مقاس الكاوتش مختلف

**هيثم** · 15-06-2009 11:49 AM

المشاركة الأصلية كتبت بواسطة mmamdouh

نصيحة اخوية: اشترى 5 فرد 175/70/13

واضح ان العربية كان كاوتشها وحش و التاجر جمع اى كاوتش يؤدى الغرض و خلاص.... الله اعلم حالة الكاوتش ايه و من خلال تضارب المقاسات اقدر اقول ان الكاوتش دة اكيد عايز غرفة الاعدام

غير الكاوتش... حياتك مهمة

mmamdouh

زى الفل
حضرتك ترشح اى نوع
وجنوط رياضيه افضل ولا مفيش داعى

**MMamdouh** · 15-06-2009 12:11 PM

خللينا نتكلم فى الجنوط الاول... لو ناوى يبقى الافضل تجيب 14 او 15 لان بصراحة بعتبر الجنط السبور ال13 مضيعة فلوس بس دة رائى الشخصى

لو جبت جنط 14 حتحتاج كاوتش مقاس 185/60/14 و لو جبت جنط 15 حتحتاج كاوتش 195/50/15... و على فكرة اللانوس ال 1600 بتنزل اصلا بجنط 14 بالتالى مفيش اى خطر على العفشة و الزيادة من 14 الى 15 مش كبيرة بالتالى ال15 مش خطر برضة... الجنط الاكبر مع الكاوتش الاعرض حيزود ثبات العربية على سرعات عالية و فى الملفات و حيحسن اداء الفرامل كمان

بالنسبة لانواع الكاوتش (بغض النظر عن التجنيط من عدمة) فا الناس بتنصح بالبردجستون... هى ماركة محترمة و كويسة جدا بس غالية جدا مقارنة بباقى المنتجات اللى فى السوق... نفس الكلام ينطبق على الميشلان

اللى انا شايفة كويس هو البريللى P3000 و انا مركب طقم فى عربية والدى و الGT برضة كويس... طبعا الكومهو و الهانكوك من الماركات الكويسة جدا و سعرها مش غالى... يعنى كل ما سبق ذكرة ما بين 200 الى 250 لمقاس 175/70/13

MMamdouh