thats great
عرض للطباعة
thats great
up up up nile motors
congratulations hyundai
مبروك يا شباب ... وربنا يقويقكم ونعمل شغل أعلي كمان وكمان
أستاذ / كريم
انا بعتلك صورة من الميل اللي بعته لرئيس قطاع التطوير علشان يعممه علي المراكز ... و زي ما اتفقنا العرض هايتم علي العربية اللي عليها الأستيكر ... و هايكون ساري الي ان يتم الأعلان عن توقفه لا قدر الله ... و زي ما وضحت لأحد الأعضاء الأفاضل أنه لا يمكن الجمع بين هذا العرض و أي عرض آخر مثل التأمين ... العرض بمراكز غبور فقط حاليا و جاري نقاشه مع مراكز الخدمة المعتمدة... و أن شاء الله نقدر نعمل تسيهلات أخري ... دي بداية و أن شاء الله نفاجئكم بعروض تانية ... و الأهم أننا نكون عند حسن توقعاتكم.
بارك الله فيكم جميعاً
و تقبلوا وافر التحية و الأحترام
Dear Eng. Hany
As been agreed that Nile Motors customers will get the following discount:-
15% Labor discount
15% Spare Parts discount
The vehicles identified with Nile Motors Sticker are deserved that discount.
Sticker image is attached
Thank you
Best regards
ما تم ارساله لجميع القطاعات
شكرا مهندس عاطف وادارة غبور موتورز
كريم باشا أنا نفسى فى الاستيكر بس انا من طنطا بس لو حد يقدر يجيب الاستكر طنطا ويتفق معايا اقابله فين علشان استلم الاستيكر ودة رقمى 0104596161
ألف مليون مبروك ومن نجاح إلى نجاح بإذن الله
ألف مبروك للنايل !
من تقدم إلي تقدم
استاذ كريم كل عام و حضرتك بخير
ياريت يضم هذا العرض مع العروض الاخرى بمنتدى خدمات نايل موتورز للاعضاء لاعلام الاخوة الاعضاء به و تفعيله لأنى لاحظت انه غير موجود ضمن العروض المتاحة ,
ياريت كمان لو امكن ان يتم تثبيته بمنتدى هيونداى لأنه يخصهم بالمقام الاول لينالوا من هذا العرض أكبر فائدة ,.
شكرا لك .
الاخوة الاعضاء اللى شافوا الاعلان ده من قبل
هل حد استفاد فعليا" من العرض ده و لا قابلتكم اى معوقات او مشاكل ياريت تعرفونا لحلها مع م عاطف
و يتم الاستفادة من العرض بشكل فعلى و تام ,
شكرا لكم .
جميل اخى بس انا كنت فعلا بعل العرض ده من غير اى شئ لاى عميل يحضر لى
الف مبروك لنايل موتورز
وعقبال باقى التوكيلات
من نجاج الي نجاح ان شاء الله
والله يا فندم انا حاولت استفيد منه ودخلت فرع لغبور اوتو ...اللى هوه فى شارع دمشق...
وكنت بسأل على اسعار قطع غيار لعربيتى ولما سألته على تفعيل عرض نايل موتورز بصللى بإستغراب ..ولا فهم أنا بتكلم على أيه.....فحسيت بحرج وقلتله يبقى لازم العرض لسه موصلكش..شكرا....
لكن لو كنت هشترى فعلا كنت هتصل بالمهندس عاطف واستفسر منه وحسب ما سمعت هو راجل فى منتهى الذوق وخدوم جدا....ياريت اللى استفاد بالعرض يطمنا.....
أو المهندس عاطف يتعب معانا ويبعتلنا صوره من الامر الادارى اللى اتبعت للفروع عشان احتفظ بصوره وانا رايح....لو الموظف معندوش فكره عن العرض....
بجد الخبر ده رائع عقبال مانلاقى حد لدايو بقه
السلام عليكم
رمضان كريم،
انا من بنها أجيب الاستيكرز منين؟
ولو مفيش في بنها انا شغلي في المعادي أقدر أجيبه منين في المعادي؟
شكرا:36_1_50[1]:
ده رابط لأماكن التوزيع شوف الاقرب ليك و رتب معاه
http://www.nilemotors.net/Nile/6588-a.html
والله ياجماعه الاستاذ عاطف اصلا ده راجل محترم جدا وبيحب شغله جدا وعايز يوصل بمعنى كلمة crm الى اقصى حدود لها وهو من زمان جدا وقبل القصه ديه وهو بيساعد ويزلل كل العقبات والصعوبات اللى بتواجه عملاء هيونداى من اجل اراحتهم حتى لو كان ده على حساب راحته هو واكم من الحالات اللى احنا بنقراها هنلاقى منها اللى كان بيتصل بيه فى اوقات متاخره علشان يسالوه او يطلبون توجيهاته وهو مابيتأخرش
شكرا استاذ عاطف
خبر حلو جدا و1000000000 مبروك علينا ونتمنى المزيد من الحصريات الينا ويبقى نايل موتورز عاليا
أستاذ / عاطف , استاذ / كريم
انا رحت مركز صيانة هيونداى قليوب يوم الجمعة 2 أكتوبر وسألتهم عن الخصم ووريتهم استيكر المنتدى على العربية , ما يعرفوش اى حاجة عن العرض دة , وحاولت اكلم الاستاذ / عاطف 4 مرات من الساعة 9 الى 11 لكن للاسف واضح انة كان مشغول.
على فكرة انا مش مهم اوى عندى الخصم , كل الموضوع انى حبيت اكون مميز بـ إستيكر المنتدى وبعضويتى للمنتدى.
شكراً
دة فرع قليوب دة فرع كبير ورئيسي لما همة ميبقوش عارفين يبقي ازاي اي فرع تاني في مصر هيكون عارف ارجو التوضيح
انا معاك 11111111111111111+اقتباس:
دة فرع قليوب دة فرع كبير ورئيسي لما همة ميبقوش عارفين يبقي ازاي اي فرع تاني في مصر هيكون عارف ارجو التوضيح
حاولت ادخل على المكان الى فية الاستيكر طلع رسالة ادارية اننى ماليش حق الدخول فيها ممكم اعرف السبب ؟؟؟؟؟؟؟؟
طيب ياجماعة بالنسبة لتوكيل فولكس مينفعش نعمل معاة اتفاق كدة برضو
ههههههههههههههههههه
مبرووووووووووووووك يا جماعة وشكرا
هى دايو مالهاش عروض خالص
إدارة المنتدى لم ترد علينا في جدية العرض من عدمه والغريب ان الموضوع مازال مثبت !!!!!!!!
للعلم غبور ليس لديه سوى مركزان فقط للصيانه الاول هو قليوب والثاني أبو رواش
وبما أن فرع قليبو ليس لديه علم فابلاه عليكم كيف ستعلم مراكز الخدمة المعتمده ؟؟؟؟!!!!!!!!!
طب مش لما إدارة المنتدى تقدر توفي بالعروض الموجوده حاليا عشان توعدنا بعروض جديده !!!!!!!
لان مكان الموضوع اتغير واتحذف القديم
وده الموضوع الجديد
http://www.nilemotors.net/Nile/110085-a.html
ادارة المنتدى بتوفي بعروضها حضرتك
زيارة لقسم الخدمات هاتعرف انها بتوفي بعروضها
والعرض مفعل بالمركزان الرئيسيان لغبور
وعلى اي عضو لم يحصل على العرض انه يتوجه فورا للمهندس مدير الصيانة بالمركز ويخبرة بضرورة تفعيل العرض او يقوم بالاتصال بمهندس عاطف والتمسك بحقه
اما عن دايو ليس في النية عمل عروض جديدة لماركة ليس لها توكيل وافلست واشترتها شركة اخرى
وادارة المنتدى لم تعدك ولم تعد غيرك من الاعضاء بشيئ
وعندما تفعل عرض جديد فهو لصالح الاعضاء فقط
وعلى اي عضو شعر انه اشترى الاستيكر ولم يحصل على مقابل امامه انه يكلمني ويسترد قيمة الاستيكر فورا
كلامك كانه شماته في دايوو أو تعالي على مالكي الدايوو مش عارف ليه ؟
أمال الفلوس إللي بتلمها الإدارة مقابل الأستيكرز دي أيه مش المفروض إنها مقابل الخدمات
على العموم الحمد لله اني مادفعتش فلوس في الأستيكرز ده مع العلم اني كنت ناوي أشتري واحد بس الشكاوى من العروض الغير جديه وطريقة ردك أظهرت لي أشياء لم أكن أعلمها
يعني سكت لما رديت علي هيونداي ومسكت في دايو
اسلوبك في التسخين واضح جدا وما يدخلش على الاعضاء
ايه جاب سيرة مالكين دايو في الموضوع بتاع هيونداي
اسلوب ركيك للوقيعة
اما الفلوس اللي بتلمها الادارة دي مقابل الاستيكر زي مانت قولت
مش مقابل الخدمات
العروض والخدمات دي من الادارة للاعضاء ويحصلو عليها بواسطة الاستيكر وليس مقابل
لكن المقابل المادي ثمن الاستيكر فقط وليس مقابل الخدمات
اما عن الاستيكر فهو ايضا يشرفه انه مايكونش على عربيتك
وبعيدن انت افتكرت المنتدى ولا افتكرت العضوية من 6-2008
انا من الناس الي استخدمت الاستيكر مرتين
مره في بردجستون و انا بعمل نيتروجين و خدت خصم 8 جنيه
و الثانيه في التوكيل و خد خصم 4.5 جنيه بس لان فاتورتي كانت صغيره
يعني انا شاري الاستيكر بـ 20 جنيه عرض لبروتون و واخد خصومات بـ12.5 و كل ده في شهرين يعني قيمه الاستيكر هترجعلي و اكتر كمان ياريت تشوف ردود الناس علي العروض قبل ما تهاجم لان في خصومات علي مبالغ كبيره زي عرض 3m و عروض الـgps