الموضوع: نداء إلى الأستاذ بايو دينامو المنتدى بخصوص QQ

يا باشمهندس لو حضرتك قريت موضوع أخونا بايو بتأنى هتلاقى انه شارح أسباب عدم رضائه عن العربية بالتفصيل و كمان أسباب و ظروف شرائه لها و زى ما حضرتك حر فى أنك توصف مزايا سيارتك و مدى رضائك عنها علشان نستفيد من تجربتك هو كمان حر يحكى لنا تجربته علشان نستفيد و الحكاية مش محتاجة جهاز حماية القراء لاننا ناس كبار و عندنا القدرة أننا نفرق بين الحقيقة و الخيال و بين الأراء و التجارب الموضوعية و بين الأراء و التجارب المتأثرة بأى تعصب مع أو ضد أى سيارة و على فكرة أخونا بايو كان من أول الناس اللى باركوا لملاك الأسبيرانزا على الموقع اللى عملوه و بيتهيألى ان ده بينفى عنه أى تعصب ضد العربيات الصينى.

كلمة أخيرة ارجوا من حضرتك تقبلها بصدر رحب، ياريت نفترض حسن النوايا فى بعض لأننا و الحمد لله بعيدين كل البعد عن الصراعات التى تأتى من خلال تعارض المصالح لأن مصلحتنا مشتركة وهى تبادل الخبرات و التجارب و التعامل كأخوة بما يرضى الله.

أنا معاك وحط ميت خط تحت تبادل الخبرات أنا لما بكلم على الصينى بكلم عن A11 بس مش أى عربية تانية لأن كل شركة وليها مميزاتها وعيوبها - ما فى أيطاليا فيات عملت عربيات إلى حد ما سيئة بس دة مش معناة أن فيرارى عربية وحشة
أنا نفسى إللى يكلم يكون على دراية تامة مش عن تجربة فردية فى صامولة وقعت أو حتة جلدة أتخلعت أنتم يا جماعة نسيتم 128 ولا أية - بحث ساعات أنكم مركبتوش 128 قبل كدة وكلنا أتولادنا فى لمبورجينى

و هو صامولة وقعت أو حتة جلدة تتخلع فى عربية زيرو دى هينة يا باشمهندس؟ و أكيد كتير مننا ركب 128 و أكيد برضوا محدش فينا عنده لامبورجينى، بس المسافة بينهم كبيرة جدا و فى المسافة دى فى منتجين كتير كسبوا ثقة اللى يقدر يركب اللامبورجينى و اللى ممكن يحب يركب ال 128 و الأكيد ان المنتج الصينى اللى متوفر فى بلادنا مش من النوع اللى يكسب ثقة كل الناس أو حتى أغلب الناس لأننا معندناش معايير صحيحة لقبول او رفض استيراد المنتجات و علشان كده المستورد بيسترخص و هديك مثال على كده، سنة 1999 لعبة عبارة عن عروسة سندريلا، جبتها من محلات ديزنى فى نيويورك ب 35 دولار يعنى حوالى 120 جنيه، صناعة صينى بس جودة عالية جدا و موجودة لغاية دلوقت، المهم، نفس شكل العروسة فى كارفور ب 28 جنيه، صناعة صينى، قلبت فيها لقيت فرق السما من العمى فى كل حاجة حتى نوعية قماش فستان العروسة و ألوانها ممكن تطلع فى ايدك و برضوا عليها علامة ديزنى.

تخيل لو واحد استورد العروسة الأولى و باعها ب 120 جنية، حد هيشترى؟ و أنا شايف ان نفس المقياس ينطبق على كل منتج صينى رخيص.

احب أن أنوة بأن هذا الموضوع ليس شخصى مع أحترامى الشديد للأخ بايو - دينامو المنتدى - أول واحد فى المنتدى شوفتة ولن هذا الموضوع عام وأكرر عام بس أنا أخذت مواضيع الأخ العزيز بايو كمثال وليس كهجوم أكرر الموضوع ليس شخصى

المشاركة الأصلية كتبت بواسطة Hossam Hassan

و هو صامولة وقعت أو حتة جلدة تتخلع فى عربية زيرو دى هينة يا باشمهندس؟ و أكيد كتير مننا ركب 128 و أكيد برضوا محدش فينا عنده لامبورجينى، بس المسافة بينهم كبيرة جدا و فى المسافة دى فى منتجين كتير كسبوا ثقة اللى يقدر يركب اللامبورجينى و اللى ممكن يحب يركب ال 128 و الأكيد ان المنتج الصينى اللى متوفر فى بلادنا مش من النوع اللى يكسب ثقة كل الناس أو حتى أغلب الناس لأننا معندناش معايير صحيحة لقبول او رفض استيراد المنتجات و علشان كده المستورد بيسترخص و هديك مثال على كده، سنة 1999 لعبة عبارة عن عروسة سندريلا، جبتها من محلات ديزنى فى نيويورك ب 35 دولار يعنى حوالى 120 جنيه، صناعة صينى بس جودة عالية جدا و موجودة لغاية دلوقت، المهم، نفس شكل العروسة فى كارفور ب 28 جنيه، صناعة صينى، قلبت فيها لقيت فرق السما من العمى فى كل حاجة حتى نوعية قماش فستان العروسة و ألوانها ممكن تطلع فى ايدك و برضوا عليها علامة ديزنى.

تخيل لو واحد استورد العروسة الأولى و باعها ب 120 جنية، حد هيشترى؟ و أنا شايف ان نفس المقياس ينطبق على كل منتج صينى رخيص.

وهى عربية صينى ب 70 إلف تبقى رخيصة طبعا لا مع مراعاة فرق الأيدى العاملة وهو ليس بالبسيط فى صناعة زى السيارات

أكيد رخيصة مادام مكوناتها مش بنفس كفائة العربيات اللى فى الفئة بتاعتها، فى مثل انجليزى بيقول (لا احد غنى كفاية لشراء أشياء رخيصة) و كمان الأيدى العاملة الأغلى بيقابلها التزام و كفائة و تدريب و مهارات و وعى و كمان حاجة أهم و هى ثقافة الأتقان اللى موجودة عند شعوب أكتر من غيرها زى الألمان و اليابانين و مش هقولك أكتر من انى كنت باتفرج على فيلم تسجيلى عن المصاعد و جابوا شركة ألمانى من ضمن تجارب الجودة اللى بتعملها باب اسانسير بيقفل و يفتح بصفة مستمرة من 30 سنة!!!!! و محتاجوش يغيروا اى اجزاء رئيسية فيه، ايه رأيك بقى؟ لو اسانسير صينى بنصف تمن الألمانى، هتأمن على حياتك و حياة عيلتك مع مين فيهم؟

أنت بتكلم على العربية كأنى خاليها معايا 30 سنة أحسن عربية كبيرها 5 سنيين ودة هو الأتجاة العالمى فطب لية |أدفع كتير طالما ممكن أدفع أقل وعندل فى الكورى أكسيل 92 وبتجرى لغاية دلوقتى وعلى الرغم أن ساعتها الناس كانت خايفة طحن منها ولغاية دلوقتى لما حد يجى يبعها بيقول أكسيل كورى يا باشا مش مصرى وهو حاطط راجل على رجل

انا بقول قصة الأسانسير كمثال على ثقافة الأتقان اللى موجودة عند شعوب أكتر من غيرها و الدلائل و التجارب و الخبرات بتقول ان الكورى احسن من الصينى و اليابانى أحسن من الكورى.... الخ الخ و أكيد أغلبنا بيشترى عربيته على قد امكانياته بس لو امكانياتى تخلينى اجيب عربية أضمن و أكفاء يبقى ما ينفعش امشى بمبدأ ليه تدفع أكتر لما ممكن أدفع أقل، لأنى مش باشترى تكييف لو باظ يتغير، أنا باشترى العربية اللى هتشيلنى انا و عائلتى.