رأي الاعضاء في الشارك المانويل

**simon659** · 16-06-2009 08:21 AM

لو سمحت عاوز اشتري الماتسوبيشي الشكل الجديد الشارك مانويل بس لما بسأل تاجر عربيات عنها او ميكانيكي يؤلي دي عربيه زي التيييت بس بصراحه انا بشك في كل كلامهم لان العربيه دي مش عندنا خالص في البلد طيب لو وحشه ايه عيبها والميكانيكيه يؤلي ان البومه احسن طيب الزاي يعني الخواجه الياباني مابيفهمش نفسي حد يؤلي لو وحشه وحشه ليه ومره اسمع ان ماتورها ضعيف في قسم المقارنات مع التيوتا والمازدا والهوندا وطابعا الشارك انا مش عارف ومره اسمع ان ملهاش سبات علي الطاريق زي البومه مش عارف طيب لو وحشه اشتري ايه ولا اجيب ايه طيب هيا فعلا البومه 1600 مانويل احسن منها نفسي حد بيفهم وامين يرد عليا واسف علي الاطله ولكني التمني في الافاده

**مصراوي جدا** · 16-06-2009 11:22 AM

فيه موضوعين مثبتين عن الشارك

الأول اللي فاز في شهر مايو لأحسن موضوع (تقييم لانسر 2008)
والثاني تجميع لأفضل المواضيع عن اللانسر شارك

بشكل عام الشارك هي تطوير البومة وهي تكنولوجيا 2008 والبومة تكنولوجيا 2003 يعني كل حاجه فيها اتطورت

عيب الشارك الوحيد في رأيي سعرها العالي عن البومة بس ده لأن حجمها أكبر ومتطورة أكتر

**blazer** · 03-07-2009 05:44 AM

الشارك افضل طبعا من البومه فى الثبات والفخامه
بس انت متقارنش سحبها ب السيفيك - الكرولا
لان اولا ماتورها 1500 و مواتير السيفيك و الكرولا 1600
و كمان فتيس السيفيك 5 نفلات اوتو و التيوتا mmt )يعنى كانها مانبوال)
و الشارك 4 نقلات اوتو

**ahmad--ezzat** · 03-07-2009 08:41 AM

الشارك جميله جدا طبعا وموتورها حلو...وسيبك من الناس اللى تقلك دى تعبان ودى بطه ودى فرخة...

اتكل على الله عربيه العظماء فى شكلها..

(ههههههههه مع انى مركبتهش ولا مرة...بس جمدة جدا وبشوفها مقطعه الطريق كتير)

**Mostafa_ENG911** · 04-07-2009 06:37 AM

المشاركة الأصلية كتبت بواسطة blazer

الشارك افضل طبعا من البومه فى الثبات والفخامه
بس انت متقارنش سحبها ب السيفيك - الكرولا
لان اولا ماتورها 1500 و مواتير السيفيك و الكرولا 1600
و كمان فتيس السيفيك 5 نفلات اوتو و التيوتا mmt )يعنى كانها مانبوال)
و الشارك 4 نقلات اوتو

بالنسبه لموضوع الفتيس الأوتوماتيك إنه 4 نقلات ده مش حاجه نقول عليها أفضل...عامة الشارك سياره جميلة جدا و سيارة ممتعة بس للاسف مش اللي في مصر...اللانسر الgt اللي بتنزل بره تححححححففففففه صاروخ

**kholio** · 06-07-2009 10:29 AM

الشارك بتجري مع السيفيك والكورولا راس براس و موتورها قوي جدا و متصدقش اللي يقولك ان موتورها ضعيف انا اللي معايا كويتي سبورت كاملة واوتوماتيك وطلقة في الجري ما بالك بالمانيوال هتبقى عامله ازاي في التسارع والتوب سبيد اكيد صاروخ

**samo_1983** · 07-07-2009 11:58 AM

المشاركة الأصلية كتبت بواسطة kholio

الشارك بتجري مع السيفيك والكورولا راس براس و موتورها قوي جدا و متصدقش اللي يقولك ان موتورها ضعيف انا اللي معايا كويتي سبورت كاملة واوتوماتيك وطلقة في الجري ما بالك بالمانيوال هتبقى عامله ازاي في التسارع والتوب سبيد اكيد صاروخ

100%
MIVEC Engine = torque at full RPM range so don't care about hp numbers r