الموضوع: هل القيادة الإفتراضية (Electronic games) تفيد فى القيادة الواقعية

Simulation programs المعدة اعداد فنى وواقعى باء على دراسة مفيدة و الدليل على ذلك اعداد الطيارين المدنيين و الحربين و حتى فى برامج الفضاء بيعتبر التدريب على أجهزة تعمل وفقاً للبرامج دى مفيد جداً و جزء لا يتجزأ من التدريب عامة ..
خاصة انها مبرمجة لرد فعل شديد القرب من الواقع , و ده اللى بيفيد انك بتتعلم و لا تكرر الخطأ بدون خسائر..
و هذا غير متوافر أبداً فى برامج الالعاب العادية , ليس لعيب فيها أو فى تصميمها و لكن لاختلاف الغرض بالطبع ..

المشاركة الأصلية كتبت بواسطة abdo_general

المشكلة برضه في الالعاب دي انها بتديك بور اوي وخصوصا لو نزلت تسوق علي طول وانت لسه مخلص لعب

اول ما تمسك عربية بجد مش هتمسك نفسك
وممكن لا ارداي تعمل حركة من الي بتعملها

انا مرة كنت من حوالي سنتين
وكنت بموت في حاجة اسمها drift
في
underground

وكان عندنا ساعتها شاهين وداخل ملف عامل زي حرف u كبير وانا ماشي علي 120
وحسيت ان عقلي وقف ومش ههدي وخلاص هجرب
وجربت

مش هقولكم بقي
هي جت معاي بس من ستر ربنا مش من مهارتي طبعا

فكرتنى باونوماك 99 , السنة اللى جابو فيها عربيتين الفورميولا 1 الفيرارى و الويست ماكلارين
كان فى سيميولاتور عربية بورش 911 rs و كل حبه كده كانوا بيخلوا حد يجرب التراك
فى شاب ساق سواقة جامدة جدا و لما نزل المندوب بيقوله ايه يا عم الجمال ده
و طبعا كان الرد , البركة فى نيد فور سبيد يا باشا :]

انا اتعلمت الركن من لعبة على النت مش فاكر اسمها بس بجد كنت شايف نفسى من فوق وباقيم اخطائى انا بدل ما اخبط فى عربيات الناس فى الحقيقة
ولما اتشجعت بدأت اطبق اللى اتعلمته فى اللعبة بحذافيره ولقيت الركن اسهل حاجة بعد ما كان عقدتى فى دنيتى

M3 Challenge جامدة فعلا , و فى لعبة لسه منزلها اسمها Superstars V8 Racing ظريفة برضو و سيميوليشن مش اكشن