هل القيادة الإفتراضية (Electronic games) تفيد فى القيادة الواقعية

**HSultan** · 14-06-2009 08:14 PM

هل القيادة الإفتراضية (Electronic games) تفيد فى القيادة الواقعية
أنا بالنسبة لي بعد تجربتى مع Need 4 Speed
أرى إنها مفيدة كالتالى
- زودت من التركيز الشديد أثناء القيادة الحقيقية ( إنت لو بتلعب مابتقدرش ترد حتى علي حد بيكلمك )
- خلتنى بخطط للطريق يعنى إمتى تمسك شمال وإمتى يمين وإمتى تبقى سرعتك أد إه ( ما إنت موش عاوز تغلط عشان ما تعدش الدور ثانى )
- مراقبة الطريق زادت ( لأنك بتتعود تراقب أى حاجة بتتحرك على الشاشة لأنك لازم تشوفها بدرى قبل فوات الأوان )
- بتخليك تعرف أنسب المسارات فى المنحنيات حسب سرعتك ( لأنك لو إتزحلقت إلى ورا هيعدوك )

**gazarco84** · 14-06-2009 08:31 PM

تمام كلامك بس المفروض تختار لعبه معقوله تلعبها , انا كنت بالعب Burnout اللى كلها تكسير و خبطات و ده أكيد أثر عليا بالسلب

**Ashraf_Ashraf** · 14-06-2009 08:35 PM

اعتقد الميزه الوحيده هتكون التعود على التركيز
والعيب انك هتكره عربيتك علشان مش هتجرى زى nfs

**Fadi Ezzat** · 14-06-2009 08:51 PM

اقولك تجربتى مع نيد فور سبيد واكنت ابشع تجربة على الاطلاق
انا كنت حاطط شفرة بتك على زرار يروح اول لما اتك يكلبش العربية مكانها متتحركش ولا تتزحلق
وكنت على طول متعود العب بية وللاسف عملت كدة فى الحقيقة من غير اما اخد بالى كنت بالعرببية الاوكتافيا
كنت ماشى حوالى 160 وفى واحد كان ماشى حوالى 100 او 120 مش عارف بالظبط بس هو كان اهدى منى بكتير وسرحت
وجيت عندة وكبتك على الرفامل زى اللعبة لولا ستر ربنا انى رجعت لوعى تانى وردخلت الحارة اليمين باعجوبة وبسرعة جدا جدا لدرجة
انى سمعت صوت سرخة الكاوتش
ومن ساعتها مبقتش العبها رغم انى كنت بلعبها كل يوم وكتير اوى
بس بعد فترة بقيت العبها تانى وعادى

**د.محمود صلاح** · 14-06-2009 09:03 PM

أكيد الالعاب دى بتديلك تركيز وتصور مثل الواقع تماما , وأنا أؤيد هذه النظرية تماما

**A.Saad** · 14-06-2009 09:08 PM

بتدى تركيز وعادات جيدة وبالذات لو العاب تعليم القايادة

**bmw323** · 14-06-2009 10:38 PM

أكتر حاجة بردو الواحد بيستفاد منها هى أمكانيات العربية ألى بتلعب بيها أخبارها أية فى الثبات ودا والله أنا أخدت بالى منة كويس جداا دا غير بقا أن الأحساس عندك بيبقى عالى شوية أنا بتكلم عن نفسى يعنى
وأنا مستعد أدخل لأى حد سباق وأنا ألى هكسب هاااا حد جاى:POINTI~2[2]: وMost wanted جامدة جداا بردو خصوصا لما البوليس بيقرب منك وأنتا ماشى على سرعة عالية فى سنسور كدة جامد أوى عامل زى السنسور بتاع العربية