-
الموتور بيكارك لنفسة ؟؟
اولا
العربية فورد فيستا 1300 98 انجكشن كامل اربع رشاشات
فلتر الهواء لسة متنظف من فترة قريبة و كذلك الماف و البوابة بس عندي مشكلة في الtps و فاصلة
و الايدلر لسة منظفة امبارح و مزيت العمود الداخلي بتاعة
فلتر البنزين بقالة 29000 و المفروض يعد 40000
البوجيهات الاصلية بلاتينيون واحد شمعة ماركة موتور كرافت متغيرين من حوالي 4000كم
العربية بتعمل حركة غريبة بالنسبالي هيا مش مكتومة و بتجرى كويس يعني معتقدش ممكن يكون عندي مشكلة في منظومة الفتيس او الدبرياج
العربية تعلى و توطي كان حد بيكارك على خفيف لوحدها و لما بتعمل كدة بكون محتاج ادوس بنزين جامد علشان تتحرك او اطلع من اي غيار للتاني
حد عنده فكرة المشكلة ديه من ايه او ايه علاجها ؟؟
-
-
-
شوف لو فى عندك سينسور واصل بفلتر الهوا أو عمة الهوا
شيله ونضفه كويس وبعدين ركبه تانى وربنا يسهل وترجع تمام
ولو متظبطتتش يبقى الأدلير هو الى عاوز يتظبط
(السينسور لو هتنظفه ياريت يكون بخرطوم هوا جامد)
-
اه عندي ماف متوصل على فلتر الهواء و لسة متنظف مكملش حاجة
و عموما انظفة تاني
بس الايدلر معرفش بقي اظبطة ازاي انا عارف مكان المسمار بتاعة بس معرفش نظرية شغلة ايه
-
لأ يا باشا يستحسن الميكانيكى هو ال ينظف الأدلير وتكون العربية باردة جدا عالشان القواعد بتاعته كلها فيبر
وخلى بالك لأن أى حاجة غلط هتطير الأدلير وطبعا سعره لواحده بتمن مكنة
وعلى فكرة أنا العربية عندى أول مرة عملت الموضوع ده روحت لأحمد فرج نظف الأدلير والسينسور بتاع فلتر الهوا
ورجعت تمام وبعدين عملت معايا كده تانى ورجعت أتظبطتت لوحدها(ال أر بى إم كان بيعلى ويوطى لوحده أكن حد بيدوس بنزين ويسيب)
-
الي اعرفة ان الايدلر عندي بحوالي الـ600 جديد
بس عموما تنظيف الماف بتاع الفلتر لازم ميكانيكي علشان المفتاح بتاع شكلة غريب مش متوفر في العادي
بس الايدلر عندي عبارة عن كتلة معدن يعني مش هايفرق سخن او بارد بس عموما اسيب العربية تبرد عنده مش شغلانة
بس اتمنى متكونش فيه مشكلة في الكنترول بوينت علشان انا معرفش ديه ايه نظامها بس اكيد هاتكون ضربة قاضية
-
صباح الورد على الناس السكر الي هنا
رحت امبارح ظبط العربية عند قطب بتاع الضاهر
كانت بتعلي و توطي لوحدها و كل غيار العربية تعد تخبط و تنطر و مش عاوزة تمشي عدل
المهم روحت حط الجهاز وصلة بالعربية و اعد تقريبا ساعتين شغال و بعد كدة ظبطت و زي الفل الحمد لله
اصل المشكلة ان البوابة اتلعب فيها و طبعا بنائا على تحريكها من وضع الفبريكة لوضع تاني بقي فيه تسجيل معلومات غلط على
الكنترول بوينت وكان التشخيص الاخير من واحد تاني اني محتاج اغير حساس البوابة tps و طبعا لما سالت عليه جديد 553 شامل الضريبة في التوكيل
و 450 عند الخليل الله اعلم بلده ايه طبعا و لما شوفتة استيراد لقيتة هو و البوابة مع بعض بـ 450 و طبعا كنت ناوي اجيب جديد و مكنتش المشكلة هاتتحل
و التشخيص التاني ان الايدلر الملف بتاعة باز و محتاج ادلر جديد و ده بـ 1040 في التوكيل و بحوالي 600 او 650 و استيراد اتقالي بحوالي 350 و طبعا كنت هاجيب استيراد
و مكنتش المشكلة هاتتحل
بس الحمد لله لما ظبط على الكمبيوتر الtps اشتغل كويس و الايدلر و كله تمام و في الاخر تكلفة 80 جنيه
و العربية ماشية الحمد لله كويس و طبعا هوافيكم بالجديد لو حصل حاجة تاني
-
الحمد لله ربنا وفقك فى تصليحها , و ربنا ما يحوجنا كلنا لميكانيكى و لا مركز خدمة ...
-
أميــــــــــــــــــــــ ــــــــــــــــن
-
يعنى هو ظبط الكنترول يونت عن طريق الجهاز بس ولا عمل حاجة تانية
لأن أحمد فرج تقريبا معندوش الجهاز ده
وبعدين عندى مشكلة جديدة بدأت تظهر
كل ما أبطل العربية بعد ما أكون ماشى فى الحر وبعدين أدورها يقوم الأر بى إم يرفع لغايى 2 وبعد شوية ينزل ويظبط ومش عارف ده ليه
-
شوف يا ملك المشكلة اصلها من سنة تقريبا كانت العربية لسة واخدها جديد روحت لاحمد فرج من ضمن الشغل الي عملة انه ظبط تكيهات و طبعا ظبطها على الديق 40 و 20 و الفبريكة مقاسها 50 و 20 طبعا الموتور بقا متكتف و مش عاوز يمشي و بيبطل في السلانسيه المهم رجعتلة و طلبت انه يفتحلي التكيهات
قام بدل ما يفتح التكيهات شوية قالي لا انت كدة عندك الايدلر بايظ طبعا العرق الصعيدي اشتغل علشان العربية كانت ماشية زي الفل قلتلة لا مش ايدلر ديه تكيهات من هنا لهنا قام شايل البرشامة الي على مسمار ظبط البوابة و على الموتور منها و طبعا منفعش و اخيرا فتح التكيهات و مشيت
طبعا البوابة كدة مبقتش مظبوطة و كل واحد طبعا يحاول يظبطها على السمع و الموضوع ده منفعش لحد ما البرنامج كلة اتعفرت لما روحت لقطب كل الي عملة على حد ما فهمت انه ظبط كل حاجة على وضع الفبريكة و مش سماعي كان فيه عداد على شاشة اللابتوب بيظبط عليه و بعد كدة ظبط باقي المشاكل بنفس الطريقة
نظف الفيش كلها و الحمد لله العربية كويسة لحد دلوقتي
بس انت المشكلة الي عندك ممكن تكون مشكلة من حساس و الصراحة بعد ما جربته و جربت رمضان و احمد فرج موضوع البرنامج الي عنده فارق جدا
يعني انا لو كنت مشيت ورا كلام ناس تانية انا كنت هاغير حساس بوابة و ايدلر يعني بتكلم في 1200 و عنده الموضوع كلفني 80 يعني مفيش مقارنة خالص
يعني ممكن تروحلة يظبطهالك او يشوفهالك و الموضوع بسيط انت راكب زيتيك مش عادة
Content Relevant URLs by
vBSEO 3.6.0 PL2