نداء إلى الأستاذ بايو دينامو المنتدى بخصوص QQ
بس أنا عايز أعرف لية انت الوخيد إللى أشتكيت من QQ ناس كتير معاها العربية دية وماشيين بيها - الصراحة أنا معرفش حد معاة العربية دية بس بالنسبة لعربيتى A11 أعرف ناس معاهم العربية دية من سنتين وطحننها سفر وتحميل ولغيت دلوقتى بيجبوا بيها 190 طبعا مش مصدقنى لكن دة حقيقة أنا على الأقل كنت راكب معاة وجاب 170 بيها ودة أدام عيبنى - وكمان فى الأفطار الجماعى نادر وباسم الريس كانوا معايا وجبنا بيها 140 بمنتهى السهولة والطريق كان زحمة وعلى العموم أنا مش محتاج أكتر من كدة بس الصراحة كلامك وجع بطنى قوى بس هيا مخاطرة ولا أكتر أنا جايبها مستعملة يعنى لما أبيعها من المحتمل أنى مش حخسر كتير بس أنا كسبت عربية عائلية ومميزات كتيرة لو موجودة فى أى عربية يابانى أكيد هتعدى 140 إلف جنية ولو كوى بالميت 100 إلف.
أحب أوضح نقطة العربية معايا أنا والحمد للة ملبية كل رغباتى إلى الأن ومش أنا لوحدى صحابى بردة مبسوطين بيها وللعلم لو محدش منهم كان مجربها ولمدة طويلة أنا عمرى ما كنت أقدر أخد المخاطرة دية أبدا.
على العموم يا أخ بايو هيا مش أول ولا أخر عربية الواحد ممكن يشتريها هيا خطوة لاأكثر ولاأقل.
بس أنا حبيت أوضح نقطة ليك ولكل الأعضاء بعد قراءة التالى
http://www.nilemotors.net/Forum/viewtopic.php?t=4606
http://www.nilemotors.net/Forum/view...?p=84667#84667
أو على السريع
اقتباس:
المشاركة الأصلية كتبت بواسطة PAYOO
http://www2.0zz0.com/2007/09/30/05/40304937.jpg http://www2.0zz0.com/2007/06/20/04/21550827.gif
طبعا الـ13 بند دول إللي عرفت أصورهم لانهم جزء من الأعطال التي بيشتكي منها عمي من سيارته البريليانس جالينا إللي أشتراها من سنة واحده بس ودفع في عربية صيني مصري 156 ألف جنيه !!!!!!!!!!!!!! وخلال السنه مابطلش شكوى من الاعطال ولحد انهارده هي هي الأعطال وبتزيد كمان
هاحكي لكم الحكاية من الأول
لقيت أخويا الصغير معاه عربية عمي عشان يوديها التوكيل يصلح الاعطال إللي كل شويه تتصلح وترجع تاني زي ما كانت وإللي عمي غـُلب يشتكي منها أهماها رجرجة العربيه بالكامل عند أستخدام الدريكسيون أثناء الوقوف والتكييف الضعيف إللي يخنق وغيرها وغيرها من الاعطال إللي غلب فيها
المهم أخويا رايح أنهارده عشان يحاول يشوف حل للعيوب دي إللي دايما بترجع تاني بعد أول أستخدام من الأصلاح
وبقيت الحكايه بعد الأفطار أبقى أكمل هالكم[/b][/color][/size]
طب عايز أعرف لية بعد ما عمك جابها بسنة ومبطلش شكوى مع أنها أغلى عربية صينى تروح أنت وتشترى أرخص عربية صينى !!!!!!!؟؟؟؟؟؟؟؟؟؟ على ما أعتقد سؤال منطقى ممكن يكشف لينا حاجات تانية كتيرة فى موضوع هجومك الغير منطقى على العربيات الصينى
على ما أعتقد يا أخ بايو زى ما فى جهاز حماية المستهلك فى جهاز حماية القراء - مش كدة ولا أية