اولا السلام على احلى اعضاء واحلى منتدى
ثانيا فى خدمة جديدة بيقدمها منتدانا العزيز وهى انشاء جروبات والاشتراك فيها
وممكن من خلالها انشاء جروب بماركة معينة او انشاء جروب لابناء محافظة معينة مثلا
1-لو الجروب مثلا لماركة معينة هنجمع فيها مواضيع لاسعار قطع الغيار مشاكل مشهورة مميزات
وعيوب لسيارة ما وطبعا كل المواضيع دى موجودة بس المشكلة لما بتروح الارشيف بيبقى البحث
عليها مرهق ( عن تجربة)
2-ولو لابناء محافظة معينة( وخصوصا لو فى الاقليم) يجمعوا فيها اسماء وعناوين وتلفيونات امهر
الصنايعية وبكده منه افادة ومنه محدش يقع فى صنايعى غشيم سواء من ابناء المحافظة او حد من
محافظة تانية و سافر وعربيته باظت فى المحافظة الاولى مثلا- وانا شايف ان النقطة دى اكتر افادة من النقطة الاولى-
نيجى بقى لكيفية الانشاء والاشتراك:
1- الدخول على الصفحة دى
http://www.nilemotors.net/Nile/group.php
او من صفحتك الشخصية من ( مجموعات الاعضاء) هتلاقى مكتوب تحتها بشوية (join social groups)
2-ثم انشاء او اشتراك
وياريت لو فيه حاجة غلط فى كلامى او حاجة عاوز يضيفها عضو كريم ياريت يضيف للافادة
واخيرا انا مكنتش عارف احط الموضوع ده فين ولو مكانه غلط ارجو من مشرف القسم نقله للقسم الصحيح