تعالوا خدونى من هناااا مش قاااادر
ازيكم ياجماعه
انا بقالى كتييير مدخلتش المنتدى هنا بسبب الاحباط
طبعا حد حيقولى من ايه
ده ياجماعه بسبب منتدى عربى للسيارات
يانهار ابيض عللى شوفته انا مش مصدق بجد
ده احنا طلعنا بنتكلم فى هبل دى اقل عربيه عندهم تضرب عربياتنا كلها باجزمه
ولا الاسعار مقولكوش انا بجد كنت فاكرهم بيهزروا
تخيل بقى لما سياره احلامك اللى هيا بالنسبالى كانت جميله الجميلات s500 موديل 2002 او 2003
لما تبقى ب 70000 ريال ويقولك قابل للتفاوض يانهار ابيض تفاوض ايه بس
ده احنا طلعنا حتى مش عارفين نحلم بجد انا مش عرف اخش هنا تانى وكل مااخش افضل اضحك
على المقارنات والعربيات اللى بتتباع عندنا بجد احنا طلعنا صغيرين اوى اوى فى المجال ده
كان فى موضوع هنا عن لما الجمارك تفتح حتبقى الاسئله بقى عن اللامبرجينى والكاديلاك
الكلام ده موجود فعلا من زمان عندهم واحنا لسه حنستنى كمان عشر سنين عشان نبقى زيهم دلووقتى
بجد حد يجى ياخدنى من هنا انا خلاص قربت اسافرلهم حد يقولى اعمل ايه
انا مبقتش تستهوينى اى عربيه من هنا ولا حتى افخم العربيات لان عندهم عادى اوى
ياريتنى مدخلت على ام المنتدى ده:B4_556:
انا قولت حب استطلاع بس بس قلبت بجد دى ناس مرفهين اوى اوى
ده انا شوفت حاجات مشفتهاش ولا حاشوفها
معلش طولت عليكم بس حد ينصحنى اعمل ايه انا مليش نفس لاى عربيه من هنا خلاص
وبجد بقيت استغلا اى عربيه اوى واقول خساره ادفع فلوس فى عربيه زى دى
تعالوا خدونى من هنا بسرعه