هل ممكن اخرج بالعربيه بره مصر

**chato_eg** · 16-06-2009 03:19 AM

المشاركة الأصلية كتبت بواسطة AK1981

يعني العربية اصلا بتاعتك يابو هاني تمنها ما يعديش تلتين اللي انت دافعه

ما تفكرنيش....
الميجان ال RS .....حاجة كده الواحد يحلم بيها قبل النوم....ثمنها 90 ألف ريال فى السعودية....و أنا دافع 135 ألف فى عربيتى....الريال السعودى يساوى 1.5 جنيه مصرى...يعنى دافع فى ميجان 1.6 ثمن ال RS

نصيحة للأخ صاحب الموضوع......بلاش...مش طالباها العربية تروح و الحكومة تيجى تحجز على بيتكم علشان ما سددتش ثمن عربيتك الملك مرة تانية بعد ما راحت منك فى حادث خارج حدود الوطن....
يا إما تشوف لك جنسية تانية علشان تنعم ببعض الحقوق التى يتمتع بها البشر خارج حدود الوطن زى الحق فى اصطحاب سيارتك الشخصية فى رحلة للخارج دون قيود أو شروط

لكن هنا سؤال بيطرح نفسه....تفتكروا إيه أكتر عربية عندنا ممكن تتهرب ؟؟
(شاهين - 128 - لادا - و طبعا الندين الدائمين فيرنا و لانوس )

**bmw323** · 16-06-2009 03:58 AM

تحيا مصر

**Ahmed Samy** · 16-06-2009 04:46 AM

المشاركة الأصلية كتبت بواسطة chato_eg

مو ليا مزاج أحطها على فوهة بركان " فيزوف " فى إيطاليا..

طبعا حقك

بس تدفع تمنها و تجيب استمارة 125 أ ...و تدفع رسم فيزوف

و ضريبة ترفيه ..لأنك عملت حاجة على مزاجك وده ليه تمن

آآآآآآآآآآآآآآآآآآآآآآآآآ آآآآه يـــــــــــــــــا فقعتي

**عزيز محمد** · 16-06-2009 08:29 AM

المشاركة الأصلية كتبت بواسطة ak1981

واحد صاحبي سافر الاردن بعربيته

بتطلع التريب تيكيت من هنا من نادي السيارات

و عالحدود بتعمل حاجة اسمها تصدير مؤقت للسيارة

و تمضي تعهد لو ما رجعتهاش تدفع تمنها للحكومة (ايوة .... بالظبط كده)

و لازم اما ترجع بيفحصوها يتاكدوا انك ما غيرتش فيها حاجة

واضح إن الكلام ده لما تكون مسافر لفترة قصيرة، يا ترى حد عنده فكرة لما تكون السفرية هتطول (أكثر من سنة) وعاوز تاخد عربيتك معاك؟؟؟
هل هتعلق نمر البلد اللى انت رايحها ويدفعوك جمارك على العربية (زى مصر ما بتعمل) ؟؟؟

طيب لو حبيت ترجع بيها مصر تانى هتدفع جمارك تانى ولا إيه الموقف؟؟؟

**chato_eg** · 16-06-2009 10:24 AM

المشاركة الأصلية كتبت بواسطة عزيز محمد

طيب لو حبيت ترجع بيها مصر تانى هتدفع جمارك تانى ولا إيه الموقف؟؟؟

لأ لأ لأ لأ....ده يبقى كتير قوى

أدفع جماركها مرتين ..!!

**عزيز محمد** · 18-06-2009 03:51 PM

المشاركة الأصلية كتبت بواسطة عزيز محمد

يا ترى حد عنده فكرة لما تكون السفرية هتطول (أكثر من سنة) وعاوز تاخد عربيتك معاك؟؟؟
هل هتعلق نمر البلد اللى انت رايحها ويدفعوك جمارك على العربية (زى مصر ما بتعمل) ؟؟؟

طيب لو حبيت ترجع بيها مصر تانى هتدفع جمارك تانى ولا إيه الموقف؟؟؟

ممكن يا جماعة حد يجاوب.

**ابو حسين** · 18-06-2009 11:12 PM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**otefa** · 18-06-2009 11:23 PM

اعتقد لو لاقدر الله العربية خرجت من مصر وبعدين مارجعتهاش تاني لمصر بسبب حادث او اي سبب ثاني والعربية باسمك ومعليهاش اي اقساط بترجعلهم نمر العربية والتريبتك وبس
بس اعتقد فيه عربيات بيعتبروها تاريخية(كلاسيكية) ممنوع تخرج من البلد

**medomada** · 01-07-2009 12:00 AM

يا جماعه متكبروش الموضوع , أنا من حوالى 9 سنين كده كنت جايب لاب توب من بره و باز و الوكيل ما عرفش يصلحه فاضطريت أشحنه للخارج للإصلاح و ساعتها مضونى على إقرار إنه لازم يرجع مصر و لو محصلش حيعملوا فيا كذا و كذا , المهم الكمبيوتر راح و ما رجعش و من ساعتها أصلا ما حدش كلمنى أو قالى فين الجهاز و خلاص. المسأله إجراءات و خلاص

**rabbat5** · 14-07-2009 04:36 AM

المشاركة الأصلية كتبت بواسطة ash_rsi

انا نفسى اخرج بعربيتى واكون معلق فيها ملاكى القاهره كده لانى بروح السعوديه كتير اى نعم هتبقى عربيه فرجه هههههههههههههه
والاخوه الاشقاء العرب طبعا هيهرونى تريقه
انما طالع فى نفسى جدا اعمل الموضوع ده
ومعرفش ممكن ولا لا ولو ممكن ايه الاوراق وفين تتعمل
ياريت حد يعرف يفيدنا

يا باشا عربية حضرتك مش حمل مسافة زي دي منصحكش.