كيا كارينز - التفاصيل الكاملة

**Sherif Sharaf** · 14-06-2009 02:17 PM

هذه المشاركة كتبتها فى أحد الموضوعات بالمنتدى ولكنى رأيت فصلها فى موضوع منفصل لتعم الفائدة..
كيا كارينز ، واحدة من أفضل السيارات (من وجهة نظرى) التى دخلت السوق المصرى فى الفترة الماضية، وفيما يلى التفاصيل الكاملة لهذه الرائعة من كيا:

[img2]http://central.kia.com.au/images/news/Carens.jpg[/img2]

المواصفات:
المحرك1600 CC مانيوال
فرامل ديسكات
تكيف عادى
باور ستيرينج
سنتر لوك (بدون ريموت)
4 زجاج كهرباء
مرايات كهرباء
راديو / CD / MP3 ماركة LG
جنوط سبور 15 بوصة
زجاج خلفى فاميه
أعتاب على السقف
صف واحد من الكراسى (5 أفراد فقط وليس 7)
2 مخرج كهرباء غير الخاص بالولاعة (الإجمالى 3 مخارج)
2 لمبة صالون أمامى + واحدة خلفى
حامل نظارة
أماكن تخزين كثيرة جداً بالأبواب والشنطة الخلفية

لا يوجد بها:
ABS (وهو غير متوفر حتى فى النسخة الأوربية 2000 CC) ويستعاض عنها بفرامل خلفية ديسكات
طارة مالتى فانكشن Multifunction steering wheel
تكييف كلايمتك
أير باجز Air bags
فوج لايت Fog light

ينتظر تقديم النسخة الأوتوماتيك (ستيب ترونيك) من هذه السيارة للسوق المصرى مع بداية شهر يوليو 2009 بنفس المواصفات ويزيد عيها فقط الفوج لايت وبسعر يزيد بحوالى 10 ألاف جنيه عن المانيوال

أبعاد السيارة بالمليمتر:
الطول الكلى 4545
العرض 1800
الارتفاع 1650
قاعدة العجلات 2700
الارتفاع عن الأرض 156
نصف قطر الدوران 5.3 متر
سعة خزان الوقود 55 لتر
وزن السيارة فارغة 1549 كغ (اختلفت هذه المعلومة بين أكثر من سايت وأعتقد إن ده وزن السيارة ال 2000 أعتقد ال 1600 هيكون أقل من كده شوية)

أتمنى أن أكون قد أفدتكم.

**M.ABDEEN** · 14-06-2009 02:40 PM

الله ينور يا باشا فعلا اعصار كياوي شديد تحفههههههههه
وسلام كبيررررررر بلا رجعة للماتريكس............

**Haitham10** · 14-06-2009 02:52 PM

خساره مفيهاش abs

ممكن تكمل جميلك وتكتب السعر

وشكرا علي المشاركة لانها فعلا هتسهل علي ناس كتير عايزة تعرف معلومات عنها

**Sherif Sharaf** · 14-06-2009 03:08 PM

آسف إنى نسيت أكتب السعر ..........
المانيول : 100 ألف جنيه
الأتوماتيك: المعلن حتى الآن 110 ألف جنيه (ما لم يتغير السعر بعد نزول السيارة)

**mishtawy** · 14-06-2009 03:34 PM

انا معجب جدا بهذه السيارة ولكن انا سمعت ان السيارة نيسان ليفينا بقت ب115000والاخ سامح عز كان عامل تقرير علي الرابط ده http://www.nilemotors.net/Nile/showthread.php?t=51674 (لم يذكر هذا السعر )ياريت حد يقول اذا كان السعر ده صحيح ساعتها يبقى فيه كلام تاني لان الاوبشن في ليفينا كويس

**محمد عز** · 14-06-2009 03:48 PM

المشكلة تشوف الصور حاجة

وتروح تشوفها على الطبيعه تشوفها حاجة تانية خالص

**kareemhisham** · 14-06-2009 04:15 PM

المشاركة الأصلية كتبت بواسطة mishtawy

انا معجب جدا بهذه السيارة ولكن انا سمعت ان السيارة نيسان ليفينا بقت ب115000والاخ سامح عز كان عامل تقرير علي الرابط ده http://www.nilemotors.net/nile/showthread.php?t=51674 (لم يذكر هذا السعر )ياريت حد يقول اذا كان السعر ده صحيح ساعتها يبقى فيه كلام تاني لان الاوبشن في ليفينا كويس

سعر الليفينا نزل من شهر تقريبا ل115 من 131
و السيلفى نزلت من 160 ل 136.

**Ahmed Samy** · 14-06-2009 06:30 PM

لا يوجد بها:
Abs (وهو غير متوفر حتى فى النسخة الأوربية 2000 cc) ويستعاض عنها بفرامل خلفية ديسكات

حضرتك متأكد من النقطة دي ؟؟؟؟؟

**Sherif Sharaf** · 15-06-2009 08:47 AM

المشاركة الأصلية كتبت بواسطة Ahmed Samy

حضرتك متأكد من النقطة دي ؟؟؟؟؟

متأكد جداً ، أنا دورت فى الموضوع ده كتير جداً .... بالنسبة للسيارة اللى هنا أكيد مفيهاش ABS
بالنسبة للنسخة الأ,ربية 2000 cc فمفيش أى موقع ذكر إن الفرامل ABS الكل أجمع على إنها ديسكات فقط

**وائل عطية** · 15-06-2009 11:46 AM

المشاركة الأصلية كتبت بواسطة cocojumbo3000

متأكد جداً ، أنا دورت فى الموضوع ده كتير جداً .... بالنسبة للسيارة اللى هنا أكيد مفيهاش abs
بالنسبة للنسخة الأ,ربية 2000 cc فمفيش أى موقع ذكر إن الفرامل abs الكل أجمع على إنها ديسكات فقط

امبارح قرأت ريفيو لسيدة أوروبية وكان كلامها بيأكد إن فيها abs للأسف اللينك مش معايا بس لو عرفت أوصله تاني هانقلهولكم للاطلاع

الموضوع: كيا كارينز - التفاصيل الكاملة

LinkBack

أدوات الموضوع

عرض

كيا كارينز - التفاصيل الكاملة - انشر الموضوع فى :

-

-

-

-

-

-

المواضيع المتشابهه

باركولى يا جماعة....التفاصيل جوة

التفاصيل الكاملة لأرخص سيارة في مصر

نيسان قاشقاي التفاصيل

عايز كارينز الاسبوع دا , الي عارف مكان كارينز استلام فوري !!

الكلمات الدلالية لهذا الموضوع

المفضلات

المفضلات

ضوابط المشاركة