وعليكم السلام و رحمة الله..
العربية دي فعلا احسن من الياباني بكتير في حاجات.. منها طبعا الثبات و التقل علي الطريق.. و احساسك بالامان فيها..
قطع غيارها مش غالية قوي زي ما بعض الناس بتهول و بتقول.. مش بتفرق كتير عن الياباني..
يعني السيرفيس العادية مش غالية عن الياباني كتير.. يمكن اكتر حاجات مكلفة فيها شغل التكييف.. ومع ذلك مش كفاءة قوي زي الياباني.. لكن باقي الحاجات سعرها منطقي يعني.. و يقارن بالياباني..
بالنسبة للتوكيل.. بصراحة في ناس كتير بقت بتشتم في منصور و خاصة مع الاوبل.. عشان الضغط جامد جدا عنده علي الشيفروليه.. و بالتالي في اهمل شوية للأوبل و خاصة القديمة شوية..لكن عندك في توكيل زي مقار.. كويس جدا.. و شغله نضيف.. و المعاملة كويسة..
بالنسبة لل2000 سي سي ال سي دي و السي دي اكس و الكلام علي ال2 اللي المواتير بتاعتهم ايكوتك.. و الجي ال اكس دي 1600 مانيوال موتور عادي او اوتو ايكوتك..
مميزات السي دي اكس دي انها اولا و اهم حاجة تقفيل الماني.. من الالف للياء..مش متقفلة في مصر..
غير كده في كماليات تانية كتير قوي موجوده فيها مش موجوده في الموديلات التانية.. زي الكراسي الجلد الكهربا و مرايات ضم و اير باج.. و تراكشن كونترول و كروز كونترول و دركسيون مالتي فانكشن و سي دي تشينجر.. و كومبيوتر رحلات و كومبيوتر اعطال.. وفي حاجات تانية انا مش فاكرها.. بس رفاهية مختلفة و اعلي بكتير من ال2000 السي دي و ال1600.. اللي هي الجي ال اس
اما استهلاك البنزين فهي عشان ايكوتك استهلاكها كويس قوي.. و يزيد حاجة بسيطة عن ال1600.. يعني مش زي الموتور القدين اللي ههو ال2000 العادي بتاع الموديلات اللي من 96 لحد 99 افضل بكتير في الاستهلاك..
بس في ملحوظة مهمة جدا.. ان الموديل السي دي اكس.. نادر الوجود جدا.. ولو لقيتها هتبقي غالية وخاصة لو ماشية قليل..
كان في واحدة علي كونتاكت مطلوب فيها 74 الف و ماشية 185 الف كم..
المفضلات