إيه أكتر مسلسل عجبك في رمضان؟!

**Falcon** · 07-10-2007 03:48 AM

السلام عليكم ، كل سنة وحضراتكم طيبين

إيه أكتر مسلسل عجبك في رمضان؟!
أنا عن نفسي شدني مسلسل يتربي في عزو بالرغم من سطحية دور يحيي الفخراني إلا ان رتم المسلسل سريع لحد ما ومش ممل.
عجبتنى بردو حلقات راجل و 6 ستات كوميديا خفيفة ولذيذة.
بالنسبة لبقية المسلسلات مكنش فيه وقت انى اتابعها دول اكتر من 40 مسلسل تقريبا :o :o

**Anti_virus_abdo** · 07-10-2007 03:55 AM

انا برضه يتربي في عزو رغم السطحيه بس بيناقش فعلا قضية شخصيات موجوده بالفعل و هو فعلا مش ممل خالص و مضحك
بس حضرتك غلط طحت راجل و 6 ستات و تامر و شوقيه مع المسلسلات الباقيه لأن ديه مش مسلسلات

**Moh.Fahmy** · 07-10-2007 05:07 AM

و الله انا مش متابع لكل المسلسلات انما اكتر عاجباني و جميلة و بضحك من قلبي لاننا في وقت عز فيه الضحك هي راجل و ست ستات برغم بساطتها انما بتضحكني و يا بخت من ضحكني ... و مش عايز اكمل المثل هو كده كفاية
يتربي في عزو جميلة لان فيه نماذج كده كتيير و يحيي الفخراني قايم بالدور حلو قوي
قضية رأي عام فيها الكثير من المبالغات رغم قلة متابعتي لها الا انه من غير المعقول ان يتم القبض علي ابن وزير بالشكل الذي تم تصويره خصوصا و ان المسلسل بيتكلم عن قضية في مصر مش في اي دولة افريقية اخري

محمد فهمي

**Dr Ahmed** · 07-10-2007 06:20 AM

كل دى مسلسلات؟؟؟
الوحيد اللى أعرفه حمادة عزو علشان بييجى وانا لسه بأفطر وعجبنى...
كان فيه مسلسل جرافيكس فيه اتنين بس قاعدين على كوكب لوحدهم صوت واحد منهم زى صوت أشرف عبد الباقى ، كان حلو قوى برضه.
مسلسل Aliens بشوفه مع السحور بطولة ناس ماعرفهومش وفيه صراع بين السى آى إيه ومنظمة اسمها الكوفينانت واتفرج على اللياقة البدنية والتشويق..إذا مجاش هييجى مكانه أو قبله مسلسل Angel بطولة واحد ماعرفهوش ومصاص دماء بس محترم بينقذ العالم من اللى بيتحكموا فى مصير الناس (زى كل الحكايات فى أمريكا لازم ينقذوا العالم وزى مستر بوش كده).. قرع جدا بس مسلى.

**hazem_khidr** · 07-10-2007 06:38 AM

اللي بتابعهم بالصدفه هما الفريسه و الصياد لممدوح عبد العليم و يتربي في عزو و الاتنين كويسين و لكن معنديش فرصه اتابع الدالي ولا اي حاجه تانيه علشان الصلاه

**Abdallah** · 07-10-2007 03:29 PM

يتربى فى عزو
الدالى
وليا تعليق على مسلسل الدالى وهو إن الكاتب قال انه مش بيتكلم عن شخص معين ورغم ذلك القصة فى مجملها توحى انها تتحدث عن عثمان احمد عثمان, ومن قرأ كتاب " حياتى " لعثمان احمد عثمان اكيد هيفهم انا بتكلم عن ايه.

**sokasoon** · 07-10-2007 05:37 PM

احلى مسلسلين هما يتربى فى عزو والدالي

**fahd_628** · 07-10-2007 07:25 PM

من أطلق الرصاص على هند علام (نادية الجندي)

و

قضية رأي عام (يسرا)

بصراحة دول الى انا متابعهم و عاجبنى

و تامر و شوقية برضة لذيذ جدا

**Karim_Monir** · 07-10-2007 07:42 PM

ولا مسلسل بتفرج علية
كنزي بس بتجبرني اني اتفرج معاها وانا بفطر على عزو
لكن لو خلصت فطار قبل ما تخلص بقوم ومش بكمل
ده انا بزهق لو قعدت اتفرج على فيلم
اقعد تابع مسلسل كل يوم حتة
ايه الملل ده

-

مشاهدة نتائج الإستطلاع: إيه أكتر مسلسل عجبك في رمضان؟!

الموضوع: إيه أكتر مسلسل عجبك في رمضان؟!

LinkBack

أدوات الموضوع

عرض

-

-

-

-

-

-

-

المواضيع المتشابهه

احسن كافيه عجبك

اكتر لون عجبك فى النترا 2012

ما هو اكثر لون عجبك في الفلوينس

مسلسل "مبروك رمضان فاتك‏

سجل اعجابك بموضوع عجبك فى المنتدى

الكلمات الدلالية لهذا الموضوع

المفضلات

المفضلات

ضوابط المشاركة