-
استفسار للمهندس سبعاوى
السلام عليكم..
انا كان عندى مشكله فى الكلاكس ولما روحت التوكيل اللى فى طنطا طلع العيب من قطعه موجوده ورا الدريكسيون (قطعه مدوره بتلف مع التاره)
وقالى انها مسؤوله عن الايرباج.ومعاه الكلاكس.المهم المشكله متصلحتش..الاجمل انه شار عليا لان القطعه دى مش موجوده عندهم انى اروح اجبها من بره من عند اى حد بتاع قطع غيار استيراد بره!!!!!!!!!!!!
ولما قولتله العربيه عامله 2000كيلو وبتقولى اسلك حته استعمال؟؟؟؟؟
اتحرج واعتذر وقالى ان القطعه مش عندهم وحنعمل طلبيه حتيجى اول الشهر وكلام كده انا قولتله انا رايح اسكندريه وهناك حسأل...
المهم ايه هى الحته دى وازاى ليها علاقه بالكلاكس؟؟؟؟
و اعمل ايه انا دلوقتى وهل القطعه دى انا حشيل تمنها ولا تعتبر ضمان؟؟
معلش انا طولت على حضرتك بس عشان تبقى الصوره وضحت لحضرتك
-
الحتة دى هى المسئولة عن نقل التيار الكهربى من عجلة القيادة القبلة للدوران الى جسم السيارة الثابت ، ساعات بيسموها الفحمة وهى موجودة فى كل دريكيسونات كل العربيات لكن بمقاسات مختلفة
بس اللى اعرفه هو ان المفروض انك متشيلش تمنها طبعا ، زعق وهلل وروح مركز صيانة تانى واطلبها وابعت شكوى لنيسان مصر واعمل موضوع تجريص هنا على المنتدى وكل اللى تقدر عليه اعمله لحد ما يجيبوهالك، عيوب الصناعة ورادة فى كل مكان ، لكن عدم وجود قطعة الغيار ده يعتبر اهمال وقلة ذوق
-
متشكر جدا يا بشمهندس ..هو كان عذره ان المركز صغير و الاستوكات الموجوده على قد فلاتر زيت وهوا وتيل والحاجات المعروفه دى..
انا ان شاء الله رايح اسكندريه و حسأل هناك..المراكز هناك نظامها ايه؟!؟!؟!؟
بعد ما حل الدركسيون والفحمه اللى حضرتك قولت عليها دى وركبهم تانى لمبه الايرباج كانت بتطفى بعد تلات ثوانى...دلوقتى بقت بتطفى بعد حوالى عشر ثوانى..بصراحه المركز كان اقرب لورشه عم عبده مش مركز صيانه معتمد
ومكنش عارف اسمها كمان
-
الطبيعى ان لمبه الايرباج تطفى بعد 7 ثوانى كما هو مذكور فى الكتالوج
-
مش قصدى انه بتطفى بعد تلات ثوانى بس الفكره ان بعد محل الدركسيون ورجع ركبه تانى الفتره دى طولت اوى عن الاول..
Content Relevant URLs by
vBSEO 3.6.0 PL2