تفاصيل عن خدمه عملاء؟

**gade2** · 15-06-2009 01:02 PM

السلام عليكم
ياريت حد يعرف اى تفاصيل عن الشغل فى خدمه عملاء فودافون /موبينيل/اتصالات يقولى لانى بفكر فى الشغل هناك بس ادعولى انى انجح الاول ياريت اللى يعرف يقولى ايه نظام الشغل والمرتب و الاجازات وهل ينفع اقدم قبل النتيجه ماتطلع
شكرا ليكم

**jisso82** · 15-06-2009 03:29 PM

ينفع تقدم طبعا مش مشكلة بس التفاصيل بتختلف من شركة لغيرها يعنى الباكيج بتاعة موبينيل غير بتاعة إتصالات غير فودافون
ونظمهم كشيفتات برده مش واحد فيختلفوا فى الإجازات و عشان تعرف كل التفاصيل دى انت محتاج واحد شغال فى كل واحدة فيهم

**speed demon666** · 15-06-2009 04:19 PM

انا كنت شغال في فودافون , اولا انت بتشتغل 9 ساعات عندك ساعة و ربع برييك مينفعش تتأخر دقيقة و حط تحتيها مليون خط الدقيقة بانذار رفد انا كنت بروح قبل ميعادي بربع ساعة علشان أكون في السليم , لازم تكون مستعد للعمل تحت ضغط في أي وقت بغض النظر عن حالتك النفسية , بيكون في رقابه عليك من التيم ليدر بتاعك و من الكواليتي اشورنس يعني ممكن في أي وقت تتسمع و النتيجه بتحدد انك تكمل ولا لأ و كمان مش الطريقة في الكلام بس ده كمان في معلوماتك و سرعة بديهتك و الوقت اللي بتخده في الرد على العميل و خللي بالك ممكن يكون في طرف تالت بيسمعك و هو السوبر فايزر بتاع التيم ليدر بيتاعك يعني مفقوس مفقوس .
بلنسبه للولاد عندك مواعدهم في أي وقت من 7 صباحا لحد 4 صباحا انما البنات فا أخرهم 10 مساءا , المرتب 1000 و سمعت انو زاد
على فكره انت هتشتغل حاجه اسمها out sourcing يعني شركه زي المقاول كده بتجيب الناس للشركه و بتديهم مرتب عادي و بتاخد هي المميزات يعني انت ملكش أرباح سنويه ولا موضوع الخطوط اللي ببلاش و لا أي حاجه من اللي بتسمعها ..... الا لما تتعين في الشركه (و ده صعب جدااااااا وفي ناس بتجري وراه بقلهم كتيييييير و مش عرفين يتعينوو فيها ) ساعتها مرتبك بيعلى و بتاخد ارباح و خلافه انما هنا أخرك بتاخد كريدت كل شهر لمكالمتك و بينك وبين زمايلك ببلاش
لو احتجت اي معلومات تانيا انا تحت أمرك ..... وربنا يوفقك