.... تجربة ايجابيه جديده من التوكيل ( عز العرب )....

بسم الله الرحمن الرحيم

الاخوه الاعضاء الكرام

النهارده تعرضت الي عطل بسيط في السياره كان ناتج عن عندم قراءه السياره للغيار الي واقفه عليه ( الجير اتوماتيك ) مما ادي ايضاً الي عدم دواره السيارة بالكامل

و نأتي بالتفاصيل

علي الساعة 4 بعد العصر توجهت بمكالمه تليفونيه للمهندس محمد رشدي احد كودار عز العرب في فرع الاسكندرية

و بالفعل كانت المكالمه بأن الراجل طلب مني شرح الحاله الي موجوده في العربيه ...
وبالفعل تم شرح حاله العربيه

وتفضل المهندس محمد في نهايه المكالمه بأنوا حيبعتلي حد لغايه البيت عندي لمراجعه العربيه و حيكون معاه مهندس من مهندسين التوكيل و لم يحدد معي موعد محدد

المهم علي الساعة 5.20 تلقيت مكالمه تليفونيه من المهندس محمد صلاح و بيقولي فيها ان انا موجود في العنوان كذا ( طبعاً عنوان بتنا )

و علي الفور توجهت انا وولدي الي الجراج الي فيه العربيه و تم مقابله المهندس محمد صلاح و معه الكهربائي المختص بالتوكيل و مساعد اخر و فوجئت بأن هما جاين في عربيه جين 2 لونها زهري منيوال

المهم تم الكشف علي العربيه بالجهاز و تم معرفه العطل و اتضح ان العطل من جانب فيوز داخل الكابينه و اعتقد ان الفيوز الخاص بالمرحل ( يعمل ك Switch ) او ما شابه ذلك و هو حوالي 10 امبير

المهم تم تغيره و تم عمل الازم و قالولي بكره ياريت تيجي المركز لعمل بقيه ال check للعربيه

و تم اخد بيانات العربيه بالكامل و ولدي مضي علي الوصل وكله تمام .....

و بعد انتهاء العمل بالعربيه توجه المهندس محمد صلاح بمكالمه للمهندس محمد رشدي ليأكد ان كل شئ تمام ...

و طلب المهندس محمد رشدي من المهندس محمد صلاح انوا يكلم ولدي او مالك السياره بمعني اصح

وبالفعل ولدي طمن المهندس محمد رشدي و قاله ان كله تمام و الف شكر ليكم و ان شاء الله انا بكره حاجي الصبح التوكيل لعمل بقيه ال check و دا كان بناء علي طلب المهندس محمد صلاح .........

و اخيراُ انا مقدرش انكر كوادر محترمه تعمل تحت مظله توكيل عز العرب و مفيش يوم فكرت ان الناس دي علي غير درايه بالعمل الي بعملوه و عمرهم ما خذلوا عميل

و لكن انا كان موقفي ضد صاحب المنشأه نفسها الي فعلاً محتاج انوا يحسن كتير من المظهر الخارجي يمكن تكون الاشياء الي ناقصه لتوكيل عز العرب رتوش خارجية و لكنها مهمة جداً في تكوين صوره افضل للتوكيل و حتي يصبح العميل علي وعي كامل ان التوكيل دا فعلاً بيضمن العميل قبل ان يضمن حقه في الربح الوفير من وراء شرائه للمنتج الخاص بيه ........

اسف للاطاله و لكن انا اهم شئ عندي اني اوضح كل ما اقدر ان اوضحه من خلال منتدانا الجميل و الي احلي اعضاء حتي يحصل كل شخص علي الصوره الكامله و الواضحه و الحقيقية للتوكيل ..........

و تقبلوا تحياتي .......

السلام عليكم ورحمة الله وبركاته
انا بشكر حضرتك على نقلك لينا التجربة دى عشان بس كل الناس اللى بتدخل منتدى بروتون زى ما بيشوفوا التجارب السلبية لازم برضه يشوفوا التجارب الايجابية اللى اكيد برضه بتدى كل واحد حقه والصراحة يا استاذ مؤمن احنا كنا محتاجين موضوع يفتح النفس شوية مش عارف المواضيع عن التجارب السلبية كتير كده ليه المهم الف مبروك على تصليح العربية وربنا يحفظها لك باءذن الله

اقتباس:

---

المشاركة الأصلية كتبت بواسطة ahmedfathy77

السلام عليكم ورحمة الله وبركاته
انا بشكر حضرتك على نقلك لينا التجربة دى عشان بس كل الناس اللى بتدخل منتدى بروتون زى ما بيشوفوا التجارب السلبية لازم برضه يشوفوا التجارب الايجابية اللى اكيد برضه بتدى كل واحد حقه والصراحة يا استاذ مؤمن احنا كنا محتاجين موضوع يفتح النفس شوية مش عارف المواضيع عن التجارب السلبية كتير كده ليه المهم الف مبروك على تصليح العربية وربنا يحفظها لك باءذن الله

---

و الله يا باشمهندس احمد احنا هنا في المنتدي بعمل كل شئ نقدر عليه علشان نقدر نوصل المنتج دا بعيوبه قبل مميزاته لاي حد بيفكر انوا يشتري العربيه و حضرتك عارف الكلام دا كويس اوي و بصراحة الي ليهم الفضل في ذلك الاستاذ توت - ايمن - احمد صيام و غيرهم و غيرهم من الاخوه الافاضل

بس ساعات بتلاقي حاجات كدا من التوكيل بتخلي الصوره ميعلم بيها غير ربنا
بس الحمد لله علي كل حال
و دي احد التجارب الي فعلاً تعتبر تجربة مشرفه لنقل مستوي مهندسي التوكيل المحترمين و الافاضل

و تقبل تحياتي

الف مبروك يا أستاذ مؤمن على تصليح العربيه وعلى التوضيح الجميل
كلنا بنتمنى ان توكيل عز العرب يكون أحسن توكيل علشان كده الناس متدايقه ان الأهتمام بتوكيل السياره بروتون أقل بكتير من المتوقع بالنسبه لسياره ماليزية الصنع مقاربه جدا" فى الكفاءه من اليابانى فكلنا بنتمنى الخير علشان كده هتلاقى المواضيع السلبيه أكتر من الايجابيه ودا شئ ضرورى والا هيبقى كفاءة التوكيل فى النازل وان شاء الله كل ما هنحل مشكله هنعلى ونعلى وهيبقى أحسن توكيل ان شاء الله .

الف مبروك يا مؤمن باشا علي تصليح العربية
و يا مسسسسسسسهههههههههههلللللل للللللل

تمام ربنا يهدي الناس وكل واحد يراعي ربنا في شغله

ومبروك عليك صيانة عربيتك


تحياتي

عشرة على عشرة و تحية خاصة ليك يا باشمهندس مؤمن على نقل التجربة الايجابية

مؤمن باشا هيا فعلا تجربه إيجابيه من التوكيل ومشكور على نقلك لها وطبعا مافيش شك غن فى تطور ملحوظ فى التوكيل وخاصه بتاع اسكندريه ونتمى المزيد منهم والمهندس محمد صلاح فعلا راجل ذوق بس هقلك ما هو الصيانه او التوكيل برضو من مهندس بس

هو : خدمة عمله + قطع غيار + مهندسين + فنيين + أسعار قطع غيار + إداره + دعاية + اعتمادية + وقت والتزام + وخدمة ما بعد البيع والضمان
وإن شاء الله هعمل مشاركة فى عن قريب من هذا القبيل ... المهم دوشت دماغك والحمد لله مشكلتك احتلت

تحياتى

الف شكر لكل من شارك في هذا الموضوع

و الله يا جماعة ربنا يعلم انا بتمني ان التوكيل دا و الماركه دي تزدهر ازاي في السوق و لكن لسه شوية و طبعاً دا راجع للاداره

و الحمد لله النهارده في حدود الساعة 10.30 صباحاً توجهت للتوكيل لعمل الفحص علي جميع الاجزاء الكهربائيه و استلمها مني المهندس محمد صلاح

و طبعاً جلست انا وولدي مع المهندس محمد رشدي في المكتب الخاصه بيه

و طبعاً انا عايز اقول ان في عمليات تطوير في الاستراحة الخارجية للانتظار و دي حتتكبر لاستيعاب اعداد اكبر من العملاء و دا بناء علي طلب من مدير الفرع و هو طبعاً المهندس محمد رشدي

و في كلام انهم في ارض برده قريبه من الورشة الاصليه سوف يتم انضمام او تكبير الورشه و مساحة الارض ..... ( شئ من هذا القبيل )

ولكن انا الحمد لله مازلت بقول انا بثق جداً في كوادر المهندسين الي موجدين في التوكيل



و ياريت يا جماعة برده الي عنده اي موضوع يكون ايجابي من ناحيه التوكيل الناس تحاول تعرضه علشان نقدر نقيم ايه الجديد و هل في اهتمام و تحسن في الخدمة و لا لا ...............

و تقبلوا تحياتي ...........
و شكر خاص لكل من شارك برأيه المحترم في هذه التجربة و ان شاء الله ان علي وعد في نقل اي تجربة ايجابيه من التوكيل

تمام يا مؤمن باشا ... مهم اننا لما نلاقى موقف ايجابي زى كده نذكره زى ما بنذكر السلبيات .

اقتباس:

---

المشاركة الأصلية كتبت بواسطة mohabsaeed

تمام يا مؤمن باشا ... مهم اننا لما نلاقى موقف ايجابي زى كده نذكره زى ما بنذكر السلبيات .

---

مهاب باشا اهلاً بيك و نورت الموضوع و الله

طبعاً يا مهاب باشا هو دا الي انا بتكلم عليه ان احنا لازم نذكر العيوب و المميزات و مش لازم ندافع عن الغلط دفاع مستميت او بطريقة عاطفية شوية
و في نفس الوقت لازم تقول علي المميزات علشان نقدر نقيم التوكيل محتاج ايه علشان الصوره كلها تكون متكامله الجوانب و واضحه لينا كلنا

و تقبل تحياتي اخي الفاضل

عز العرب عامل شوية شغل حلوين اهو :36_9_4:
مبرووووووووووك يا عم مؤمن :36_1_35[2]:

عاوزين نطلع بالعربيه طالعه نجرب الفيوز الجديد :coool:

اقتباس:

---

المشاركة الأصلية كتبت بواسطة badrawy

عز العرب عامل شوية شغل حلوين اهو :36_9_4:
مبرووووووووووك يا عم مؤمن :36_1_35[2]:

عاوزين نطلع بالعربيه طالعه نجرب الفيوز الجديد :coool:

---

عيني يا محمد باشا و الله
الي انت عايزه يا باشا انا تحت امرك

تحياتي

[info]

ياريت يا جماعة الي عندوا اي تجربة شبيها بالتجربة دي يقولها

علشان تقدر نقيم التوكيل في حالات الطوارئ بيتصرف ازاي مع العملاء

[/info]

و تقبلوا تحياتي

مبروك .... ويارب تتضبط وترجع زى الفل ياميمــو

والف شكر ياباشا على نقلك للتجربه الايجابيه .. وربنا يكتر من التجارب دى يارب.

تحيــــــــــــاتــى

السلام عليكم
الباشمهندس مؤمن الحمد لله أنك بخير و عربيتك بخير .
و الحمد لله على المعاملة الجيدة من المهندسيين و الفنيين في التوكيل فرع الأسكندرية .
المشكلة يا جماعة أن فعلا اكتر ناس بتحكي على تجربتها مع التوكيل هما اللي عندهم مشاكل .

و ده طبيعي جدا .
ان اللي عنده مشكلة ......... هو اللي بيتكلم علشان يدور على حل .
علشان كدا الصورة الايجابية لأي شئ بتكون مش ظاهرة قوي زي السلبية .
علشان أصحاب التجارب السلبية هما أكتر الناس اللي بتشتكي علشان يحلوا مشكلتهم .

و فعلا أنا متفق مع الجميع .
اللي عنده أي تجربة مع التوكيل سواء ايجابية أو سلبية ...... يحطها هنا علشان الناس الجديدة تقدر تدي تقدير للموقف قبل الشراء علشان محدش ييجي و يقول أنه أدبس أو ما شابه .

و برضه علشان التوكيل يحسن من امكانياته و يطور موارده و موظفينه .


لكم جميعا أغلى التحيات ....... من عاشق لبروتون و ماليزيا .
http://www.pbs.org/nbr/site/images/060424_proton.jpg

مبروك على تصليح السيارة
وربنا يباركلك فيها

اقتباس:

---

المشاركة الأصلية كتبت بواسطة ayman_52

مبروك .... ويارب تتضبط وترجع زى الفل ياميمــو

والف شكر ياباشا على نقلك للتجربه الايجابيه .. وربنا يكتر من التجارب دى يارب.

تحيــــــــــــاتــى

---

مون يا حبيبي واحشني و الله و الموضوع دا انا عمله علشان تعرف انا ازاي بدي كل واحد حقه في التوكيل علي الاقل في فرع الاسكندرية :36_7_7[1]:

المهم سيبك انت ....... انت اخبارك ايه و اخبار العروض ايه يارب يكون كله تمام
وربنا يباركلك يا مون علي الخدمات الرائعه الي بتقدمها لملاك بروتون

وخالص تحياتي ليك

اقتباس:

---

المشاركة الأصلية كتبت بواسطة tutankhamoun

السلام عليكم
الباشمهندس مؤمن الحمد لله أنك بخير و عربيتك بخير .
و الحمد لله على المعاملة الجيدة من المهندسيين و الفنيين في التوكيل فرع الأسكندرية .
المشكلة يا جماعة أن فعلا اكتر ناس بتحكي على تجربتها مع التوكيل هما اللي عندهم مشاكل .

و ده طبيعي جدا .
ان اللي عنده مشكلة ......... هو اللي بيتكلم علشان يدور على حل .
علشان كدا الصورة الايجابية لأي شئ بتكون مش ظاهرة قوي زي السلبية .
علشان أصحاب التجارب السلبية هما أكتر الناس اللي بتشتكي علشان يحلوا مشكلتهم .

و فعلا أنا متفق مع الجميع .
اللي عنده أي تجربة مع التوكيل سواء ايجابية أو سلبية ...... يحطها هنا علشان الناس الجديدة تقدر تدي تقدير للموقف قبل الشراء علشان محدش ييجي و يقول أنه أدبس أو ما شابه .

و برضه علشان التوكيل يحسن من امكانياته و يطور موارده و موظفينه .


لكم جميعا أغلى التحيات ....... من عاشق لبروتون و ماليزيا .
http://www.pbs.org/nbr/site/images/060424_proton.jpg

---

استاذي الفاضل توت ازي حضرتك يارب تكون بخير و بجد يشرفني مرورك الكريم في الموضوع

وتقبل تحياتي اخي الفاضل

اقتباس:

---

المشاركة الأصلية كتبت بواسطة amecath

مبروك على تصليح السيارة
وربنا يباركلك فيها

---

استاذ اسامه ازي حضرتك ...... و يارب تكون بالف صحه وسلامه

وتكون كل امور البيرسونا تمام و الحمد لله

بقالك مده غايب بمشركاتك الجميله عننا عايزين نشوف مشاركاتك ياريس

وتقبل تحياتي