بالرغم من إني من زمان بطلت أسمع بوب خالص و بالتالي معظم العربي
إلا إن عمرو دياب عندي حالة خاصة معرفش ليه ببقي عايز أسمع شريطه و بتبسط بيها أوي !

يمكن عشان هو الفنان الوحيد اللي بسمعه من و انا طفل فا مجرد سماع صوته بيفكرني بحاجات كتير و بيبسطني .. هي يمكن هيافة بس بصراحة شريط عمرو دياب بالنسبة لي خاصة في الصيف زي المصيف كدة و السفر و البحر ! حاجة ضرورية ! إستحملوني يا جماعة معلش بس أصل انا بحب الراجل ده .. و تشرفت إني عملت معاه إنترفيو أيام ألبوم كمل كلامك .

طبعاَ شعر الصدر حسين لا تعليق .. مبقاش إلا الواد ده اللي هييجي يتنطط عالكينج علي أخر الزمن !