ارجو المساعده:الكونترول يونت باظت

**waelsaleh** · 16-06-2009 03:57 PM

يا جماعه انا عندى اونو 2000 وكان ليا موضوع قديم بخصوص ان كان فيه عندى عطل فى الانجكشن بتاع العربيه
فالميكانيكى(حسبى الله ونعم الوكيل فيه)حوللى العربيه كاربيراتير عادى بدل الانجكشن
وابتدت المشاكل العربيه مش مضبوطه خالص
المهم م/سمير وباقى الاعضاء هنا نصحونى ارجعها لاصلها فأنا عملت بالنصيحه
وجبت هاف وركبته وكانت المفاجاه ان المشكله ما كانتش فى الانجكشن اصلا دى كانت فى الكونترول يونت وأنا عمال ألف حول نفسى بقالى شهرين
المهم دلوقتى الكونترول يونت بايظه وهى السبب
انا سالت عليها فى التوكيل لقيتها عامله الفين ونصف غير التركيب وده طبعا مبلغ كبير جداااااا
تنصحونى اعمل ايه
لو اى عضو يعرف مكان اصلح فيه أو اغير الكونترول يونت يقولى عليه
معلش يا جماعه الموضوع المره دى كبير
ارجوااا المساعده.
وشكرااااااا.

**samirayad** · 16-06-2009 04:09 PM

طيب ماتحل القديمه يا أستاذ : وائل .............وتعمل جوله عند بتوع الأستيراد فى الحرفين وخلافه ..............وأشترى واحده من تاجر عن تجربه ...........وسيبك من التوكيل وألاعيبه

**ابو حسين** · 16-06-2009 06:14 PM

المشاركة الأصلية كتبت بواسطة samirayad

طيب ماتحل القديمه يا أستاذ : وائل .............وتعمل جوله عند بتوع الأستيراد فى الحرفين وخلافه ..............وأشترى واحده من تاجر عن تجربه ...........وسيبك من التوكيل وألاعيبه

**waelsaleh** · 17-06-2009 01:34 AM

انا سالت فى الوكاله لقيته عامل من 1500 الى 1800 جنيه
بس انا خايف اجيبه يطلع مش شغال وهيبقى صعب رجوعه واخد الفلوس تانى
مش عارف اعمل ايه

**midoelattar** · 17-06-2009 02:12 AM

انا اعرف واحد بس في القليوبيه هو مهندس و عنده ورشه كهربائي و بيشتغل في الكنترول يونيت و صلح لواحد صاحبي كنترول يونيت بتاعت صني و العربيه دلوقتي زي الفل لو عيز رقمه راسلني عالخاص عشان متبقاش دعايه و ادارة المنتدي تعترض

**waelsaleh** · 19-06-2009 11:04 AM

شكرااا للعضو ميدو والمهندس سمير وكل الاعضاء اللى شاركوا
الحمد لله تم حل المشكله والعصور على مهندس لتصليح الكونترول يونت فى شارع العشرين في فيصل
وتم اصلاح الكونترول يونت بتكلفه 450 جنيه بدلا من ثلاثه الاف جنيه فى التوكيل
والعربيه دلوقتى تمام
الحمد لله

**aYaBooY** · 20-06-2009 01:26 PM

طيب ممكن تكتبلنا عنوان و تليفون الراجل ده علشان لو حد وقع في المشكلة ديه بعد كدة و ربنا يسترها على الجميع

**waelsaleh** · 22-06-2009 02:56 PM

طبعا يا باشا انت تامر
هو اسمه مهندس احمد
هو فى شارع اخر العشرين فيصل شمال
هو الشارع اللى يودى على كفر طهرمس
انت بس روح هناك وقول عايز مهندس احمد لاعطال الكمبيوتر هو مشهور اوى هناك

**M_Nabil** · 24-06-2009 03:58 AM

عندى برضه مشكلة في الكنترول بس في الغالب هاشتريه استيراد عشان مش هيكون فى فرق جامد في السعر لو تم تصليحه المهم الراجل بيدى ضمان على شغله ولا ايه ؟

**waelsaleh** · 24-06-2009 03:28 PM

الراجل ده بصراحه ايده تتلف فى حرير
صنايعى بمعنى الكلمه
انت لو رحت هتشوف بنفسك كميه العربيات اللى عنده
انما للضمان هو ما بيديش ضمان بس بيقولك لو في حاجه تعالى
انا العربيه من ساعه ما اخدتها منه وهى زى الفل بعد ما كانت جثه هامده لمده اسبوع

الموضوع: ارجو المساعده:الكونترول يونت باظت

LinkBack

أدوات الموضوع

عرض

-

-

-

-

المواضيع المتشابهه

الشيري a11 اين اجد الكونترول بضفيرته

أرجو المساعده في الكنترول يونت

ممكن تعديل الكونترول؟

الحمد لله ..... العربية اللى حيلتى باظت ... باظت ... باظت

كرولتى الجديدة بايظة يا جدعان باظت باظت واتصلو بيه من الشركة الام في اليابان

الكلمات الدلالية لهذا الموضوع

المفضلات

المفضلات

ضوابط المشاركة