بلاش تعصب

**HESHAM AMIN** · 07-10-2007 02:26 AM

انا ملاحظ ان تقريبا 90% من المشاركين فى المنتدى متعصب جدا لنوع السيارة الى راكبها اى كان نوعها ولما حد يسال يشترى اية كل واحد يعرض العربية الى راكبها كاحسن نوع
لية التعصب دة و اعتقد ان احنا لازم نكون موضوعين فى الحكم على باقى السيارات
مش لازم ان العربية الى انا راكبها تكون احسن عربية موجودة
يا جماعة كل واحد بيختار على حسب زروفة وامكانياتة وممكن العربية الى انا راكبها ماتنفعش غيرى دا شى عادى
وسلام

**ahmed_gamal** · 07-10-2007 02:31 AM

اعتقد ان انا مش من الناس دي :mrgreen: :mrgreen: :mrgreen:

**DODY** · 07-10-2007 02:33 AM

فعلا اؤيدك فى ذلك ومعظم الردود تفتقد الموضوعية

**SOBKY** · 07-10-2007 02:34 AM

و انا معاك قلبا و قالبا ..
التعصب بيخلي جو المنتدى مكهرب و مش ظريف ..
كتير مواضيع بتتفتح للسؤال او للاستفسار عن سيارة و فجاه يقلب بشد و بخروج عن الموضوع تماما على لا شئ .

**Akram** · 07-10-2007 04:08 AM

و انا معاك كمان , بس غالباً اللى بيكون معاه عربية و مريحاه بيبقى شايف إنها أحسن من غيرها,
انا عن نفسي عربيتي مش مريحاني و ناوي ابيعها و أشتري غيرها إن شاء الله قريباً.... :roll:

**kamalantivirus** · 07-10-2007 04:31 AM

هو احنا ما فيش حاجة جيبانا ورة الا التعصب و عدم التركيز على لب القضية نادرا ما ترى groupwork نفع في المحروسة

**Falcon** · 07-10-2007 04:37 AM

احنا متعصبين لي كل حاجة سيارات ، موبايلات ، مكيفات ، تليفزيونات ، و ريسيفرات الله يرحم ريسفرات الهيوماكس (كان مرسيدس الريسيفرات دلوقتى معدش فيه حاجة اسمها هيوماكس انقرض وتلاشى تماما) ، و ، و و،و ، أخر موقف تعصب حصلي كان بسبب كارت شاشة أية تي آي صاحبي مصر ان الإي تي آي افضل من انفيديا اقنع فيه واجيبه يمين شمال واقوله دا كان زمان دولوقتي انفيديا تفوقت على ايه تي آي وهو ابداااااا بردو عايز يشتري الاي تي آي. هو حر بقى.

**eng_mkhalaf** · 07-10-2007 11:12 AM

طبعا أنا معاك شكلا وموضوعا - لازم أى حد يشكر أو يذم فى أى عربية لازم يبقى عن تجربة ودراية كاملة أنا شخصيا بعانى فى عربيتى كدة لأن كلة عمال يفتى ومحدش جرب خالص بس عماليين ننقل أفكار مغلوطة وبس وشكرا

**aboalm** · 07-10-2007 11:35 AM

موضوع صحيح جدا كل واحد بيدافع عن سيارته بغض النظر عن انها قطعة حديد ولو حد تانى اتعرض لوقف فى منتهى الساخفه من نفس العربيه يستميت فى الدفاع عنها كانه بيدافع عن حد من الاولاد مثلا مما يفقد الحوار قيمته الحقيقيه و هى الوصول للعيب نفسه زى موضوع ال Q Q اللى منشور و ازاى هانى وجد انها لاتصلح له تماما و شرح وجهة نظره لكن لازم حد يعترض يا أخوننا الآعزاء دى وجهات نظر و مش لازم علشان أنا شايف ان العربيه دى حلوه يبقى كل الناس تشوفها بعينى أنا

**eng_mkhalaf** · 07-10-2007 11:49 AM

المشاركة الأصلية كتبت بواسطة aboalm

موضوع صحيح جدا كل واحد بيدافع عن سيارته بغض النظر عن انها قطعة حديد ولو حد تانى اتعرض لوقف فى منتهى الساخفه من نفس العربيه يستميت فى الدفاع عنها كانه بيدافع عن حد من الاولاد مثلا مما يفقد الحوار قيمته الحقيقيه و هى الوصول للعيب نفسه زى موضوع ال Q Q اللى منشور و ازاى هانى وجد انها لاتصلح له تماما و شرح وجهة نظره لكن لازم حد يعترض يا أخوننا الآعزاء دى وجهات نظر و مش لازم علشان أنا شايف ان العربيه دى حلوه يبقى كل الناس تشوفها بعينى أنا

http://www.nilemotors.net/Forum/viewtopic.php?t=8402
لا تعليق