي بتتكتب
وشكرا ليك ياجميل

أولا متشكر لحضرتك جدا على الكلام الجميل اللى كتبته و والله أنا ماستحقش كل الكلام ده لو اتقارنت باللى بيعملوه معايا أعضاء المنتدى لما بحتجلهم أو بحتاج مساعدة حد منهم فى أى حاجة. ما شاء الله و ربنا يباركلنا فى كل الأعضاء اللى بيساعدونا و يا رب و يزودهملنا.

بإذن الله هراعى النقط اللى حضرتك ذكرتها و هحاول أحط كمان نماذج للحاجات الأيديال اللى مش بتتغير كتير من سى فى للتانى.

**أبو صلاح** · 17-06-2009 01:38 PM

الف شكر ياباشا على ال cv الرائع فعلا

**jisso82** · 17-06-2009 03:12 PM

المشاركة الأصلية كتبت بواسطة أبو صلاح

الف شكر ياباشا على ال cv الرائع فعلا

تحت أمر حضرتك و سعيد جدا إنه عجبك و يا ريت تخلى بالك بس من النقط اللى كتبتها فى الميل عشان فى حاجات الناس بتستهتر بيها بتفرق جدا فى الاسكريننج بتاع السى فيهات