كيف يمكن تقوية سحب الفيات الأونو 45 .. إلي خبراء الأونو

مساء الفل يا شباب

عندي مجموعة اسئلة يا شباب

انا بدأت ازهق من العربية لأن سحبها مش عاجبني بصراحة و تحديدا علي السرعات المنخفضة

علما بأني معملتش اي تعديل علي العربية من ساعة ما جبتها

فعايز فعلا نصايح من الناس و تتعمل اذاي في نفس الوقت

هل بوجيهات ؟ و عندي هنا سؤال أخر البوجيهات كام شمعة؟ و هل لو عليت البوجيهات العربية حتسخن أكتر ؟

يا ريت الناس فعلا تفيديني في الموضوع دة

كمان مش عارف هل العربية الأونو بتاكل بنزين قوي كدة في الزحمة؟ في السفر تقريبا مش بتاكل بنزين خالص، لكن في الزحمة استهلاكها تقريبا مضاعف للعادي و خاصة مع التكييف

اية دة هما الخبراء بتوع الأونو اختفوا ولا اية ؟

اية يا جدعان انتوا فين؟

طيب الاستهلاكات ايه و طريقة سواقتك عاملة ازاى ؟

بس ياباشا لو عربيتك كربراتير أنا كان معايا واحدة كربراتير موديل 97 وكنت مركب فيها فلتر اسبور وبصراحة فرق جداا فى السحب والصوت كمان وممكن تجيب سلوك وبوجيهات أسبلت فاير وديفل أصلى طبعا والكلام دا هيفرق معاك جداا وهيرفع من قدرة الموتور ودى وصورة الفلتر ألى كنت مركبة
http://img44.imageshack.us/img44/6066/30301407.th.jpg
ويارب اكون قدرت افيد حضرتك

اقتباس:

---

المشاركة الأصلية كتبت بواسطة bmw323

بس ياباشا لو عربيتك كربراتير أنا كان معايا واحدة كربراتير موديل 97 وكنت مركب فيها فلتر اسبور وبصراحة فرق جداا فى السحب والصوت كمان وممكن تجيب سلوك وبوجيهات أسبلت فاير وديفل أصلى طبعا والكلام دا هيفرق معاك جداا وهيرفع من قدرة الموتور ودى وصورة الفلتر ألى كنت مركبة
http://img44.imageshack.us/img44/6066/30301407.th.jpg
ويارب اكون قدرت افيد حضرتك

---

أنا عرابيتي كاربراتير برضة

طيب منين ممكن اجيب الفلتر الرياضي دة بتاع الأونو و بيبقي بكام ؟ و مش عارف بيفرق في الصوت أنة بيخلية أعلي ولا أوطي؟

كمان بالنسبة للسبليت فاير بتبقي كام شمعة و اجيبها منين هي و سلوكها و بكام، و هل لو عليت البوجيهات العربية حتسخن أكتر ولا عادي ؟

الديفل بصراحة مش بحبة لأن صوتة بالنسبة ليا مزعج جدا بصراحة

و شكرا يا ريس علي الإفادة

-----------

جاليليو انا سواقتي عادية جدا، اول ما الغيار يبدأ يحرق بنقل، و بعمل كدة علشان بدون حرق الموتور بيسقف تسقيف بسيط كدة فبحس ان الحرق ممكن يبقي اقل ضررا من التسقيف

طيب تمام, معدل استهلاكك قد ايه ؟ و بتستعمل بنزين كام ؟
حالة البوجيهات ؟ حالة فلتر الهوا و البنزين ؟ نوع الزيت اللى بتستعمله ؟

و طبعا لو قرصت شوية احسن من التسقيف

شوف يا سيدي البنزين، ما بين 92 و 80 حسب الحالة المادية بصراحة، بس في الغالب 92

و بالنسبة للبوجيهات دينسو 1 شمعة

الفلاتر كلها لسة جديدة معملتش 3000 كيلو

و الزيت شل الأصفر عامل بتاع 2000 كيلو نصهم تقريبا مسافات طويلة

هو الفكرة اللي محدش بيرد عليها فيها، هل البوجيهات الأعلي تخلي العربية تسخن ولا لأ؟

اقتباس:

---

المشاركة الأصلية كتبت بواسطة amrbakly

شوف يا سيدي البنزين، ما بين 92 و 80 حسب الحالة المادية بصراحة، بس في الغالب 92

و بالنسبة للبوجيهات دينسو 1 شمعة

الفلاتر كلها لسة جديدة معملتش 3000 كيلو

و الزيت شل الأصفر عامل بتاع 2000 كيلو نصهم تقريبا مسافات طويلة

هو الفكرة اللي محدش بيرد عليها فيها، هل البوجيهات الأعلي تخلي العربية تسخن ولا لأ؟

---

خليك فى 90 احسن , 92 حرقه اعلى من العربيه , حيبقى فى هدر شوية
البوجيهات لو فكتها بتطلع مهببة و لا لأ ؟ و الدنسو كويس عامة
الزيت كويس , و كنت باسال عشان فى زيوت بتعلى صوت الموتور فيتهيالك انها ما بتسحبش كويس , شل الاصفر كويس

المفروض البوجيهات ما تسخنش العربية بأى عدد من الشمعات
بس خد بالك ان ال Lean Mixture ( بنزين قليل و هوا كتير فى الضبط ) بيسخن العربية

وبرضو حط فى اعتبارك ان المكنة بتطلع حوالى 45 حصان , يعنى ما تستناش منه كتير

اقتباس:

---

المشاركة الأصلية كتبت بواسطة amrbakly

أنا عرابيتي كاربراتير برضة

طيب منين ممكن اجيب الفلتر الرياضي دة بتاع الأونو و بيبقي بكام ؟ و مش عارف بيفرق في الصوت أنة بيخلية أعلي ولا أوطي؟

كمان بالنسبة للسبليت فاير بتبقي كام شمعة و اجيبها منين هي و سلوكها و بكام، و هل لو عليت البوجيهات العربية حتسخن أكتر ولا عادي ؟

الديفل بصراحة مش بحبة لأن صوتة بالنسبة ليا مزعج جدا بصراحة

و شكرا يا ريس علي الإفادة

---

الفلتر بيخلى الصوت عالى طبعاا بس صوت رياضى أنا جبتة بـ 150 جنية نوعة سيموتا
ممكن تلاقية عند جو بتاع الكماليات أو شارع دمشق بس أنا كنت جايبة من أحمد عرابى فى المهندسين البوجيهات والسلوك بردو هتلاقيها يا عند جو يا فى شارع دمشق وسعر البوجيهات الأسبلت فاير هلاتقيها فى حدود ال 160 جنية للأربعة والسلوك الأربعة بـ 400 تقريبا وفلتر السيموتا 150 أو كى أند أن ودا بـ350 وطبعا أنتا لما هتجيبو هتقولة عاوز بتاع الأنجكشن العادى بس خد منة كاوتشة علشان الزور هيبقى واسع وعاوز حاجة تضيقة
تحياتى

مش لازم ال سبليت فاير علي فكرة خليك في المضمون علشان لو طلع حتي فيها حاجة متبقاش ضيعت فلوسك
ممكن ال بوش ال4 شمعة او ال ngk ال3 شمعة او 4 و السلوك من نفس الماركة برده
و مشكوووور يا باشا علي صورة الفلتر علشان هاعمل زيك اوريب :)
و خليك في الفلتر السيموتا احسن نوع و محدش اشتكي منه



و بلاش موضوع بنزين ال80 ده