الرقم التسلسلي للسيارة سبرانزا 516

**Fouad Ezz** · 17-06-2009 07:44 AM

السلام عليكم

بدون مقدمات طويلة

بعد حوالي سنة مع السيارة لاحظت ملاحظة غريبة جدا .... وهي:

في أقصى الطرف الأيمن للطابلوة يوجد مكان صغير من المفروض أن يكون مثبت علية لوحة معدنية صغيرة ومستطيلة الشكل عليها الرقم الكودى أو التسلسلي للسيارة ....

فجأة لاحظت ان هذة اللوحة (((( مخلوعة ))) من مكانها ,. وواضح مكان مسمارين صغيرين في مكان الخلع!!!

حاولت أن أتذكر هل هذة اللوحة كانت موجودة من الأصل أم (((( تم خلعها في التوكيل)))) أثناء عمل الصيانة ((( لغرض ما))) ......... ولكن لم أستطع تحديد ذلك ..... حاولت أن أتحري الأمر في سيارات أخري ... فوجدت ان هذة اللوحة غير موجودة أصلا ...

مش عارف؟ ..... في حد معاه السيارة وبها هذة اللوحة في مكانها ... أم إنها مخلوعة من كل السيارات؟
علما بأن هذا الأمر غير هين على الإطلاق ,,,, فهذا الرقم التسلسلي هو ال ID بتاع أي سيارة .... ((( وهذا الكلام طبقا لما هو مكتوب في كتالوج السيارة الأصلي من الشركة الأم)))
ومش فاهم لية خلعوه؟؟؟

**noni67** · 17-06-2009 12:37 PM

أولا هأرجع أقول اللى ما يعرفش ما يتكلمش بدون معرفة لأن المعرفة قوه
اللوحة المستطيلة اللى بتتكلم عليها دى عبارة على رقم الفين نمبر Vin No بتاع كل سيارات العالم
والفين ده بيتحط فى نفس المكان فى كل السيارات بأسلوب معين بيختلف من سيارة لأخرى حسب الموديل والمركة
وهتلاقى أدامه فى الزجاج التهشير الاسود مش موجود ليه
لأن فى كل دول العالم الفين ده هو أساسى فى الرخصة مش زى مصر المحروسة رفم المحرك والشاسية اللى ممكن يهدولك المحرك فك علشان يوصلوا له غصب عنك مش برضاك علشان يرخصوا العربية
الفين ده عبارة عن رقم مكون من 13 رقم وحرف بيقول كل حاجه عن العربيه دى منتجه فين وسنه كام ومحركها ايه وكماليتها ايه وبيقرأ بحاجه اسمها ريدر فى المرور بس طبعا فى الخارج
لكن اقسام مرور مصر المحروسة لا تعترف بالعالمية لانهم طبعا متخيلين انهم اعظم من العالم كله وبيفهموا اكتر من الكل
فطبعا اللوحه دى يبقى مالهاش لازمة فى مصر فما بتجيش فى العربيات لأن ليها ثمن لأنها تصنع بالليزر لعدم التزوير
لكن الفين نبر هتلاقية فى اللوحة الموجودة فى حوض المحرك هتلاقى فيها الفين نبر ورقم المحرك ورقم اللون ومكان الانتاج كمان
أتمنى اكون شرحت لكم موضوع اللوحة المسروقة

**Fouad Ezz** · 17-06-2009 06:03 PM

[quoteهأرجع أقول اللى ما يعرفش ما يتكلمش بدون معرفة لأن المعرفة قوه
][/quote]
هو الإستفزاز والردود التهكمية بقت هى الأساس في المنتدي المحترم ولا إية ..........
كلام حضرتك مظبوط لكن .... حضرتك انا لية عيون وباشوف وبأكدلك إن اللوحة كانت موجودة في ((((((سيارتي))))) ومن ثم خلعت و مكات خلعها واضح .. مش مكانتش موجودة أصلا

**mantis7806** · 18-06-2009 03:13 AM

السلام عليكم ورحمة الله وبركاته
من غير خناقات يا جماعة
انا معايا العربية موديل 2009
مافيش مكان في التابلوه عندي زي ما حضرتك بتقول
بس في عندي لما بفتح الكبوت لوحة صغيرة متبرشمة على الكتف اللي مربوط فيه الفانوس الأمامي يمين
مكتوب عليه 3 حاجات
1 - موديل العربية : Speranza A5 (وده اسم الموديل بتاعها في الصين A5 عندنا A516)
2 - Engine No.
3 - Vin No.
وفيه كمان رقم كبير محفور برضه لما تفتح الكبوت وتبص في الآخر خالص تقريبا تحت الإزاز اللي قدام وتقريبا ده الرقم اللي يقصده الأخ mytutor2008.
هذا والله أعلم

**noni67** · 18-06-2009 09:43 AM

هو الإستفزاز والردود التهكمية بقت هى الأساس في المنتدي المحترم ولا إية ..........
كلام حضرتك مظبوط لكن .... حضرتك انا لية عيون وباشوف وبأكدلك إن اللوحة كانت موجودة في ((((((سيارتي))))) ومن ثم خلعت و مكات خلعها واضح .. مش مكانتش موجودة أصلا

أستفزاز ايه وتهكم ايه اللى انت بتقول عليه
عايز تصدق صدق مش عايز براحتك لكن انا لا استفزيتك ولا تهكمت عليك
وعلى العموم ادام الناس يا سيدى كلها انا اسف لو فهمت كلامى انه استفزاز وتهكم
حقكك عليا

**Fouad Ezz** · 19-06-2009 04:24 AM

لا داعى للأسف ...... مفيش مشاكل إن شاء الله

لكن انت بدأت مشاركتك بكلمة (( إللي ميعرفش مايتكلمش))
و إزاي أكون باتكلم عن حاجة موجودة في سيارتي و شفتها بعينى وحضرتك تقول الكلام ده وكأنني بقول اي كلام وخلاص

الفكرة كلها اني لما باشوف المكان دة في سيارات موديل 2009 مش له وجود في الطابلوه خالص
لكن عندى في موديل 2008 كان موجود وإتخلع ... وكنت باستفسر (ليه ممكن يخلعوة في التوكيل بعد ما كان موجود؟)
وخاصة ان مكان مسامير الثبيت لهذة اللوحة في الطابلوة عاملة مكانها خرمين في الطابلوة وشكلهم وحش
بس خلاص
وشكرا لرد الإستاذ Mantis 0876
وشكرا لرد حضرتك

**arc_sherif_81** · 07-07-2009 11:42 AM

عليه البيئه و التكيف و الكاسيت مشاكل متكرره
اسعار الصيانات الدوريه غاليه
قطع الغيار غير معمره
عربيه مش بتاعت شغل
غير ان التوكيل زحمه ومقرف و لما تروح فيه هتستني العربيه 7 او 8 ساعات
التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك
الفرع الرئيسي مفوش حجز يعني تروح من الفجر علشان تحجز دور بدري
صيانه ال 30 الف هتكلف 1700 جنيه
صندوق البيئه ثمنه 1200 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو