عندى مشكلة في السماعة الموجودة فى باب السائق ( نوبيرا 2001 ) ياريت لو حد يعرف يقولى ازاى ممكن افك فرش الباب علشان افصل السماعة و ياترى ممكن اشترى سماعة زيها ولا ايه الحل علشان انا مش محتاج غير سماعة واحدة بس
عرض للطباعة
عندى مشكلة في السماعة الموجودة فى باب السائق ( نوبيرا 2001 ) ياريت لو حد يعرف يقولى ازاى ممكن افك فرش الباب علشان افصل السماعة و ياترى ممكن اشترى سماعة زيها ولا ايه الحل علشان انا مش محتاج غير سماعة واحدة بس
حضرتك ممكن توفر على نفسك فك الفرش...وركز البلانس على اللى ورا فقط من الكاسيت..
او ممكن تروح لكهربائى تديلة 3 جنية يفك الفرش بتاع الباب وتفصلهم...
طيب وليه يعنى تفك فرش الباب
ما تفك الكاسيت اسهل وافصل سلك سماعات الباب منه
الموضوع مش موضوع فلوس لكن انا بحب اتعلم كل حاجة علشان محدش من الصنايعية يشتغلنى
ياريت لو فى حد يعرف ازاى افك فرش باب السائق ياريت يقولى
انا عايز افك سماعة واحدة من السماعتين اللى قدام (باب السائق) و لو فصلت من الكاسيت كدة حيفصل الاثنين معا مش وحدة بس
لا ياباشا انت لو فكيت الكاسيت عندك هاتلقى لكول سماعة عندك ليها طرفين وكل سماعة بيبقى ليها لوننين منفصلين مثال يعنى(احمر & احمرابيض) بس المشكلة انك تعرف كل اتنين بتوع انى سماعة وفى مشكلة كمان ان لو الكاسيت بتاعك اصلى هاتبقى الضفيرة عندك من غير اى قطع سليمة يعنى فحرام تلعب فى الضفير.
هتفك مسامير الفرش وبعديت
وهتفك المثلث الاسود حولين دراع الاوكرة بتاعة الفتح
وهتفك المسمار اللى جوة المقبض اللى بتمسك بيه الباب علشان تقفله
وبعدين ترفع الفرش لفوق شوية علشان تطلعه من دراع الموسوجر
وتخلى بالك متشدش الفرش جامد علشان لسة سلوك الفيشة بتاعة الازاز الكهربا ودى تفكها بردو
وبعدين هتفك السماعات وتفصل فردتين السلك منها
ولازم تلف على كل طرف شريط لحام علشان ميلمسش فى الصاج ويحصل قافلة فى الكاسيت او حاجة
وترجع تعمل نفس الخطوات دى تانى للتقفيل
ياراجل ده انا تعبت من الكتابة مابالك بقة بالفك والتركيب :N_no[1]:
مين قالك كده ؟؟
كل باب متوصل على طرف من الكاسيت لوحده
انهى الاسهل بقة ؟؟؟
اعتقد هو مش قصده الفيدر يا محمد لأن هو عاوز يلغى سماعة وحدة بس اللى هى جمبه
ولما بيحول الفيدر على اللى ورا بس بيلغى صوت سماعات البابين وهو عاوز وحدة بس اللى تبقة شغالة
الفيدر فى ناس بتوصل اللى قدام على فيدر يمين واللى ورا على فيدر شمال
وفى ناس بتوصل كل جمب على فيدر
يعنى الباب اليمين قدام مع السماعة اليمين ورا على فيدر والعكس مع الجمب التانى
معلش سؤال متعلق بالموضوع برضه..
أنا الكاسيت بتاعي الأصلي ومكتوب عليه دايو ومش عارف ماركته ايه وكمان مش فاهم في برمجة الراديو ولا التحكم في السماعات وكل مرة بعمل سيرش علشان اجيب موجة وفي مكان شكله كده بتاع انفرا ريد بس انا اشتريت العربية من واحد وقال لي مفيش ريموت
ممكن حد يفهمني النوع والاستخدام وياريت لو فيه مانوال
وشكرا..