الاشاره الضوئيه بتهيس

**zidaneelwaly** · 17-06-2009 01:43 AM

شوفتو كان هايحصل معايا حادثه زي ما في الافلام الانجليزي
اولا دخلت يمين من جمب النفق ألي في صلاح سالم تقريبا نفق العروبه و بقيت ماشي في امتداد شارع الميرغني في اتجاه روكسي و بعدين قبل التقاطع مع اخر صور الرئاسه في اشاره عشان في تقاطع و الطريق ده كان فاضي و انا ماشي علي 80 ببص علي الاشاره لقيتها حمرا مع ان مكنشي في و لا عربيه ادامي بتعدي التقاطع بس كان في موتوسيكل شرطه و اقف علي النصيه فخفت و فرملت عشان اقف في الاشاره مع ان مافيش عربيات ادامي!!!
و مبقاش اسمي كسرت الاشاره و البس غرامه سمعت صوت فرمله جامده جدا خلفي اول ما هديت عشان اقف و الله لقيت عربيه ميجان ورايا شفتها في المرايا بتتزحلق من قوه الفرمله شكلو كان ماشي 140 او اكتر و كان هايطيرني لولا ستر ربنا امت كاسر الاشاره و مشيت من الخضه و الله اعلم اذا انا خت مخافه و لا لا المهم عديت علي نفس الشاره 3 مرات الصبح و باليل بردو الاشاره بتنور احمر و لازم اكسرها عشان فا فيش عربيات ادامي فامشي
ايه رايكم بقا في الاشاره دي ماحدش يعرف حد في المرور يقولو ا يمكن تكون بايظه و الناس بتقف عالفاضي لاحسن ياخدو مخالفات لو كسروها

**EslaM_NagY** · 17-06-2009 12:11 PM

بالنسبة للإشارة معرفش

بس حاول دايما لما تفرمل جامد كدة تبص فى المراية - لو لقيت واحد طاير وسعلة لو معرفتش متفرملش عشان ممكن لا قدر الله يجى يقعد جنبك فى الصالون - الحالة الوحيد بالنسبة لى الى افرمل فيها من غير ما ابص فى لو بفادى بنى أدم ساعتها يبقى لو اتخبطت ارحم من لو خبط واحد.

وربنا يستر طريقنا جميعا

**zidaneelwaly** · 18-06-2009 12:16 AM

صح و علي فكره العربيه لسا مخبوطه من ساعتين اتوبيس قديم زنقني جمب الرصيف و طبقلي الرفرف الايمن
ربنا يستر علي الجميع

**Ashraf_Ashraf** · 18-06-2009 12:20 AM

الف حمد الله على السلامه معلش بسيطه وربنا يحفظك
على فكره فى كتير اشارات مش شغاله منظر بس وبيعرفها المترددين باستمرار عليها لكن الغرب عن المنطقه ربنا معاهم
وعلى فكره الموضوع ده منتشر جدا فى كل احياء المحروسه