وضاع الحلم يا ولادي

**jisso82** · 17-06-2009 08:20 PM

المشاركة الأصلية كتبت بواسطة terrible_darsh

و محمد من محمدين مش هتفرق كتير و لا عزاء للمستبشرين بالخير للبلد .

أنا ليا رأى مختلف هنا و يمكن كتير أو كل الأعضاء يختلفوا معايا بس أنا شايف إن احنا وصلنا خلاص لأسوأ وضع ممكن و مش هيبقى فيه أسوأ من كده إن شاء الله عشان ما أبقاش بأور و ربنا يخلف ظنى و تبقى أسوأ.
فمتهيألى إن محمد هيختلف كتير عن محمدين و إن ما كانش الوضع معاه أحسن فمش هيبقى أوحش

**Terrible_DaRsH** · 17-06-2009 08:34 PM

المشاركة الأصلية كتبت بواسطة jisso82

أنا ليا رأى مختلف هنا و يمكن كتير أو كل الأعضاء يختلفوا معايا بس أنا شايف إن احنا وصلنا خلاص لأسوأ وضع ممكن و مش هيبقى فيه أسوأ من كده إن شاء الله عشان ما أبقاش بأور و ربنا يخلف ظنى و تبقى أسوأ.
فمتهيألى إن محمد هيختلف كتير عن محمدين و إن ما كانش الوضع معاه أحسن فمش هيبقى أوحش

شعارهم هيكون .. معا لاستكمال المسيرة .

لا جديد و لا قديم , عارف المقولة الشهيرة بتاعت الحكومة !!

( يبقي الحال كما هو عليه ) . هتبقي كده بالظبط .

**elmadawy** · 17-06-2009 08:43 PM

لابد من محاسبة جميع مسئولي الشركة السابقين

**elmadawy** · 17-06-2009 08:45 PM

واين دور الجهاز المركزي للمحاسبات من هذة المخالفات ولا هو كان نايم في العسل وكل هذة المخالفات بتحصل

**ainshouka** · 17-06-2009 11:59 PM

المشاركة الأصلية كتبت بواسطة elmadawy

واين دور الجهاز المركزي للمحاسبات من هذة المخالفات ولا هو كان نايم في العسل وكل هذة المخالفات بتحصل

ياعم الجهاز المركزى ياما بهدل الحكومة بتقاريره السنوية اللى كان بيناقشها فى مجلس الشعب كل موازنة وكان بيفضح الحكومة بس للاسف مفيش حاجة يقدر يعملها لان حسب مانا شايف انه مش فى ايده سلطة تنفيذية عشان ياخد عليهم اى اجراءات وكان الراجل بتاع مجلس الشعب بتاع موافقة كان بيكلفت التقارير بتاعة الجهاز

هى بلدنا دى ممكن ينصلح حالها فى حالة واحدة بس

**mmedali1978** · 18-06-2009 12:17 AM

الله يرحمك يا عزيز يا صدقى ويا جمال عبد الناصر يا جماعه دى اكبر شركه سيارات فى الشرق الاوسط وشركه النصر للتليفزيون اللى فى دار السلام اللى دمروها والنسر للبطاريات وقها ومصر للالبان والغزل والنسيج ومصنع الالومنيوم بنجع حمادى والله والله اكتر من الف شركه قطاع عام ادمرت فى مصر دمرتها الحكومه المعظمه بقياده الحزب الوطنى ومن قبلها الانفتاح الاستهلاكى الذى ادعوه ايام الرئيس المؤمن والواحد جواه حقد لو قعد يكتب فيه سنين مش هيكفى ومفيش حد هيعرف قيمه الشركات دى الا المثقفين فقط اللى عرفو وقرأو التاريخ والسلام عليكم

**M.Osman** · 18-06-2009 03:42 AM

حسبنا الله و نعم الوكيل

بجد حاجة تزعل جداً ..
بس الطريف ان الشركة من ساعة ما بدأت و هي لم تصنع عربية مصرية كاملة ..بل كانت معتمدة على الفيات ..!!
هيونداي و بروتون اعتمدوا علي ميتسوبيشي في الأول ... لكن شوفوا الفرق.....