شيتوس بك..
يا اهلا بيك في مشرفنا و منورنا..
انا هارد عليك بقدر معلوماتي المحدودة في العربية دي لحد ما ييجي حد من مالكيها يكمل الحاجات اللي انا مش عارفها..
1- تفاصيل الموتور انا مش عارفها بس الهورس باور في حدود 90 حصان و الموتور كامة واحدة.. باقي المعلومات الاحصنة دي عند كام لفة و العزم كام و عند كام لفة.. مش عارف بصراحة
2- التكييف علي الاقل هيكون جيد.. و مش بيأثر علي السحب.. بس برضه عشان الدقة.. حد من مالكي العربية هيفيدك اكتر.. بس هو اكيد اكيد مش زي الياباني
3- العربية تعتبر عالية شوية.. و الثبات كويس لحد 140-150 مثلا.. ممكن 160 كمان.. لكن اكتر من كده بيتهيألي ممكن تحس انك مش مسيطر عليها كويس.. و في الملفات برضه تعتبر مش ثابتة كويس قوي..عشان زي ما قولت لسعاتك العربية عالية.. و دي ميزة في المطبات الحلوة بتاعت بلدنا دي.. العربةي مش بتحك خالص..
4- قطع الغيار ميزة و عيب.. الميزة ان العربية تكنولوجي بسيطة جدا و مفيهاش تعقيد كتير.. و حاجتها معظمها برازيلي و متعتبرش غالية الحاجات بتاعتها.... عشان العربية برازيلي تجميع مصري و ده عيب عشان قطع غيارها استيراد قليلة جدا..
5- العربية مفيهاش مشاكل سخونة خالص.. و عيبها الشائع المعروف.. انها مع بعض الناس بتجيب اسطوانة و ديسك دبرياج كتير.. يعني ممكن ناس تغيرهم علي 40 الف كم. و ناس تانية يقعدوا بيها لحد ال100 من غير تغيير..!!!! و تمنهم ف التوكيل بالتركيب في حدود 1500 جنيه..
6- الصالون مش واسع.. هي ضيقة شوية.. و خامات التقفيل نضيفة.. و العربية زي ما قولتلك برازيلي تقفيل مصري.. بس كويسة مش وحشة..
7- العربية مانيوال بس مفيش منها اوتوماتيك.. كاملة.. 4 زجاج كهربا و تكيف و باور و سنتر و وحدات رفع و مفتاح مشفر سعرها دلوقتي ف السوق 50-55 الف حسب الحالة و ماشية قد ايه و كده..
8- عربية معمرة طبعا.. و اعطال قليلة نتيجة انها زي ما قولتلك تكنولوجي بسيطة جدا و مفيهاش لعب كتير..
9- فرامل كويسة جدا.. و عفشة ناشفة شوية بس في المقابل ثبات كويس..
معلش انا اسف اعذرني ماديتكش معلومات كاملة.. بس اهي تصبيرة لحد ما حد من مالكي العربية يفيد سعاتك كويس ف الحاجات اللي وقعت مني..
المفضلات