آفاق جديدة للابداع فى ساحة التخلف العقلى

**Hondawy_2008** · 15-06-2009 05:59 AM

حمد الله عالسلامة يا سبعاوي باشا............معلش بقى شعب لزج

أنا عربيتي بقت عبارة عن لوحة سيريالية من خدوش المسامير كل يوم أنزل أفتش عن خط جديد مش عارف اللي بيعمل كده هدفه ايه حقد على صاحب العربية ولا تخلف عقلي بس أقسم بالله أنا لو ظبطت اللي يعمل كده أنا حالف لأفتح راسه بالكوريك عشان يكون عبرة...

**merosss** · 15-06-2009 06:08 AM

دة عادى انا مرة على الدائرى ماشى فى الحارة الى قبل الاخيرة ناحية الشمال فجاة كدة لقيت تاكسى راكن على اليمين ونازل منة ناس بيجروا فى نص الدائرى وبيشورو للعربيات ببص قدامى لقيت ترابيزة متوسطة الحجم كدة فى الحارة الى جنبى على اليمين طارت من على التاكسى

**tutankhamoun** · 15-06-2009 06:15 AM

شعوب الدرجة الثالثة من دول العالم الثالث .
شعب متخلف ...... و حكومة متخلفة .... و شوارع تجيب الضغط .

الحمد لله على سلامتك يا باشمهندس سبعاوي .

**amrico** · 15-06-2009 09:37 AM

لعنة الله على أي شخص كذاب وحقير ومنافق بيردد اننا حضارة 7000 سنة

**tutankhamoun** · 15-06-2009 09:40 AM

أي و الله ....... صدعونا بحضارة سبعة الاف سنة و بأنجازات مش عارف مين .

و لكن الشارع بيقول غير كدا ........ تخلف x تخلف = همجية و حوادث و ووقت ضايع بالهبل و ممتلكات بيتم تخريبها ........ مفيش فايدة .......
لنا الله

**NaderNabil** · 15-06-2009 09:44 AM

المشاركة الأصلية كتبت بواسطة merosss

دة عادى انا مرة على الدائرى ماشى فى الحارة الى قبل الاخيرة ناحية الشمال فجاة كدة لقيت تاكسى راكن على اليمين ونازل منة ناس بيجروا فى نص الدائرى وبيشورو للعربيات ببص قدامى لقيت ترابيزة متوسطة الحجم كدة فى الحارة الى جنبى على اليمين طارت من على التاكسى

كنت سايق في نفس الوقت ده و شوفت المنظر ده...بس الأغلب ده كان موقف تاني...لأنه من الحاجات العادية اللي بتحصل كل يوم :)

و عادي لو لاقيت سجاجيد أو شوية حلل أو شنطة سفر....كل دي حاجات طبيعية...كأنك في الصالة بتاعة بيتكم بالظبط...يا جماعة الشعب أسرة واحدة والشارع هو بيتنا...لازم نتقبل هذا الوضع...

**amrico** · 15-06-2009 10:04 AM

المشاركة الأصلية كتبت بواسطة nadernabil

يا جماعة الشعب أسرة واحدة والشارع هو بيتنا...لازم نتقبل هذا الوضع...

اسرة تجيب العاااااااااااااااااااااا اااااااااااار

بالمناسبة مشهور في العالم المقولة دي (انت مصري إذن انت همجي)

وللسخرية كانوا مرة مجموعة سودانيين من دولة السودان الشقيق (اللي بعض الناس بيتصور ان مصر متقدمه عنهم وارقى منهم) سمعتهم بيتكلموا عن همجية المصريين في موسم الحج وعدم قدرتهم على عمل مجرد طابور عشان دخول السفينة في ميناء جدة في حين ان كل السفن اللي رايحة في أي داهية الناس واقفين منظمين لأنهم عارفين ان السفينة مش هاتمشي قبل مايراجعوا العدد

مثال تاني مجموعة هنود شغالين في اصغر الأشغال في دول الخليج كانوا متابعين كاس الأمم الأفريقية الأخيرة رغم ان الهند مالهاش في الكورة خالص ومش في افريقيا
بس عارفين كانوا متابعينها عشان يشجعوا كل الفرق اللي بتلاعب مصر تحسبا للمصايب والفرحة الهمجية اللي المصريين بيعملوها في الشوارع بعد الفوز بأي مباراة

اسف للإطالة

**tutankhamoun** · 15-06-2009 10:19 AM

المشاركة الأصلية كتبت بواسطة amrico

اسرة تجيب العاااااااااااااااااااااا اااااااااااار

بالمناسبة مشهور في العالم المقولة دي (انت مصري إذن انت همجي)

وللسخرية كانوا مرة مجموعة سودانيين من دولة السودان الشقيق (اللي بعض الناس بيتصور ان مصر متقدمه عنهم وارقى منهم) سمعتهم بيتكلموا عن همجية المصريين في موسم الحج وعدم قدرتهم على عمل مجرد طابور عشان دخول السفينة في ميناء جدة في حين ان كل السفن اللي رايحة في أي داهية الناس واقفين منظمين لأنهم عارفين ان السفينة مش هاتمشي قبل مايراجعوا العدد

مثال تاني مجموعة هنود شغالين في اصغر الأشغال في دول الخليج كانوا متابعين كاس الأمم الأفريقية الأخيرة رغم ان الهند مالهاش في الكورة خالص ومش في افريقيا
بس عارفين كانوا متابعينها عشان يشجعوا كل الفرق اللي بتلاعب مصر تحسبا للمصايب والفرحة الهمجية اللي المصريين بيعملوها في الشوارع بعد الفوز بأي مباراة

اسف للإطالة

فعلا الكلام كله مظبوط ......

و أحنا شعب متخلف و مش بنعرف يعني أيه طابور .
أو الناس عارفة يعني أيه طابور بس كله عامل عبيط و بيستعبط و بيستهبل و محدش بيبقى عايز يقف طابور ..........

الطابور هو عدو المصريين .

**chato_eg** · 15-06-2009 10:57 AM

المشاركة الأصلية كتبت بواسطة noon_eg

احدى حلقات الابداع فى شوارع المحروسه حصلت لى على طريق المنيب حيث انخلع سبويلر السياره اللى قدامى وطار فى الجو ولطش فى فوانيس عربيتى كسرهم الاتنين
العجيب ان حاجه زى كده مفروض بتتركب بمسامير صعب تتخلع اثناء السير ولكن العبقريه هنا ان واحد يلزقه بدبل فيس اسهل بدل ما يخرم ويوجع قلبه
وتكون النتيجه انى ادفع 350 جنيه تمن فانوسين جداد
وعجبى

أنا لو منك
أنزل آخد ال spoiler المخلوع....
و أكسر بيه فوانيس عربية " العيل " الرخيص ....
و لو راجل...يفتح بقه...علشان أكسر له طقم سنانه بنفس ال Spoiler
و ليه " عيل" رخيص...علشان تصرف غير مسئول و فى منتهى الاسترخاص بدون التفكير فى عواقب الاستسهال و الفهلوة...

**chato_eg** · 15-06-2009 11:12 AM

المشاركة الأصلية كتبت بواسطة ak1981

اي واحد غلبان معاه رخصة

كانت الناس هتتلم لو كانت حصلت حادثة و ييجوا عليك انت و يقولوا لك يا عم حرام عليك ده غلبان

حرمت عليهم عيشتهم

أكييد
و خصوصا إنه يتم إصدار حكم شعب واجب النفاذ فى التو و اللحظة على المتخاصمين...
و هما ليه بيصدروا أحكام من بابه ؟؟؟...ما تفهمش...كل واحد بيعانى من كبت نفسى نتيجة أب قاس أو زوجة متسلطة أو رئيس عمل ........*...تأخذه العزة و تظهر عليه علامات الخبرة بأمور المرور و هو عمره ما اتعلم سواقة و لا عرف أى حاجة عن قواعد المرور و جايز لم يشاهد الحادث من بابه...و هاتك فتى و رغى و بعد المداولات العقيمة من الهيئة المريضة نفسيا إللى بتكون عايز تسيب المتخلف عقليا المتسبب فى الحادث و تندار عليهم من كتر غيظك منهم...ينزل عليك الحكم...إللى كلنا عارفينه مسبقا نظرا لشهرة القاعدة المطبقة
الأقوى دائما على باطل
مقطورة أو نقل مع عربية أصغر...يبقى النقل غلطان
ملاكى مع مشاة أو سيارات أجرة....أكيد المجرم هو الملاكى
و طبعا فى حالة اصطدام الملاكى مع أى ممتهن للقيادة ( نقل - نصف نقل- أجرة ) ...حتى و إن ثبت صحة موقف الملاكى....لكن ما يصحش إنك تجرم الراجل إللى بيجرى على أكل عيشه...كما لو إن صاحب العربية الملاكى ده راجل عربيد يحصد الكثير من الأموال من شقاء البؤساء دون بذل مجهود بل بفرض السطوة على الغلابة....

الحمد لله إن ربنا هو إللى بيحكم يوم القيامة ..مش حد من البشر

الموضوع: آفاق جديدة للابداع فى ساحة التخلف العقلى

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مازيراتى كوبانج ذات الدفع الرباعى ( للابداع اصول )

الحجاب مظهر من مظاهر التخلف!؟

قمة التخلف

الكلمات الدلالية لهذا الموضوع

المفضلات

المفضلات

ضوابط المشاركة