اية رأيكم فى النيو سيراتوا المانيوال

السلام عليكم ورحمة الله وبركاتة

فى البداية احب اشكر كل اعضاء المنتدى الجميل وبالأخص اعضاء روم كيا المميزين واللى فعلا حببونى فى الإسم والماركة من صدق الكلام وجمال التقارير وطبعا دى اول مشاركة لية معاكم ويارب احاول افيد الكل زى ما بستفيد ... أنا قررت بإذن الله اشترى النيو سيراتوا ومحتاج رأيوكم جدا لأن الحكاية المرة دى مختلفة شوية يعنى بصراحة عايز اجيب المانيول لظروف مادية وكمان بصراحة مش هقدر اجيبها كاش هدفع من تمنها 40% أو 50 % على حسب السيولة المتوفرة بس كنت محتاج رأيوكم فى العربية المانيول ولا اضطر ازود الفلوس وادخل فى الفئة اللى ب109 بس بصراحة الفرق فى الفلوس هيأثر معايا كتير وكمان كان نفسى فى الجنوط والفوج لايت والكاسيت بس العربية تكون مانيول ولو حاولت اقترح على الوكيل الكلام ده هيعملى حاجة مخصوص ولا طبعا مش هيعمل حاجة مع الضغط الهايل عليهم فى الفترة دى :dzey:
يارب اكون حد خفيف عليكم وان شاء الله بعد الشراء والإستلام همعل شوية تقارير محصلتش بإذن الله وعندى اقتراح فى الجون ... نعمل رابطة النيو سيراتوا ... كل اللى معاه العربية يحاول يكتب كل حاجة من مميزات وعيوب العربية وكمان لو فى اى مشكلة ولا حاجة طبعا لا قدر الله... عشان كل الناس تستفيد كويس.
يارب تعتبرونى اخ ليكم جديد

اتوكل على الله واشترى انا حجزها ولسة ما استلمتش

I was like u keda...bas el moshkela en el Manual looks so poor compared to the 109 one, although I am sure they can bring the manual along with the fantastic options tht are found in the higher categories...anyway, I bought the one that is for 109k and elhamdolellah I believe it was the right decision

اقتباس:

---

المشاركة الأصلية كتبت بواسطة mostafa_fesho

اتوكل على الله واشترى انا حجزها ولسة ما استلمتش

---

بصراحة لسة محتار مش عارف

اقتباس:

---

المشاركة الأصلية كتبت بواسطة viperio

i was like u keda...bas el moshkela en el manual looks so poor compared to the 109 one, although i am sure they can bring the manual along with the fantastic options tht are found in the higher categories...anyway, i bought the one that is for 109k and elhamdolellah i believe it was the right decision

---

ربنا بعطيك خيرها ويكفيك شرها... هو فعلا لو المانيول بنفس كماليات الأتوماتيك ساعتها مش هيكون فى اى تردد

يعبها حجتين بس
١)عدم وجود عزل لصوت الموتور فيه ناس بتحب الهدوء (أنا مش منهم بعشق صوت ال١٢٨ وهيا بتجعر مش عارف لية :shyy: وبوصل البيت مصدع من الصوت بس مبسوط:L_bhuhhh[1]:)
٢) إن التابلوه إسود كلة مفيهوش كروم خالص

رايى الشخصى ان السيراتو ماتتركبش غير لأعلى فئتين (بس اللى يدفع بقى......(: )
عموما فكر كويس و توكل على الله...

اقتباس:

---

المشاركة الأصلية كتبت بواسطة yoko

يعبها حجتين بس
١)عدم وجود عزل لصوت الموتور فيه ناس بتحب الهدوء (أنا مش منهم بعشق صوت ال١٢٨ وهيا بتجعر مش عارف لية :shyy: وبوصل البيت مصدع من الصوت بس مبسوط:l_bhuhhh[1]:)
٢) إن التابلوه إسود كلة مفيهوش كروم خالص

---

بصراحه ما عجبنيش التابلوه غير الاسود بس لكن اللي فيه كروم شكله ماعجبنيش خالص

طبعا لو تعرف تجيب اول فئه فى الاتوماتيك يبقى احسن كتير

اقتباس:

---

المشاركة الأصلية كتبت بواسطة dr.amr

بصراحه ما عجبنيش التابلوه غير الاسود بس لكن اللي فيه كروم شكله ماعجبنيش خالص

---

دي مسألة أذواق طب وحكاية صوت الموتور

اقتباس:

---

المشاركة الأصلية كتبت بواسطة abouhashem

رايى الشخصى ان السيراتو ماتتركبش غير لأعلى فئتين (بس اللى يدفع بقى......(: )
عموما فكر كويس و توكل على الله...

---

انا مع الرأي ده

و برضه لو مكانك هاجيب اول فئة اوتو على الأقل

أو ...اشتري المانيوال ..و بعد هوجة الصيف اطلب الكماليات أو هاتلاقيها في عربيات متقطعة

cut & paste بقى

بس عموما مش هاتندم ..

العربية بسم الله ماشاء الله .....تحفة

والله يا جماعة انا سعيد جدا بالردود وسرعة الأستجابة ... انا عندى عربية اسبرانزا بدور على مشترى واول ما امسك الفلوس فى ايدى هقدر احدد بالظبط اية هى الإمكانيات ... بس معنى الكلام ده كلة ان المانيول هتفرق كتير جدا يعنى مش هحس بجمال العربية وهدوئها ... ولكن لو فعلا اعرف اجيب كماليتها بعد هوجة الصيف بأسعار كويسة متهيألى هتكون العربية اقوى فى السحب وسرعة الإستجابة.

اقتباس:

---

المشاركة الأصلية كتبت بواسطة abouhashem

رايى الشخصى ان السيراتو ماتتركبش غير لأعلى فئتين (بس اللى يدفع بقى......(: )
عموما فكر كويس و توكل على الله...

---

وأنا كمان مع الرأي ده وعشان كده ناوي على الsx إنشاء الله

بص هى المانيوال فعلا هتكون قليله فى الكماليات

ومن مزايا السيراتو ان كمالياتها كتير بس فى ال Sx فقط

بس انت لوبصيت على الالنترا المانيوال هتلاقيها ب 96 نفس تمن السيراتو وتقريبا نفس الاوبشنز

بس السيراتو فيها ايرباج :)

فلو مش فارقه معاك انها هتكون مانيوال مش اوتوماتيك فتوكل على الله

وكمان هيبقى ادائها احسن زى ما انت قلت

يعيبها عدم وجود abs
بس بصراحه انا مشتريش السيراتو غير فى اعلى فئتين

معلش انا حاسس بيك وانى كل الف زيادة حاتوجع بس صدقنى الفرق يستاهل ومادام حتجبها قسط (طبعا احرص عل القسط الاسلامى وموجود بالمنتدى هذا الموضوع ) فحتزود الف او اثنين فى المقدم والباقى فى القسط والا حتحس بالندم وتقول ياريت وانا من راى احسن سعرا واوسط امكانيات هو الsx واخيرا عليك بصلاة الاستخارة وكان رسولنا الكريم اذا كان امامة اكثر من اختيار كان يدعو بهذا الدعاء (اللهم خيرلى واخترلى ولا تكلنى لنفسى طرفة عين ) صدق رسول الله صلى الله علية وسلم مع اطيب امنياتى وارق تحياتى

طيب ايه رأيكو نتجمع هنا من 5 - 10 عربيات ونحاول نتفاوض مع الوكيل انه يجيبلنا عربيه مانيوال بكماليات ال sx ..... او على ااقل تكون جنوط وفتحة سقف و abs ....مجرد محاوله يمكن تمشي

اقتباس:

---

المشاركة الأصلية كتبت بواسطة myr999

معلش انا حاسس بيك وانى كل الف زيادة حاتوجع بس صدقنى الفرق يستاهل ومادام حتجبها قسط (طبعا احرص عل القسط الاسلامى وموجود بالمنتدى هذا الموضوع ) فحتزود الف او اثنين فى المقدم والباقى فى القسط والا حتحس بالندم وتقول ياريت وانا من راى احسن سعرا واوسط امكانيات هو الsx واخيرا عليك بصلاة الاستخارة وكان رسولنا الكريم اذا كان امامة اكثر من اختيار كان يدعو بهذا الدعاء (اللهم خيرلى واخترلى ولا تكلنى لنفسى طرفة عين ) صدق رسول الله صلى الله علية وسلم مع اطيب امنياتى وارق تحياتى

---

ربنا يبارك فى حضرتك ويجعل كلامك الطيب فى ميزان حسناتك

اقتباس:

---

المشاركة الأصلية كتبت بواسطة migo123

طيب ايه رأيكو نتجمع هنا من 5 - 10 عربيات ونحاول نتفاوض مع الوكيل انه يجيبلنا عربيه مانيوال بكماليات ال sx ..... او على ااقل تكون جنوط وفتحة سقف و abs ....مجرد محاوله يمكن تمشي

---

والله فكرة بس مش عارف هنلافى مؤيدين للفكرة ولا.....

انا معاكم فى فكرة النيو سيراتو المانيوال الكاملة هى حتكون احسن كتير وممكن فعلا كلنا نطلبها من الوكيل بس الأول نعرف التكلفة وانا اصلا ناوى اجيبها انشاء اللة خلال 20 يوم لو نتفق يكون افضل او لو حد سأل ياريت مايبخلش علينا
اه و بالنسبة للعروض اللى فى ملحق السيارات انا كنت قريت عرض من معرض اسمو عربيات عامل عرض على الدفع النقدى للنيو سيراتو خصم 15000 جنية هل الكلام دة صحيح ولا لا .او صحيح بس ذلك على حساب الكماليات وجودة التقفيل .
وكمان عاوز اعرف الفرق بين النيو سيراتو مانيوال من الوكيل والخليجى بس بالتفصيل يعنى بالنسبة ليا انا عاوز اجيبها كاش فتفضلوا اية من اى مكان[IMG]file://localhost/C:/........s%20and%20Settings/mido%20elmesiry/Desktop/4.jpg[/IMG]

انا معاكم فى فكرة النيو سيراتو المانيوال الكاملة هى حتكون احسن كتير وممكن فعلا كلنا نطلبها من الوكيل بس الأول نعرف التكلفة وانا اصلا ناوى اجيبها انشاء اللة خلال 20 يوم لو نتفق يكون افضل او لو حد سأل ياريت مايبخلش علينا
اه و بالنسبة للعروض اللى فى ملحق السيارات انا كنت قريت عرض من معرض اسمو عربيات عامل عرض على الدفع النقدى للنيو سيراتو خصم 15000 جنية هل الكلام دة صحيح ولا لا .او صحيح بس ذلك على حساب الكماليات وجودة التقفيل .
وكمان عاوز اعرف الفرق بين النيو سيراتو مانيوال من الوكيل والخليجى بس بالتفصيل يعنى بالنسبة ليا انا عاوز اجيبها كاش فتفضلوا اية من اى مكان
http://img101.herosh.com/2009/06/20/513467526.jpg[blink].....[/blink]

تحفة بجد العربية دى ولو تقدر تزود وتجيب اول ئة اووماتيك يبقى احسن هتاخد حاجات كتير مش موجودة فى اى عربية تانية بنفس الفئة لسعرية

سؤال مهم
اية هية الكماليات اللى ممكن اضيفها على السيراتو المنيوال؟

ممكن تضيف نافيجيشن

ممكن تضيف سمارت كي (هادلك تجيبه منين)

طيب السمارت كي و النافيجيشن يتجابوا منين يا دوك =d

النافيجيشن من التوكيل

السمارت كي شوفته على موقع لكماليات كيا بس ما سجلتوش في الفيفوريت بس لو دورت تاني هالاقيه

بيبعوا سمارت كي + الزرار + بنطة للثقب + جهاز التشغيل بيركب جو التابلوه

انا هاعمل موضوع عن كل الإضافات الممكنة للسيراتو بس لما الناس تكمل شغل العربية برا