ارجو المساعدة منالاخوة الأعضاء فى قرار شراء sx4 سيدان اوتوماتيك , ما هى مواصفات السيارة و سعرها و كماليتها اللى بتنزل مصر لأن فى منها اكتر من فئة على موقع سوزوكى , و يا ريت حد من اصحاب السيارة يقول اخبارها ايه معاه , و لكم جزيل الشكر
عرض للطباعة
ارجو المساعدة منالاخوة الأعضاء فى قرار شراء sx4 سيدان اوتوماتيك , ما هى مواصفات السيارة و سعرها و كماليتها اللى بتنزل مصر لأن فى منها اكتر من فئة على موقع سوزوكى , و يا ريت حد من اصحاب السيارة يقول اخبارها ايه معاه , و لكم جزيل الشكر
يا استاذى الفاضل السيارة رائعة فعلآ وأى حد عندو قليل من الخبرة فى سوق السيارات يقدر يتبين داا فى النقاط التالية اولآ السيارة تقفييل يابانى بلكامل السيارة فيها كل الوبشن الممكن تتخيلة من abs و2وسائد هوائية تحكم فى الدركسيون جنوط سبور 16 انش خامات صالون ممتاذة افضل من كثيير جدآ من السارات الموجودة والازيد فى السعر cd mp3 بخلاف جميع الكماليات العادية من الناحية العملية السيارة واسعة جدآ من الداخل الجلوس داخل السيارة ممتع ويشعرك انك راكب سيارة بانوراما من مساحات الزجاج التى تحيطك وتعطيك روؤية ممتاذة السيارة مرتفعة عن الارض ارتفاع مناسب الشنطة مساحتهااا وهمية الكنبة الخلفية مرتفعة ودا بيدى راحة ومتعة للجالسين فى الخلف انا فعلآ كنت بتمنى اجييب العربية دى ربنا يوفأك لما فيية خييير نسيت اقولك ان التوكيل بتعهااا هو بتاع نيسان وهوا جيد
الف شكر استاذ اشرف على ردك الوافى و السريع و هى فعلا شكلها عربية ممتازة بس للأسف احنا فى مصر تفكيرنا غريب شوية بنفكر فى سعر اعادة البيع قبل ما نركب و بنفكر فى الانتشار مش فى احتياجتنا ايه ......... و مشكلتى انى دكتور و مليش فى العربيات اوى و محتاج عربية قوية تستحمل مصر بشوارعها الناعمه و تكون بكماليات كتير و توكيل معقول لأنى معايا متركس دلوقتى فمحتاج اغير بعربية ارقى و محتار بقالى شهرين لأن رنج السعر من 90000 الى 120000 فيه حاجات كتير اوى . بس فيه حاجة مش فاهمها لو حد يقدر يفيدنى انا قريت ان السيدان 4*4 و الهاتش 4*2 و ده مش فاهمه ليه؟ و يا ريت لو حد يعرف سعرها كام دلوقتى و حجز ولا لأ . معلشى طولت عليكم
فرصة سعيدة اوى يا دكتور اخوك صيدلى وانا كان معايا ماتركس برضو 2007 وبعتها علشان مانيول وكنت حاسس انهااا ضعيفة وكنت خلاص هجييب الsx4 السيدان وهيا مش 4*4 للعلم بس المبلغ الكان معايا 90 بس كاش وكنت هقسط الباقى لاكن بعد الاستخارة كلو قالى بلاش تخش فى اقساط وخليك على ادك فستخرت وربنا وفقنى وجبت رينو سيمبول والحمد لله هى افضل اختيار بعيد عن فكرة اعادة البيع فتوكل على الله لانهااا عربية فعلآ ممتاذة وفخمة ومبيركبهاااش الا الناس المميزة فى تفكرهم ولعلمك العربية سمعتهااا حلوة فى الخليج وبلنسبة لموضوع السعر 112 الف الاتوماتك بكل الكماليات السابقة سيدان وممكن تتكلم مع معرض اوتو سمير ريان الناس دى فعلآ محترمة وسمعتهااا حلوة يجبوهالك واتك عليهم فى السعر شوية هما بيعملوا خصومات حلوة ... الله الموفق
أفضل الهايتش باك
أعلى عن الأرض
شكلها تحفه غير السيدان تماما
فيا رووف راك
ممكن تركبلها ديفندر
سبحان الله يا دكتور اشرف واضح ان اختياراتنا قريبه من بعض اوى :) لأنى كنت بفكر فى السيمبول برضه بس مشكلتها معايا ان كماليتها زى الماتريكس تقريبا و على فكرة الماتريكس اللى معايا 2007 برضه :) و كنت هبيعها علشان مانيوال برضه بس سعر السوق فى الأيام اللى فاتت كان وحش اوى جابت 68000 فقلت اديها للمدام احسن لأنها لسه زيرو :) و الف مبروك على السيمبول و ربنا يباركلك فيها بجد عربية حلوة .
و فعلا الهاتش احلى بس اعتقد انها اصغر شوية حتى من الماتريكس و انا محتاج عربية واسعه من جوه و شكلها كبير من برة
الهاتش باك اضغر فى الشنطه فقط
لكن الصالون نفس المساحه
وانت مش هتاسفر كل يوم يعنى
وعندك رووف راك ممكن يركبله شنطة شيك جدا بتبقى مقفوله
روح اى معرض عندو العربيتين واركب دى واركب دى
صدقنى حاجه تانيه خاااااالص
Dimensions
Sedan Hitchback
Length: 4511 mm 4100 mm
Width: 1730 mm 1730 mm
Height: 1544 mm 1565 mm
Front/rear Track: 1501/1496 mm 1499/1494 mm
Wheelbase: 2499 mm 2499 mm
Ground Clearance: 160 mm 191 mm
Cargo Volume: 515 L 269 L
معاك حق فعلا يمكن مفيش فرق كبير عن السيدان بس يمكن انا بقارنها بالماتريكس فى الحجم علشان انا سايقها بس بجد الموضوع محير . شراء عربية تانية بتدور فيها على قرب الكمال فى حدود سعر معين غير شراء عربية اول مرة لأنك محتاجها . انا فعلا بقالى اكتر من 5 شهور حيران
توكل على الله يا اخى الفاضل وهاتها هى اعلى من كل الى فرنجهااا فى الخامات ومستوى التقفيل و عوامل الامان كمان واعتقد ان السيدان اكثر عملية وهما نفس الصالون والطبلوة واحد وموضوع الدفندرات الى قال عليهااا الاخ الكرييم ممنوع فى المرور ويعديين المشكلة الى كانت بتقبلنى فى الماتركس هيا ان اى حاجة كانت بتبقى فى الشنطة تعمل صوت مع المطباط ودا عزل بيتميز بية السيدان عن الهاتش باك وخاصة لو انتى متزوج ومضطر احيانآ تشيل حاجات مختلفة والسيدان هتوفرلك 10 الاف عن الهاتش باك
الاستاذ احمد حجاج
سعاتك شفت الهاتش باك فى اى معرض
روح واتفرج عليها وانت تعرف الفرق
كمان ممكن تشوف الكيا كارينز
بيقولوا عليها حواديت
الكيا كارينز تحفة فى الحجم و السعر على حساب الكماليات و الحجز بتاعها فترة طويلة
توكل على الله وهاتها انا كنت زيك محتار وبعد ما اشتريتها لقيت كل كلام الاخوه اللي في المنتدى صحيح هي عربية ما شاء الله في كل حاجة باستثناء ان عفشتها نشفها شوية والموضوع ده احترت فيه قبل الشراء لأن ناس يعتبروها ميزة بالنسبة لشوارعنا في مصر لأنها تستحمل اكتر وناس يعتبروه عيب لأن المفروض ما احسش بالمطبات خالص لكن بعد الشراء لقيت الموضوع ليس بهذه الضخامة وباقي المزايا تخلني افضل نفس السيارة على اي سايرة اخرى بنفس السعر وربنا يوفقك
ليا واحد زميلي سعودي اشترى الـ sx4 الهاتش باك .. 2000 cc فول اوبشن.
و الله تسارعها حكاية .. و عالية جدا عن الارض و ثباتها هايل. و جنوط 16 انش . و بودي كيت مخلي شكلها جميل. شاريها كاش بـ 55 الف ريال.
اكيد هاتبقى اغلى بكتير في مصر علشان 2000 cc .
بس مش عارف توكيلها و صيانتها عاملين ايه في مصر.