الموضوع: حصلى شىء غريب النهاردة اول لما دورت العربية

السلام عليكم
ازيكم يا غاليين
انا النهاردة الصبح وانا بدور العربية حصل شىء غريب
الاول قبل ما اشرح الموضوع كانت العربية بقالها حوالى 4 ايام مش بستخدمها ومغتيها عشان والدى كان مسافر واخد عربيتة الاوكتافيا عقبال مايرجع طبعا بعد محايلات ومفاوضات كبيرة
المهم دخلت العربية وسميت الله وحطيت المفتاح فى الكونتاك ودورت العربية وانا بدور سمعت زى صوت حاجة عملت فسسسسس محتتش فى بالى الصراحة لاكن مفيش دقيقة لقيت العربية عليت اوى وبقى الار بى ام معلق على 2 ولمبة التشيك نورت
طبعا دماغى مشيت منى وقولت هو انا لحقت دة انا لسة مغير الكارتة بتاعت العربية ومكملتش شهر مش معقول بقى فضلت ادور وافصل يدوب العربية تدور ومفيش كام ثانية العربية تعلى والمبة التشيك تنور بردو

انا كنت نازل اغير زيت قولت اغير زيت الاول يمكن الموضوع لية علاقة بالزيت روحت غيرت زيت والعربية زى ما هيا مفيش فرق روحت طالع على الميكانيكى بتاعى وصفتلة الى حصل قالى افتح الكابوت كدة
فتحتلة الكابوت وروحت ابص اية الى حصل لقيتة ماسك خرطومين رفيعين اوى لونهم ازرق كدة راح مركبهم مكانهم لقيت العربية هديت زى الاول قالى بص على التشيك تفيت ولا لسة منورة قولتلة طفيت
بطل ودور تانى دورت العربية وكلة تمام الحمد لله

طبعا كل دة وانا دماغى عمالة دودى وتجيب انا لسة مغير كارتة مش معقول الى بيحصل دة
المهم قدر الله وماشاء فعل

ومجرد ما مشيت من عند الميكانيكى دخلت شارع كدة كان مية وعربية عطلانة المهم رحت اخد بوليعة جنب الرصيف والعجلة الى قدام شمال فرقعت قولت كملت روحت مطول ومغير الاستبن وببص على الكاوتش لقيت قطع فى الجنب كدة
روحت طالع على بتاع كاوتش طلعلى فردة هانكوك استعمال خفيف اوى اخدها منة ب80 جنية


شوفتوا الى حصلى النهاردة
يالا الحمد لله على كل شىء

يرجى من العضو تحرى الدقة فى كتابة لفظ الجلالة

مشرف القسم

الحمد لله انها جت علي كده شكلك خدت عين علشان الاوكتفيا