بنزين 95 ولا 92 ؟؟؟؟ tiida

اهلا يا شباب, هذه اول مشاركة لى على المنتدى, و أرجو الإجابة على سؤالى من المهندس سبعاوى او أى متخصص.
أمتلك نيسان TIIDA أوتوماتيك هاتشباك, مكتوب فى الكتالوج أنه يجب إستخدام بنزين 95, و إذا لم يتوفر لا تستخدم بنزين أفل من 91.
سؤالى هو :"هل بنزين 92 ملائم أم سيتسبب فى مشاكل للموتور (Injectors, pistons, etc) و هل سيقلل من كفاءة السيارة؟"
- من فضلكم حد يجاوبنى بسرعة علشان أنا باستخدم بنزين 95 و بصراحة غالى أوى :Copy of majd(4):
ارجو من المجيب أن يشرح بإسهاب و يتكلم براحته بالنسبة للمصطلحات الفنية !!!

شكر"ا
م/حازم علاء الدين - الأسكندرية

اولا الف مبروك يا باشمهندس على الانضماما لنادى التيدا

ثانيا
فعلا العربيه مكتوب على التانك كمان 95
"سوف ارد من وجهة نظر مجرب و اترك وجهة النظر الفنيه للخبراء لجهلى بها"
انا من 2007 و انا بامون 92
مرتين حطيط 95 و فعلا لاحظت بالفرق على المستويين
العربيه و جيبى
--
بس 92 ماشى كويس و مافيش مشاكل الحمد لله الى الان
و دى حالة معظم عربيات مصر

بص صاحبي كان بيمون 92 من اول لما جاب العربية ولكن قولنا نجرب 95 ومالحظناش فرق غير تحسن في الصوت يمكن شوية ولكن اول لما البنزين غلي رجع ل 92 ومافيش فرق خالص بينه وبين 95 في التيدا

ألف شكر يا شباب على الإهتمام :-)) و أرجو من باقى التيداوية المشاركة فى الرأى :-)))))

أنا سألت فى يونايتد جروب و المهندس قالى بيفرق على المدى الطويل
بص
من الأخر دى هتبقى وجهات نظر
محدش هيقلك ان 92 عمل مشكلة حقيقية معاه
و محدش بردوا هيقلك انه لازم 95
فأنت اعمل اللى يريحك نفسيأً
و شوف انت بتفول كام مرة قى الشهر و 95 يفرق كام عن 92 فى الميزانية
يعنى لو مشاويرك قليلة و بتفول مرتين بس فى الشهر مثلاً يبقى انصحك تمشى زى الكتاب ما بيقول و تمون 95
و مرة تانية دى وجهات نظر و مفيش حاجة مؤكدة 100% ممكن تتفال

أنا من رأيي سيبك من 95 والكلام اللى مالهوش لازمه ده 92 زى الفل على اى عربية جديده ومتهايألى مفيش فرق كبير يذكر ده من تجربتى انا عن نفسى بحط 92 للتيدا
ده حتى رئيس الشركة عندنا بيمون عربياته 92رغم انهم من العربيات الفارهه ( لينكولن ) و ( الشبح ) وشغاله زى الفل

بص بالنسبة لل-٩٥ فمن حيث فرء الأداء فهو بيحسسك با صاحبة العربية وهي لسة باردة أو كائن هوى سائع داخل الموتور، ( كلام غريب أنا عرف )!!
يعني لو جربت العربية في الشتى بليل والهوى سائع شوف السحب حيبئة عمل ازاي ،وشوف لما العربية بطبقة سخنة ولفة مشاوير كتير السحب بيال شوية ازاي ( د في أي عربية ). هو باءة ال-٩٥ بيدك إحساس إن العربية لسة باردة وجاهزة في أي وأت.
وفي فرء تاني بردو موفر أكتر في البنزين
وأخيراً فأكيد مش موفر إطلاقاً على الجيب.