علشان كده يا جماعه كان توقيعى:
" مفيش فايده مفيش فايده "
لكن غيرته على سبيل الأمل فى غداً أفضل .. حاسس انه مش ها ييجي ...
عرض للطباعة
علشان كده يا جماعه كان توقيعى:
" مفيش فايده مفيش فايده "
لكن غيرته على سبيل الأمل فى غداً أفضل .. حاسس انه مش ها ييجي ...
الموضوع قديم بس الواحد بواجهة بشكل شبة يومى
مرة و انا مروح البيت كنت ماسك يمين عشان ححود يمين و كان فيه واحد كالعادة واقف على الاسفلت بعيد عن الرصيف... الباشا ندة للتاكسى اللى كان على شمالى و قالة على مكان ما فى ارض المحروسة و تقريبا السواق وافق على انه يوصلة
طبعا الباشا من فرحتة ان فيه سواق تاكسى حيوصلة اندفع عشان يعدى الطريق (لاحظوا ان التاكسى وقف فى تانى حارة من اليمين... يعنى فى نص الشارع) و طبعا دة معناه انه كان حيتحول الى بوستر على كبوت عربيتى.... المهم انى مسكت فرامل و العربية كلبشت قبل اما تاكل الزبون و لما فتح الزجاج و زعقتلة و قولتلة "يعنى عايز تموت نفسك عشان توصيلة تاكسى؟؟؟"... رد عليا بنفس البلاهة اللى ذكرها سبعاوى و قال لى "لامؤاخذة"
ساعتها افتكرت حادثتى لما شيلت الراجل على صلاح سالم... ل ساعتها كنت ممكن انا كمان اضحك ضحكة بلهاء و اقول للناس "لامؤاخذة" و امشى عادى كدة؟؟؟؟
انا بصراحة بتغاظ جدا من الناس دى و بحس فعلا انها بترمى بلاها على خلق الله على الفاضى و المليان مع انهم ميعرفوش ان قانونا ملهمش دية.... من فترة اسبوعين كدة حصلت مشكلة بين زميل فى العمل وواحد بتاع فزبا خبطة فى كتفة... المهم الموضوع وسع و تدخل واحد ضابط عشان يشوف الموضوع ايه و بعد ما سمع كلام صاحبى و كلام بتاع الفزبا اول كلمة طلعت من بق الضابط لصاحبى "قانونا انت لازم تمشى على الرصيف".... فيما معناه "انت غلطان"
MMamdouh
اولا حمدا لله علي سلامتك و علي سلامة الصني :)
و معلش كويس انها عدت علي خير و علي فكرة اسلوبك في الكتابة
تحفه
للأسف احنا ناس منعرفش أدنى معنى أو بنقدر أي قيمة لما يسمى بالأمن و السلامة و هما من آخر أولوياتنا.
المشكلة ياجماعة أنه لاقدر الله لو الراجل ده حصله حاجة كان الناس أكيد هتغلط العربية . هو ماشي علي رجلية وأنت سايق عربية(أي أن كان نوعها) فلابد أن تكون أنت حرامي ومجرم عتيد الإجرام ومرتشي وسارق فلوس الناس الغلابة....
ومش بعيد كان يتطور الأمر لو كان الموضوع أمام أحد القري وتلاقي القرية خرجت عن بكرة أبيها وأخذت تضرب فيك وتسحلك زي ما بيحصل في جوانتنامو ويكسروا العربية والعربيات المجاوره لها في الطريق ويحرقوهم (الكلام ده مش من خيالي وإنما بيحصل بالفعل على سبيل المثال حادث قرية ميت نما &وغيره....)
المهم نحمد الله على سلامة الأخ سبعاوي ووقنا الله وأيكم شر الناس إلى بدون عقول
عالم غياء فى غباء
هههههههههههههه ... بجد موتني من الضحك
المهم حمدالله علي سلامتك
حصل لي مرتين أن أكون ماشي في الطريق و ألاقي مجموعة ناس مرة 2 و مرة 4 أشخاص عايزين يعدوا الشارع و كأنهم مكلفون بمهمة وطنية. ييجي قدام العربية و تلاقيه مرة واحدة راح باصص قدام و معدي الشارع
كان تعليقي عليهم: "مستعجل على إيه ياخويا؟؟ رايح الجنة؟"
و كان الرد: "كل سنة و انت طيب"