توكيل عز البلح ! - كرهني في العربية ! ازاي الناس ساكتة علي الكلام ده ؟

**CryptonX** · 15-06-2009 01:24 AM

شكرا يا جماعة لردودكم .

استاذ مهاب انا مش عايز اظلم التوكيل او اظلم السيارة ..يعني اكيد الموضوع مش بالسوء ده .. بس الفكرة انا واحد من الناس الي فعلا بتفرق معايا طريقة الكلام و الحوار و التعامل اكتر من المنتج نفسه !

يعني البافارية انا عارف انهم حرامية و كاسبين كتييييير جدا في السيارة بس مخليني راضي ؟ بعكس عز العرب الي انا متاكد ان هامش ربحه قليل جدا و سعر منافس فعلا بس مش قادر يتعامل مع ابسط الاشياء و ان كانت اهمها و هي " الحصول " علي عميل او شبه عميل .

عامة دي مش نهاية القصة و مش حضرب بروتون بالنار علشان توكيلهم معاملته وحشة ! ما ياما خدت من اوماترا برده :)

---

ربنا يسهل ! و يهدي !

**MoToRiZeR** · 15-06-2009 02:11 AM

لأ و يقولك ساعتها نبقي نتكلم!
قال يعني ناصح أوي و بيرمي الكورة في ملعبك .

أكتر حاجة اما تبقي رايح تتعمل مع توكيل و تلاقي نفسك أكنك بتكلم صنايعي ولا تاجر سوق العبور !
حاجة تفقع بصراحة .. الناس دي المفروض تفهم إن كسب العميل شئ سهل جداَ من غير محاولات النصاحة و الفهلوة
يعني انا متأكد إن اللي قالتلك أااااااه تجرب قبل ما تشتري دي .. بعد ما قفلت معاك قالت لحد جنبها قال إيه ياخويا عايز يجرب العربية قبل ما يشتري كركركركركركر !

**som3aa** · 15-06-2009 02:35 AM

قالتلك أااااااه تجرب قبل ما تشتري دي .. بعد ما قفلت معاك قالت لحد جنبها قال إيه ياخويا عايز يجرب العربية قبل ما يشتري كركركركركركر !

موتنى من الضحك , فعلا تلاقى دا اللى حصل

**kloda** · 15-06-2009 02:42 AM

لو كل الناس زي البشمهندس امر و ايمن كان التوكيل فرق كتير

**Ahmed Anwer** · 15-06-2009 03:16 AM

يا جماعة حد عمره لمح اعلان لبروتون ؟؟

في التليفزيون في ملاحق السيارات ، اعلانات طرق ؟؟

حد عمره شاف بروتون نزله في اي معرض سيارات ؟؟

حرام عليه !!!!

ده توكيل في ايده كنز ذهب و موته ،،

عربيات كلها تحت المائة الف ،، و بمواصفات مش موجودة حتي في العربيات الصيني

و هندسة بتهتم بالاداء الرياضي و الثبات

و جودة مش هنقول كويسة بس علي الأقل سمعتها مش بطالة من ايام الويرا

بالمناسبة يا كريم ،، هوا ايه الويب سايت بتاع بروتون في مصر

انا عمري ما دخلت عليه

بخصوص الشق التاني من السؤال ،،، ازاي الناس ساكته علي الكلام ده ؟

فاللي في المجال التجاري عارف ان العلاقة ما بين الشركات مبتهتمش غير بامانة التعامل و الثقة

علي فكرة توكيل كيا القديم ،، وليد توفيق

رغم انه كان عامل شغل جبار لكيا في مصر

اتسحب عشان كان بينصب علي الشركة الام

مش عشان توكيل وحش

يقال انه كان بيحسب عليهم قطع غيار انها اتغيرت في الضمان و هيا متغيرتشي و لا حاجة

**Ahmed Samy** · 15-06-2009 03:48 AM

طب و انت يا كيمو ايه اللي وداك برج العرب ؟؟

انت تهت ولا ايه ؟؟؟

**tutankhamoun** · 15-06-2009 09:47 AM

بصراحة توكيل عز العرب ماشيين بالبركة ...
قليلين قوي في التوكيل اللي تلاقيهم عندهم أحترافية في التعامل مثل المهندس المحترم آمر الكوافي .
المبيعات في الباي باي ......... و معلوماتهم ضعيفة عن العربية .
و أسلوبهم مش ظريف ........

البافارية ....... عندهم أحترافية في التعامل ..... و خدمة العملاء .

إنما برضه بروتون مع عز العرب ..... ماشية يعني ....مش بتقول لاءة . أهم حاجة الصيانة بتم كويس و خلاص .... ( نقطة معقولة لملاك العربية )

ربنا يوفقك يا أستاذ كريم لعربية كويسة .

**fadynabil** · 15-06-2009 10:50 AM

بجد حتجة تكسف ... وخسارة توكيل زي ده يبقي مع واحد زي ده

التوكيل ده لو راح لواحد محترف هيكسر الدنيا ... وهيغرق البلد بروتون

.... هوه مفيش حد من التجار اللي بيستوردوا العربيات الخليجي بيجيب الجين ٢ ... زي ناشيونال موتورز ( لسه منزل الإبيزا الجديده قبل ما تنزل في التوكيل ) ؟

عشان نخلص من موضوع التوكيل ده .. وأكيد العربيه هتكون أرخص من كده

**gagareen** · 15-06-2009 11:08 AM

من أفشل المواقف انك تكلم اداره عز العرب فى التليفون وتسألهم عن حاجه تخص جين2 بيحسسوك انك بتسأل على حاجه شاذه مش عاوزين يتكلموا فيها لانهم مايعرفوش المعلومات الكافيه عنها ويبتدوا يحولوا المكالمه لكذا حد لغايه واحد تقريبا عنده رد على استفسارك
يمكن لو كنت بتسأل على جيب أو دودج أو كرايسلر أو ستروين أو bmw كنت أخذت رد وافى على استفسارك لان فعلا التوكيل ظالم بروتون وجين2 وسط كل كله ومش مديها وقته ولا امكانياته

الحل انك تروح بنفسك للقسم المسئول وشغال فى بروتون بس علشان تأخذ المفيد

ومش التوكيل بس اللى حيحكم المقارنه بين العربيات لانك ممكن تأخذ عربيه كويسه بصرف النظر عن اخطاء التوكيل

تحياتى