تجربة قيادة الرائعة Passat TSI/DSG 1800CC - 160 hp

**M.Gamaledeen** · 16-06-2009 04:18 PM

كان لي شرف قيادة تلك السيارة الرائعة في رحلة عمل (لأنها عربية الشركة ) بداية من ميناء السويس (حيث استلمت السيارة زيرو ) وحتى مقر الشركة بالمعادي وإلى السويس مرة آخرى والعودة (بعدها بأسبوع واحد )

الحق يقال كنت خايف جدا من ركوب العربية دي
شكلها من بره ضخم جدا (وفخم طبعا) وكنت حاسس انها كبيييييرة جدا
ده غير الخوف اللى جالي من القدرة العالية للموتور . لكن
بمجرد ما دخلت العربية وظبطت المرايات ودورت ومشيت بيها حسيت اني ماسك العربية بإيدي
التحكم في العربية سهل جدا جدا
الباور ستيرينج ب يديك احساس انها عربية صغيرة جدا وسهل السيطرة عليها
ده غير ان قوة الموتور كلها "تحت رجليك"
نرجع للتجربة
المواصفات على حسب ما قريت أو سمعت أوشفت :
موتور TSI 1800 CC 160 hp
ناقل حركة تيبترونك 6 سرعات (مانيوال وأوتوماتيك)
الكماليات (حدث ولا حرج)
فتح السيارة وتشغيلها عن طريق الـ Smart Key
زجاج كهربائي أوتوماتيك للأبواب الأربعة
مرايات كهربائية ذاتية التسخين (وأعتقد انها بتنزل لتحت لما ترجع للخلف)
تكييف هواء مزدوج اوتوماتيك
مشغل اسطوانات وMP3
فتحة سقف بدرجات كتييييرة
فرش من الجلد الطبيعي الفاخر ( فيينا ) جيد التهوية ( به بعض أعمال التطريز اليدوي )
كرسي السائق بتحكم وتعديل كهربائي
جهاز المساعدة في الركن (سينسور أمامي وخلفي)
جنوط اسبور (ماشفتش زيها لغاية دلوقت) 17 بوصة مقاس الإطارات 235/45R/17
إضاءة زينون قابلة للتعديل (الكشافات الأمامية تضيء إذا تخطت السيارة سرعة 140 كم/س لمدة أكثر من 6 ثواني
الزجاج الخلفي والجانبي معتم بنسبة 65%
مثبت سرعة
عجلة قيادة متعددة الإستخدامات (التحكم في الصوت والسرعة وحاجات تانية )
ولو في حاجة نسيتها يبقى معلش ... سامحوني
الأمان :
ESP,ABS,EBD ...
الثبات :
حتى سرعة 180 كم/س ولا تشعر غير بإنك عايز تزود السرعة كمان (بس طريق السويس مايشجعش)
التسارع:
مش هاقول اكتر من "160 حصان .تتوقع يعملوا ايه"
ايه تاني؟؟؟ مش عارف بس العربية جبااااااااااااااااااااارة
ودي صور صورتها من انبهاري بالعربية وماكنتش عامل حسابي إني ارفعهم ع المنتدى