مساعدة يا شباب - عايز اركب ازاز كهربا و وحدة رفع و سنتر

**mikology** · 16-06-2009 05:48 PM

لو سمحتو يا شباب ....
انا عندي عربية ريجاتا عايز اركبلها ازاز كهربا و سنتر و وحدة رفع تكون وحدة واحدة لاربع ابواب
و مش عارف اذا كان الوحدة تشغل الاربع ابواب ولا لازم وحدتين رفع ؟؟
و ايه الانواع الكويسة اللي تركب و متعملش مشاكل و اشتريها منين؟؟
و مين كويس يظبط الشغلانة دي و يكون شغله نضيف و الناس مجرباه قبل كدة؟؟
معلش يا شباب طولت عليكو بس انا لسة جديد ف المواضيع دي وعايز اعمل شغل نضيف..... الف شكر

**mikology** · 16-06-2009 05:57 PM

معلش جيت ازود جملة ف العنوان فالموضوع اتكرر من غير قصدي

**aymoz** · 17-06-2009 01:42 PM

أنا ركبت ٢ ماكنية + وحدة رفع أمامي بس ب ٤٥٠ جنيه عند واحد اسمه مختار و الزجاج سريع أوي و بنسبة للمفتاح أعتقد مش هيغلب يعني أنا عندي فتحلو مكان في التابلو و شكلو نضيف و مش باين إنو متركب و أنا كمان كنت خايف الزجاج يعلق أو يهتز و أنا ماشي في أرض مكسرة بس مشاء الله مفيش أي مشاكل
و دة رقمو ٠١٢٤٨١٢٤٠٦ و هو في ميدان الجيش و انا معايا ريجاتا برضو

**mikology** · 17-06-2009 04:38 PM

شكرا ليك يا aymoz بس كنت عايز اعرف هو لازم اركب وحدتين ولا فيه وحدة واحدة تشغل الاربع ابواب ؟ و الف شكر

**hidebird** · 17-06-2009 11:05 PM

هتركب وحدتين يا مان لكل بابين

**Jato.33** · 17-06-2009 11:38 PM

بص يا باشا

أخوك ركب مكنتين كهرباء قريب ووحدة رفع مع السنتر والإنذار وغلطت كذا غلطة فضروري تستفيد مني

أنا جبت مكنتين وخلاص بيقولوا عليهم ياباني هما جامدين وماتورهم حلو
لكن المكنة ممكن تكون مبتمشيش على عربيتك يعني محتاجة تتعدل أو يتخرملها في الباب أو أي شئ زيادة يعني مش هتركب بسهولة عشان كده نصيحة حاول تجيب الأصلي إستيراد ومتسترخسش حتى لو قالولك المكنة هتبقى تقيله طالما شغالة يبقى ماتورها سليم وتنفع يبقى تركب الأصلي أولى
أنا جبت المكنتين الياباني دول بـ 160 جنية

التركيب

إياك تروح لأي حد

عندك ناس تقيلة في التوفيقية روحلهم أحسن
هات المكنتين من بره عشان محدش يشتغلك وروح للهيطة أو حسني الحكيم وخليهم يعملولك كل حاجة السنتر والإنذار والإزاز وإختار السنتر والإنذار زي ما إنتا عايز
أنصحك بالوولف وكمان هتلاقي وحدتين الرفع وولف برده بالضمان بتاعهم أو أي نوع تاني مش هتفرق كتير أوي

برده دقق معاهم وإسأل بره عند كذا واحد عشان تقارن الأسعار

الزراير في منها كبير وصغير بينوروا وبيقولوا عليهم بتوع البي إم وبصرحة هما تحفة هتلاقيهم تايواني والزرار بحوالي 25 جنية ومتوفرش في الزاراير

كمان يكون أفضل لو دورت وإنتا بتسأل على المكن الأصلي على الفرش الأصلي بتاع الأبواب إلي بيكون فيه زراير الإزاز جاهزة تبقى برنس

وخلي إلي بيركب يعملك المكنة بفيشة من جوة عشان لاقدر الله لو حصل حاجة في الإزاز تقدر تفصله بدل ما تقطع في السلك وتبوظ الدنيا

على فكرة أنا سألت مؤخراً على حد كويس في الإزاز وصفولي ناس في حتة إسمها معروف في وسط البلد مش عارف فين بالظبط ممكن بالظبط أعرفلك فين وأقولك

طبعاً تركب الإزاز الأول وبعدين السنتر والإنذار عشان يظبط الإزاز مرة واحدة

وبالتوفيق