الموضوع: رشاوى استخراج رخصة القيادة!!!عجبى!!

انا كنت استاذ في السواقه والله وانا داخل اختبر لكن اضطريت ادفع عشان امنع اي احتمال سقوط لاني كنت محتاجها اوووووووي والضامن ربنا

السلام عليكم

يمكن تفتكرونى كذاب زى الناس كلها حتى اقاربى انا روحت الامتحان عادى جدا ونجحت فيه ولا دفعت مليم غير 100 ج حق الرخصه والنماذج والشهادات الطبيه الاشارات حفظتها وحفظت شويه حاجات زى الدينامو شكله ايه والحاجات دى وتوكلت على الله والحمد لله اى نعم دفعت على شان الراجل بتاع الملفات ضيع الملف تانى يوم روحت المرور على شان اتصور لقيت الراجل بيقولى لا مفيش ملف باسمك والحركات دى دفعتلو 10 جنيه راح طلعه من درج المكتب ههههههههههههههههههه عادى هى دى الموظفين الغلابه بس وكملت لغيت لما طلعت والحمد لله من ساعت القانون الجديد وهى رخصه قليله الادب مش بتروح البيت ابدا بتحب الظباط موت ديما تروح معاهم كل شويه تتسحب مره حزام ومره موبايل والمصيبه انى لا اتكلمت فى الموبايل وانا ماشى ولا حاجه انا وقفت صف ثانى على شان اتكلم جالى الظابط وسحب الرخصه والحزام لسه طالع من عند بيتنا ونسيت والله مكملتش 20 متر على بعض لقيت لجنه حظ نحس.
بس ليا واحد صحبى طلعها بى 500 بس مع العلم انه لغيت النهرده مش بيعرف يسوق اصلا اى رايكم بقى هههههههههههههههههه هى دى مصر والمصرين اهما

المشاركة الأصلية كتبت بواسطة terrible_darsh

1000 جنيه !!!!!!!!!

انا اتذكر انها من 3 سنين بالظبط كانت ب 100 جنيه و كانت الناس بتقول لا ده نصب و احتيال .!

و يا ترى اللى بيدفع 1000 جنيه و هو بيتصور بيكون ماسك جيتار بقي ولا ايه :)

اعتقد من 3 سنين كانت بــ 500 جم
يمكن كل مرور وله تسعيرة
تحيا مصر

يا باشا لازم يقول الضابط بياكل علشان يعرف يطلع فلوس كتير من الزبون ....

في ناس بتطلعها فوق ال1000 اساسا دة الالف بقت تسعيره قديمة
عندي في المرور ياتدفعهم محاولات وتقعد سنة او اقل بشوية او تدفعهم كاش وتخلص نفسك في يومين

طب ولي بتروحلو على البيت تقولوا أيه