سؤال بخصوص عفشة ال 127 رجاء

**badawy66** · 15-06-2009 12:29 PM

انا عربت خالى 127 سوبر فيورا العربية حاسس انها مخلعة من بعضها تقريبا المسعدين باظو وانا هغيرهم انشا الله بس الحاج الى مجنناني ان الدركسيون يطلع وينزل في ايدي مشعارف لية اكنة سايب . دة ممكن يكون من علبة الدركسيون ولا اية بالظبط ؟

**NaderNabil** · 15-06-2009 12:34 PM

العفشة الأمامية لو عايز تغيرها في ال 127...هاتكلفك 1000 جنيه بالمصنعيات
ده يشمل جوز مساعدين مونرو و بطاحات..و علبة دركسيون بالأطراف و مقصين و كاوتش ميزان و مصنعيات
أهم حاجة قبل الخطوة دي...تكشف علي لحامات الركب و القنطرة و كل حاجة من تحت...لأن أي حاجة مش مظبوطة في اللحامات هاتبوظ كل حاجة عملتها...

الدركسيون بيتحرك في إيدك دي معناها إن العمود مش ثابت في مكانه...انا كان عندي كده...بس حشرت سفنجة بين العمود و التابلوه...فا مسك نفسه و بقي كويس

لو عملت الحاجات دي إن شاء الله هاتحس بإختلاف جامد

**badawy66** · 15-06-2009 01:25 PM

شكرا على الرد الجميل دة . بس المساعدين دول تقصد المنرو الجداد ولا المستعملين ؟

**NaderNabil** · 15-06-2009 01:26 PM

جداد...سعرهم 370 جنيه تقريباً
إوعي تجيب مستعمل...

**badawy66** · 15-06-2009 01:40 PM

لية مجبش مستعمل ؟ وكمان في نوع زيت على هوا ونوع زيت بس اجيب انهي ؟

**NaderNabil** · 15-06-2009 01:48 PM

ماتجيبش مستعمل عشان الحاجات دي من المستهلكات...يعني مشيت علي طرق و إتبهدلت...حتي ولو لمسافة قصيرة...عمرك ما هتعرف أخدت كام مطب و نزلت في كام حفرة

انا مجرب الزيت علطول و هو ممتاز...الهواء مجربتوش فا مقدرش أقوللك حااجة عنه

**badawy66** · 15-06-2009 02:33 PM

الف شكر. ومعلش تعبتك معايا .

**thegoodhacker** · 29-06-2009 03:54 PM

معلش يا استاذ NaderNabil ممكن تقولي المساعدين المونرو احلي و لا الايطالي البوما ؟ لان فيه ناس كانت بتقول ان المساعدين المونرو ناشفين شوية

**lord2006** · 09-07-2009 02:13 PM

و ياريت الاسعار

**NaderNabil** · 09-07-2009 02:16 PM

معرفش بصراحة المساعدين البوما دول...انا مجربتش غير المونرو..و نشوفيتهم مناسبة لل127...لأنها بتزود الثبات بعض الشئ

سعر الجوز منهم 375 جنيه...و ممكن يكون السعر زاد لأن ده من فترة ليست بقليلة