ماتش جميل جدا واداء منتخبنا كان مبهر و على رأي zalpany2000 هزيمه بنكهه الفوز
عرض للطباعة
ماتش جميل جدا واداء منتخبنا كان مبهر و على رأي zalpany2000 هزيمه بنكهه الفوز
اداء مشرف لمنتخبنا الوطني على غير المتوقع واحرجنا بطل العالم لـ 6 مرات ولفتنا انظار العالم بأداء قوي ومشرف في مقابلتنا الرسمية الأولى مع امبراطور الكرة العالمية "البرازيل"
ربنا يوفقنا في المباريات المتبقية، ويارب يكون الأداء القوي امام البرازيل دفعة للمنتخب للعب بنفس المستوى أمام إيطاليا وأمريكا.
مباراة تاريخية لمصر
لكن اللي مش عاجبني هو تصرف المحمدي واللاعبين بعد الطرد
الموضوع واضح جدا والطرد مستحق
.....
لازم الشويتين دول ونعمل نفسنا مظلومين
....
بأي حال
انا فرحان جدا برغم الهزيمة
كون اننا نرجع للماتش ونتعادل مع البرازيل ونقطعهم كدة ....... ماكانش في خيال اي حد ... حتى لو البرازيل بالصف التاني ..... برضه دي البرازيل
وده كاكا
وده دونجا
وده سيزار
.....
المشكلة في قلبي الدفاع المصري ...... لازم تتعالج بسرعة
الحضري برضه لسة عاوز يفوق
مبروك يا جماعة هي هزيمة اه لكن بطعم الفوز .....يا ريت كان ده اللعب امام الجزائر بجد مكنتش مصدق وهي دي البرازيل دي في الاخر وتخلص وغالبا كفتة في كل الماتشات لكن مهاراتهم وسرعتهم تتفوق وبجد ابهرنا العالم وفي اثناء منتصف الشوط التاني كان فيه شبه استسلام من البرازيل واستحواذ ومهارة وحرفنة وسرعة في منتخب مصر ومننساش المعلم اللي كان مذهول من اول الماتش ومشدوود وكفاية مدرب البرازيل واقف على رجله من اول الماتش فعلا يا ريت منخب مصر يتميز دائما واعتقد ان الموضوع هيختلف في ماتش ايطاليا خاصة ان الدفاع الايطالي سد منيع لكن الحضري يا جماعة مستواه في النازل خالص ومهزووز جدا ودقته قلت كتير وغلاطاته كترت لكن ربنا يعديها
تفتكروا لو لعبنا بنفس المستوى ممكن نوصل الدور الثانى (نتفوق على البرازيل او ايطاليا) صعببببببببببببب
شوفوا تعليق الفيفا والجماهير على المباراة:
http://www.fifa.com/confederationscu...9/summary.html
الكوميدى فى الموضوع ان احمد المحمدى كان فاكر ان حمدي شعبان الى بيحكم الماتش و مش هيشوفه :) :)
تقريبا الحكم شافه فى الشاشة اللى فوق المرمى و اتفضح امام الجماهير كلها و كمان بيعترض :)
انا مدايق جدا والله لان اول مرة احس اننا نستحق الفوز و كمان قدام البرازيل .
ماتش عشرة علي عشرة
ماتش في منتهى المتعة والروعة من اوله لاخره واعتقد هيكون افضل ماتش في البطولة والي شاف ماتش الافتتاح امبارح هيفهم قصدي دة انا نمت وانا قاعد ومتفرجتش علي ماتش اسبانيا للاسف
اما النهارده فعلا اللعيبه لما تبقي فايقه بتكون حاجة تانية واعتقد بالارقام والاحصائيات وكل حاجه احنا تفوقنا عليهم و(قطعناهم) وكان نفسي الماتش يخلص علي الاقل 3-3 بس الهدف الاخير ضيع الامنية عموما احنا كسبنا احترام جمهور الاستاد كله لاء والعالم كله
بثقة
ولعب
وتكتيك
ومن غير دانيل الفيس او كاكا او روبينو او باتو او لوسيو او ايلانو ولا حتي خوليو سيزار
المشكلة فى خط الدفاع و الجون
ماتش خرافى واداء مصر فوق المتوقع الحقيقة ... بس انا جالى احباط من ضربة الجزاء بس
والله انا من الشوط الاول وقلت احمد فتحى ينزل نص الملعب و ينزل المحمدى مكان احمد حسن
و احمد عيد بعد كده ينزل بدل شوقى مش حسنى
المنتخب يا جماعه جامد عندنا اتنين لاعيبه واحد اسمه بركات وواحد اسمه ابوتريكه يخلصوا اى ماتش والمفروض يلعبوا فى اكبر انديه العالم بس للاسف الفرقه مش فردين بس
احمد فتحى ممتاز واوكا رائع واحمد عيد كويس بس مش عارف ليه كان بيلعب على الواقف
يعنى لو كنا ضغطنا وركزنا شوى بعد الجون 3 كنا جبنا الرابع بس احنا رضينا بالتعادل والحمد لله على كل شىء
احمد حسن و شوقى و عبدربه و هانى سعيد لازم يتشالو وييجى بدالهم حد زى عبدالله السعيد او محمد خيرى و يشوف واحد جامد فى الدفاع واتفرجوا على المنتخب
امريكا كاسبه ايطاليا 1 فى مفاجاه وربنا يسهل الماتش الجاى
ومبروك الاداء الرائع
هتلاقوا علي موقع الفيفا يا جماعة تعليقات من جميع أنحاء العالم عالماتش
من برازيليين بيقولوا إنهم مندهشين من فريق مصر اللي علي حد تعبيرهم يملك لاعبين في خط الهجوم هم زيدان و أبو تريكة شكلوا قوة ضاربة أكتر من الهجوم الأرجنتيني علي البرازيل !
و من كنديين بيقولوا إن الفرعون أبو تريكة يساوي أكثر من ال 65 مليون بتوع كاكا .
و جميعهم بيقولوا إن لو منتخب مصر ده العادي بتاعه فا هو هيوصل إلي ما لم يصله فريق أفريقي من قبل .
و عرب و أفارقة بيشجعوا مصر لأنها الفريق الممثل لهم في البطولة .. دي أول بطولة تكون مش مصر بس اللي بتشجع المنتخب ولا العرب بس .. أفريقيا كلها بقت ورا مصر .
و كل ده .. بالرغم من إننا علي أرض الواقع خسرنا 3 نقط و طلعنا صفر اليدين من الماتش
و لكن من المؤكد إن العالم كله عرف إن فيه منتخب إسمه منتخب مصر بيلعب كورة و بيحط 3 أجوان في البرازيل .
أتمني المنتخب يكون أحسن و أحسن في الماتشات الجاية .
لازم فعلاَ تقروا التعليقات علي موقع الفيفا .
هههههههه و بعد كل ده منصعدش للمونديال :) :) .
الف مبروك لمصر اللعب الجميل دا
فعلا انا قريت التعليقات الناس مبهوره اوى انجليز وكنديين و عرب و برازيليين وامريكان
شفت إخواننا الأفارقة كانوا فرحانين لمنتخبنا إزاي في الاستاد؟ بجد منظر فرحني جداً وحسسني إن "مصر" كدولة لها مكانة في قلوب الأفارقة والعرب بس للأسف لا نستغل هذه المكانة ولا نوطدها وسايبين أفريقيا لإسرائيل تنهب خيراتها وتهدد عمفنا الاستراتيجي على مزاجها
دول كلمتين كدة ع الهامش وهاتكلم ع الماتش بعدين :)
التعليق ع الماتش:
- الماتش روعة والنتخب كان لازم يطرق الحديد الساخن بعد الهدف الثالث بس خيرها في غيرها.
- الهدف الثالث للبرازيل مدرسة ..عند تنفيذ الركنية مهاجمان لازقين في بعض دون السماح لمدافع بينهما، وبعدين ينفصلان والمدافعين عنددنا يتوهوا مش عارفين يجروا ورا مين .. مدرسة !!
- ارتفاع مستوى الحضري في نهاية الشوط الأول وبداية الثاني أعطى دفعة خفية للمنتخب(مع إني مش طايقه إلا إني فضلت أدعيله "ربنا ينفخ في صورتك")
- ضربة الجزاء .. قانون الفيفا يمنع الارتكان للتسجيل التليفزيوني لاحتساب القرارات .. أظن الحكم غلطان في تغيير قراره واحتساب ضربة الجزاء بناءً على الإعادة التليفزيونية بعد ماكانت كورنر للبرازيل.
ياللا خيرها في غيرها وعاوزين ندمج اللاعبين الجداد زي "رؤوف" و "عبد الملك" و "خيري"
والله أنا حاسيت أن البرازيل هية اللي لابسة أحمر و مصراللي لابسة أصفر أية الجمال داة يا شباب بجد ماتش هايل:36_7_7[1]::36_1_34[1]::36_7_7[1]::36_1_34[1]::36_7_7[1]:
ال 90 دقيقة بتاعة امبارح نقلت الكرة المصرية لقدام سنين كتير قوي