ماهو معدل استهلاك البنزين للسيارة ؟
وما هو مدى كفاءة الفرامل ؟ وكذلك في عدم وجود abs \ ebd هل يؤدي ذلك لاي انحراف اثناء الفرامل ؟
وما هي كفاءة المكيف ؟ ومدى مناسبته للحجم ؟ خصوصا بعد نزع كونسول الوسط الذي كان يحوي فتحات تبريد للكنبة الخلفية .. ؟
عرض للطباعة
ماهو معدل استهلاك البنزين للسيارة ؟
وما هو مدى كفاءة الفرامل ؟ وكذلك في عدم وجود abs \ ebd هل يؤدي ذلك لاي انحراف اثناء الفرامل ؟
وما هي كفاءة المكيف ؟ ومدى مناسبته للحجم ؟ خصوصا بعد نزع كونسول الوسط الذي كان يحوي فتحات تبريد للكنبة الخلفية .. ؟
بص يااستاد هاني انت صعبت عليا بجد لان كل ما اخش موضوع الاقيك حاطط نفس السوال
على العموم انا حارد عليك في اسئلتك بس الكلام ده بعد 760 كيلو
1- معدل الاستهلاك من 230- 280 حسب القيادة لو جوه البلد او بتقرص على الدواسة او على السريع وهادي سرعة 90
2-الفرامل قوية جدا ومافيش اي انحراف بس انا ما جربتش الفرملة الفحائية ويارب ما اجربها ابدا
3- التكييف هو اجمل حاجة في العربية انا معايا لانسر 1500 الشكل اجديد 2008 اعلى فئة تكيفها اقوى من الانسر بس انا اعتقد انه قوة الكباس اعلى من السيارات العادية بس لاحظت انه بيحمل على السيارة اكتر من الانسر وده الي بياكد نظريتي انه الكباس اكبر من بتاع الانسر لغاية ما اتاكد هو كام حصان 1/8 او 1/4 ...
اي اسالة اخرى انا تحت امرك
بس للامانة لو ناوي تشتريها اتوكل على الله وما تترددش لان فعلا مافيش وجه مقارنه مع اي عربيه لغاية فئة 150000 ولو بتقارن الوسع ما فيش سيارة بوسعها لغاية فئة 500000 (العربيات الجيب الكبيرة قوي )العربية واسعة جدااااااااااااا جدااااااااااااااا
الاخ الاستاذ عمر على الف شكر وجزاك الله كل خير على الرد
انا فعلا عجباني الكارينز جدا لما شفتها في المعرض السنوي لاتوماك 2009
وكنت مستني النسخة الاتوماتيك في موديل 2010 ايه اللي هينزل فيها
بس قلقت لما عرفت ان المانيوال نازله من غير عوامل الامان الاساسية اللي قلتها في الرسالة السابقة
لدرجة اني فكرت في التغيير للنيسان ليفينا ب 115 اوالتيريوس 125 او الكيا سول ب 120 لكن برضة برجع للكارينز لان شكل الكاينز عندي.. وكمان قعدتها من جوه.. احسن منهم كلهم رغم انهم بمواصفات امان عاليه ازيد منها فمش عارف انت معايا ولا ايه الرأي في هذه السيارات اللي ذكرتها ..
وايه حكاية العزل الصوتي للماتور ؟ وكمان دواسة البنزين ؟
وهل وجود المكابح الامامية والخلفية بنظام الاقراص جيد وكافي وكفاءة فعلا ..؟
ألسلام علبكم
حجزت كارينز اتوماتيك في اسكندرية اول شهر 6.
انا كنت حاجز الاوتوماتيك علي اساس ان ممكن ينزل فيها ايرباج او فوانيس شبور.
المهم قاولي انها هاتنزل فاضية.
وبعدين سمعت انهم هاينزلوا منها هاي لاين 2010 علي شهر تسعة.
تفتكروا هاتنزل بكام والحاجة دي تستاهل الفرق اللي هايبقي علي الاقل 15 الف.