كل زوج وزوجة بيمروا بعدة مراحل فى حياتهم من اول ما يتعرفوا على بعض لحد بعد عمر طويل لو قدر ليهم يعيشوا العمر الطويل ده مع بعض
واليكم
التطور الطبيعى للأزواج
تطور كلمة بحبك
بعد 6 اسابيع : بحبك بحبك بحبك.... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟
اول ما يرجع من الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟
لما يسمع جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
وقت الغداء
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى
لما تشترى فستان جديد
بعد 6 اسابيع : مبروك ياحبيبتي, هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : بكام ده؟
لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6شهور : ماتقلبيش المحطة انا عايز الفيلم دة
بعد 6 سنين : انا رايح السينما, نامى انتى بقى
لما تعزم صديقاتها
بعد 6 اسابيع : وماله اهلا بيهم فى اىوقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دةمابقاش بيت
لما يروحوا السوبر ماركت
بعد 6 اسابيع : تحبي تروحى انهى سوبرماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودىالاكل فين !؟؟
لما ييجى عيد ميلادها
اول عيد ميلاد بعد الزواج : معلش حبيبتى كان نفسى اجيبهولك الماظ
تانى سنة : خدى 50 جنيه وهاتى اللى انتى عايزاه
بعد 6 سنين: هو مش عيد ميلادك كان السنة اللى فاتت هو كل سنة ولا ايه
فى العيد
بعد 6 اسابيع: حبيبتى الكحك والبسكويت والبيتى فور وكل اللى طلبتيه برة عالسفرة
بعد سنة : مش واجب بقا مامتك تجيب الكحك
بعد 6 سنين : مش لازم كحك السنة دى.. انتى تخنتى اوى
وهى رايحة للدكتور
بعد 6 أسابيع: حبيبتى قوليلى قبلها عشان اعمل حسابى فى الشغل
بعد 6 شهور: خدى مامتك ولا حد من صحابك
بعد 6 سنين: دكتور دكتووووور ما أنتى زى البومب اهوه
فى حاله الولادة
المولود الاول : زى القمر ........شبهك
المولود التانى : شبه اخوه
المولود التالت : ياريت تخلى بالك المرة الجاية