أرجو المساعدة ...

**stormmm** · 14-06-2009 09:47 PM

بسم الله الرحمن الرحيم
------------------------------
الموضوع ده محيرني ... رحت سألت عن العربية دي (ASTRA OPC) في الوكيل ... و مقالوليش أي شيء يفيدني ... و سمعت إنها هتنزل في آخر السنة دي ..
هل الكلام ده صح ؟؟ و لو أي حد يعرف أي معلومات عن المعاد اللي هتنزل فيه أو إذا مكانتش هتنزل أساساً يقولي ... و سعرها 30 ألف يورو و لو جت هنا بعد الجمارك و كل حاجة هتبقى بكام مصري

إمكانيات العربية
2000 cc ... مزودة بالـ turbo و supercharger ... بقوة 240 حصان و عزم 320 N/M ... و بتجيب من 0 - 100 في 6.4 ثانية ... و بتقفل عداد عند 270 KM/H ... و بالنسبة لكمالياتها هي زي الـ BMW بالظبط .. متهيألي العربية تحفة

بعض الصور ليها ...

**Ahmad Allawy** · 14-06-2009 09:59 PM

لأ معلش قولنا سمعت من مين بس انها احتمال تنزل اخر السنة..؟؟؟
انا مسمعتش كلام عن الحكاية دي خالص.. ولو كان في اي احتمال لكده.. كانوا عغلي الاقل عملوا ليها اي اعلان ف معرض اوتوماك.. او جابوا واحدة يشدوا بيها الناس..لكن ده محصلش..
العربية علي فكرة تتقارن بعربيات.. الجولف جي تي اي و السيات ليون كوبرا و السوبارو امبريزا و الحاجات العنيفة دي..
و في تقييمات بتتفوق عليهم كمان..
عربية زي الجورف التربو ال1400 بس مش 2000 تمنها هنا 220 الف جنيه.. تخيل دي بقي ممكن يكون سعرها كان...
مش اقل من 350 الف جنيه..و ممكن جدا انها تزيد عن كده طبعا.. عشان كده انا مش متوقع انها تنزل..
و في حاجة تانية مهمة جدا ان الاسترا الشكل الجديد اللي بعدها هتنزل برة ان شاء الله موديل2010
يعني هتنزل علي شهر 10 السنة دي.. يعني هيبقوا بدأوا يعملوا الشكل الجديد او بي سي.. مش الشكل القديم ده خلاص..

**tananybasha** · 14-06-2009 10:31 PM

اعتقد انها لن تقل بسبب سعة الفئة اللترية عن 400 إلى 450 الف جنيه و هى تحفة بكل المقاييس

**tamertamer** · 15-06-2009 08:44 PM

لا عمو منصور مش هيعملها ابدا ابدا مش هتتباع خالص

**stormmm** · 15-06-2009 10:09 PM

المشاركة الأصلية كتبت بواسطة tamertamer

لا عمو منصور مش هيعملها ابدا ابدا مش هتتباع خالص

هو عمو منصور وحش للدرجة دي :d
و أذا عمو منصور وحش ... متهيقلي فيه وكيل تاني ... صح :d ؟!!

**tamertamer** · 16-06-2009 04:18 AM

المشاركة الأصلية كتبت بواسطة stormmm

هو عمو منصور وحش للدرجة دي :d
و أذا عمو منصور وحش ... متهيقلي فيه وكيل تاني ... صح :d ؟!!

وكيل تانى ازاى هو فين قيدى على كتفك دلنى علية لا ياباشا منصور هو الوكيل الوحيد وعلى فكرة فى اى سلعة مينفعش يبقا فية 2 وكيل منفسين فكرة الوكيل ان تكون موميز بتوزيع وتجميع هذا المنتج ولا يستطيع اى شخص اخذ هذا الحق منك

**stormmm** · 16-06-2009 02:55 PM

المشاركة الأصلية كتبت بواسطة tamertamer

وكيل تانى ازاى هو فين قيدى على كتفك دلنى علية لا ياباشا منصور هو الوكيل الوحيد وعلى فكرة فى اى سلعة مينفعش يبقا فية 2 وكيل منفسين فكرة الوكيل ان تكون موميز بتوزيع وتجميع هذا المنتج ولا يستطيع اى شخص اخذ هذا الحق منك

يعني الموضوع موستحيل يعني موستحيل !!!

**ASKAFRAWY** · 16-06-2009 03:00 PM

الموضوع دة صعب جدا اليومين دول و خصوصا ان الفئة السعرية دى هتبقى صعب جدا تتباع بسهولة و معتقدش ان الحاج منصور ممكن يعملها الا بقى لو ناوى يجازف!
بس عموما الاسترا السيدان لسة محققتش المبيعات المنتظرة منه عشان يفكر فى فئة 2000 سى يى و بالسعر دة