الموضوع: مرسيدس بنز...الأمان

نظرا لولعي و انتمائى الشديد لشركة مرسيدس-بنز قولت لازم اشاركم في هذا الولع و أحاول أوصلكم بعض الاختراعات و التقنيات اللي موجودة في سيارات مرسيدس-بنز.

و نظرا بردو ان أول و أهم حاجة بهتم بيها في أي سيارة هي (الأمان) فهتكلم عن أحد أروع و أكثر الأنظمة تعقيدا في عالم أمان السيارات و هو PRE-SAFE™

بس في البداية لازم نذكر فضل مرسيدس علبنا في عربياتنا اللي بتسوقها دلوقتي و ده اللي متمثل في:
1.خلية الركاب الأمنة و مناطق الأنهيار الذاتي (Crumple Zones) و كانت اول سيارة في العالم يكون تصميم هيكلها مبني علي اساس تدمير السيارة من الخارج و حفاظ من بداخلها و ده كان عام 1959 في العربية اللي بزعانف القرش ذي مابيقولو عليها في مصر.

2.أول خزان وقود امن في حالة التصادمات الخلفية و ما شابه
3.أول سيارة ركاب في العالم يتم تجهيزها بالفرامل المضادة للانغلاق ABS في عام 1978 SEL
4.أول سيارة تجتاز بنجاح اختبارات التصادم الأمامية بسرعة 54 km/h السيارة ال SEL
5.تقديم أول Airbag + Belt Tensioners للسائق في العالم في نفس السيارة SEL عام 1987
6.أول من أدخل نظام ESP® و BAS® في السيارة الشبح و هيتم شرحهم لاحقا
7.اول سيارة يتم تحهيزها بنظام ال PRE-SAFE™ و هو موضوعنا الان.

Accident Free Driving} {هو ده المبدأ اللي متبعاه مرسيدس في نفكيرها و تطويرها لأنظمة الأمان في سيارتها

هذا النظام بينقسم الي 4 اجزاء رئيسية:

•PERFORM-SAFE: ده فكرته قائمة على الراحة اثناء القيادة يعني بيديك أنظمة مساعدة و انت سايق تخليك مرتاح جدا علشان الأبحاث اثبتت ان اكثرية الحوادث بتحصل بسبب عدم تركيز السائق. و من ضمن هذه الأنظمة:

a. LINGUATRONIC اي انك تستطيع تشغيل كل حاجة في العربية عن طريق صوتك فقط.

b. DISTRONIC PLUS و ده نظام فريد بيشغل ما بين سرعات 0 و 160 كم وظيفته انه بيحافظ علي المسافة بينك و بين اللي قداماك بتكون انت محددها مسبقا. هو كان مستخدم في بعض السيارات قبل كده بس مرسيدس زودت عليه انه في الزحمة (كوبري أكتوبر الساعة 3 قبل الفطار) مش هتحتاج كل شوية تدوس بنزين و فرامل لأن هيه بتعمل كده بدون تدخل منك عن طريق رادار بالأمام.


c. Night Assist و هو كاميرا الرؤية الليلية التي تعمل بالأشعة تحت الحمراء تمكنك من رؤية الطريق باليل واضح تماما كأنه صباح و من غير النور العالي علشان متدايقش اللي جاي
قدامك.


.d Blind Spot Warning : عباره عن حساسات ذي بتاعة الركن بس مداها أطول و ظيفتها انها تنبه السائق عن وجود سيارة في المنطقة العمياء وراه و أكيد كلنا وقعنا في مواقف بالشكل ده


•PRE-SAFE®: و ده الاساس بتاع النظام ده .و فكرته انه بيهيأ العربية والركاب انهم يخشوا الحادثة في أفضل وضع ممكن. هو بيستفيد من الثواني البسيطة اللي قبل الحادثة علطول في انه يحمي الركاب.

طريقة عمله: لما السينسورس بتاعت ال ESP , ABS و BAS بتحس بالمواقف الحرجة ذي التحويد الشديد فجأة أو ال Over Steer و الUnder Steer و الفرملة الشديدة بتبتدي العربية تاخد اجراءات احطياطية لحماية الركاب مثل:

•غلق جميع النوافذ و فتحة السقف
•استعدال الكراسي الى الوضع الأفضل علشان يستفيد بالكامل من ال Airbags
•نفخ جوانب الكراسي و شد الأحزمة على الجسم أكثر علشان الراكب يبقي متكلبش في مكانه.





مع العلم طبعا ان كل ده بيحصل في جزء من الثانيه و لو الموقف عدى بسلام ممكن بضغطة زر ترجع كل حاجة ذي ماكانت.

•PASSIVE-SAFE: أي الأمان السلبي و هي الأنظمة اللي بتتفعل لو الحادثة هتحصل لا محالة, ذي:
a. Airbags (لحد 9)
b. أحزمة الأمان
c. Neck-Pro: و ده نظام لمخادع الرأس الأمامية بيحمي الرقبة و العمود الفقري في حالة حدوث تصادم خلفي عن طريق ان المخدع بيتطلع لقدام في جزء من الثانية و يمنع الرأس انها تميل للوراء

و علفكرة العربية مش بس بتحمي الركاب لكن دي كمان بتحمي الركاب في العربيات التانية!! هتقلولي ازاي, هقول ان جسم السيارة و خصوصا المقدمة والمؤخرة مصنوع من مواد خفيفة قابلة للثني بسهوله بدون ما تأثر علي سلامة الركاب مع تقليل الأضرار في السيارات الأخرى.

•POST-SAFE: و هو النظام اللي بيمنع أو بيقلل نسبة الخطر اللي ممكن تحصل بعد الحادثة مثلا انو عربية جاية من ورا بسرعة ماشفتش الحادثة أو عمال الانقاذ مش عارفين يوصلوا للركاب و كل ده بيبقى عن طريق:
غلق المحرك و قطع البنزين.
تشغيل انوار الانتظار
النور الداخلي بيشتغل بردو
الزجاج الجانبي يتم انزاله جزئيا
محدد على القوائم الخلفية والأمامية الأماكن المناسبة لعمال الانقاذ لقطعهم

و بكده أكون حاولت الم اكبر قدر من المعلومات عن الأمان في مرسيدس بنز و يارب أكون أفدتكم و خليتكوا تستمتعوا و الموضوع يكون عجبكم .و لو أي حد مش فاهم أي حاجة يقوللي بس ..
-----------------------------
المصادر:
كتالوجات مرسيدس كلها:D
www.mercedesbenz.com
www.Images.google.com[b][/b

شيئ مذهل فعلا,, و مجهود ممتاز