المشاركة الأصلية كتبت بواسطة aYaBooY
طيب بص يا سيدي نبداء بالاهم موضوع الزيت العربية انت بتقول ان العربية ماشية 40 الف يعني الموتور لسة بخيرة يبقي انت المفروض تحطلها زيت تخليقي مش زيت معدني
يعني ايه موضوع الزيت ده يعني انت تحط زيت من الغالي الي بيعد مسافة طويلة 10000 كم زي زيت موبيل1 و بما انك جايب العربية جديد يبقي تروح تغير زيت و فلتر
و فيه كمان فلتر الهواء و فلتر البنزين دول برده يتغيرو و تسجل انت غيرتهم على كام كيلو و تسال الي بيبيعهم هما المفروض يتغيروا كل اد ايه
و بعد كدة تطلع على التوكيل تغير سير كاتينة و بلية الكاتينة علشان عربيتك قليلة يعني مش هاتلاقي كتير فاهمين فيها فانت هاتحتاج التوكيل كتير شوية
و طبعا تغير بالمرة سير الدينامو و سير التكييف و الحاجات ديه متعيبش العربية ده سيرفيس عادي هايتعمل كل فترة مش بس مرة واحدة
موضوع قطع الغيار المفروض تلاقي عند متخصصين اللادا الي في شارع دمشق و في الحرفيين و طبعا عند حمدي لادا الي في اول طريق المطار
موضوع غسيل الموتور انت العربية عندك مش شغالة بالنظرية الميكانيكية القديمة لا بيكون فيها مجموعة من الحساسات و الدوائر الكهربائية الي بتكون في خطر لة اتعرضت للمياة و احمد ربنا ان بتاع البنزينة طلع فاهم و امين و مرضاش يغسل و إلا كان حصل ما لا تحمد عقباه المفروض الموتور بتاعك يتغسل بفوم و هواء
موضوع المفتاح انت كدة العربية عندك بمفتاح مشفر و ده فيه كذا حد بيعملة عادي جدا و لو ملقتش حد يعمله التوكيل بيعملة بس بيكون غالي شوية
و مبروك العربية ربنا يديك خيرها و يكفيك شرها