الرخص السواقة في مصر بتطلع زي
مقولة اللمبي :
" زي السكينة في الحلاوة "
و الحوادث اليومية بسبب ناس معندهاش أدنى متطلبات القيادة و مليانة اهمال بسبب ان الحبل متروك على اخره .
و ماسكين في شوية شخاليل بتتعلق في المرايا أو الفاميه .
و سلملي على ج ع ع
عرض للطباعة
الرخص السواقة في مصر بتطلع زي
مقولة اللمبي :
" زي السكينة في الحلاوة "
و الحوادث اليومية بسبب ناس معندهاش أدنى متطلبات القيادة و مليانة اهمال بسبب ان الحبل متروك على اخره .
و ماسكين في شوية شخاليل بتتعلق في المرايا أو الفاميه .
و سلملي على ج ع ع
انا افهم حضرتك سبب المنع, هو الموضوع ليه زاويتين, زاويه فنية و زاويه إمنية:
1-الناحيه الفنيه: الزجاج إللي بينزل فاميه بتكون الشركة المصممة للسيارة هي إللي عاملاه و يتصممه طبقا لمعايير الأمان و الصناعة الدولية و بالتالي بيكون غير حاجب للرؤية,يعني لو ركبت سيارة فاميه فابريكة هتلاقي الزجاج غامق لكن باليل انت شايف و كأنه شفاااااااااف.
بينما الزجاج المصبوب و مصبوغ هنا محليا هيحجب الرؤية خاصة باليل و بالتالي مش هتشوف و هيبقي خطر,
و كل ده هيبقي رهن السلطة التقديرية للمهندس, لان القانون و اللائحة التنفيذية بينصوا علي ان حتي الفابريقة لازم المهندس يعاينه و يثبت انه غير حاجب للرؤية, لانه لو اعتمده و بعد كده ثبت انه كان السبب في حادثة هو إللي هيكون مسئول.
2-الناحية الأمنية: الفاميه الملصوق لا يجوز ترخيصه لأنه من السهل اللعب فيه و تغيير مواصفات السيارة بدون رقابة او قدرة علي الضبط -وهو ده نفس سبب منع الملصقات علي فكرة- و بالتالي ممكن افيم و بعد كده اعمل مصيبة و اخلعه و اجري :), او العكس افيم و هو غير ثابت بالرخص و اغير ملامح العربية
ملحوظة: لو عايز تفيم عربيتك بشكل قانوني روح اشتري زجاج غامق استعمال خارج من اي عربية يكون نازل فيها و بعد كده روح افحص و المهندس لما يعاينه لو وجد انه مطابق للمواصفات هيثبتهولك, هو يعني إيه مصلحته في انك تمشي بزجاج شفاف هو يعني هيركب جمبك:36_9_4:
لا يا جماعة معلش مع احترامي الكامل للجميع انا قريت الخبر و كان بيقول ان السيارة المنتجة اصلا بزجاج فاميه ترخص دون ذكر اذا كانت اجنبي او مصري و ده احقاقا للحق لكن لايضاف الزجاج الفاميه للسيارة دي حاجة الحاجة التانية ممكن حضرتك تضيف الفاميه للرخصة بس ده لو حضرتك واصل لاني ليه صاحب وكيل نيابة مضاف كلمة السيارة بزجاج فاميه لرخصتها بالرغم انه هو اللي مركبه
توضيح للكل أنا والدى كان ظابط و طلع معاش و الكلام ده من زمايل سابقين من الظباط المرور
أولا حد عارف التفييم اتمنع ليه (قضية سلبقة من كام سنة كده كان بوليس الآداب قبض على واحد و واحدة جوه عربية متفيمة بالكامل فى وضع مخل و كان أثاروا شك المارة بعنف الحركة داخل المركبة، المهم أثناء المحاكمة المحامى طلع قسيمة جواز بتاريخ سابق للواقعة الله أعلم طبعا بموضوع التاريخ ده اتفبرك و لا كان مظبوط وقتها القضية اتحولت من آداب لفعل فاضح فى الطريق العام و بعدين المحامى العبقرى طالب بالبراءة على أساس إن العربية متفيمة تماما فمش باين فيها أى حاجة و ممكن يسبغ عليها صفة مسكن خاص و طلعوا المتهمين براءة) ما أعرفش ازاى ماحدش كان متابع الموضوع المهم إنه أثار الرأى العام و بعض أعضاء مجلس الشعب و النيابة طبعا فطالبوا بقانون يمنع التفييم فى العربيات و صوتوا عليه و طلع القانون بس راعوا لما طلعوه نقطتين الساتئر السوداء الخاصة بالسياسيين و الدبلوماسيين و فى نفس الوقت العربيات اللى بتيجى من بره بإزاز فيميه عشان ما يبهدلوش عربية حد و لا يكلفوه تغيير إزاز جديد و عشان كده ده الوحيد اللى بيتثبت فى الرخصة. أنا مش بدافع عن المرور و لا وزارة الداخلية و لا حبيب العادلى بس كلمة حق أعرفها حبيت أعرفها للناس.
انا اللي عرفته ان الزجاج لازم يكون مثبوت في كتالوج العربيه والا مش هيتثبت والله اعلم
جواب الاستراد للسيارة بيكون مسجل عليه انها متفيمة علشان كده الرخصة بتطلع بالتفيم غير كده لالالالالالالالالالالالال ا
زى الزينون بالظبط !!
مش فارقة يعنى ..
ايه الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
الكلام ده منذ قديم الأزل
انا مع حضرتك في الكلام ده
بس ليه طيب يمنعو فاميه خفيف
يعني انا مركب فيميه 01 وهو طبعا اول ما ركب كان تقيل بس باردو تشوف اللي جوه
ودلوقتي بعد اسبوعين بقيت تقدر تشوف اللي جوه كويس قوي بس هو طبعا حامي العربيه من الشمس جدا
الاول كنت بتلسع وانا قافل الزجاج دلوقتي لأ حتي لو راكن العربيه في الشمس
طيب بقي قولي حضرتك ده ليه يتمنع مع انه خفيف وغير حاجب للرؤيه حتي بليل بتشوف اللي جوه
المفروض القانون يوضح نسبه معينه يتصرح بيها الفيميه
يعني مدام انت شايف اللي جوه خلاص مافيش مشاكل لكن لو حاجب الرؤيه علي اللي جوه دي انا معاك فيها انها تكون مخالفه
المشكلة إن الحكومة فى البلد دى عاملة زى البنت المقفول عليها و فجأة طلعت للدنيا اللى ما بتعرفش تتعامل مع المجتمع و ما بتعرفش تحط حدود للى قدامها فبتقصر و ما تتعاملش أصلا.
بمعنى أوضح شوية الحكومة تمنع كل الدرجات من وجهة نظرها أحسن ما تحدد حاجات آه و حاجات لأ و يبقى فى نوع من التحايل حسب إختلاف الشركات و الأنواع غير اللى ممكن يركب قزاز من اللى بيدى دارك الصبح و بالليل بيفتح شوية و هكذا فلأنها مالهاش سيطرة على حاجة بتفضل تريح دماغها من الأول و على فكرة كتير أوى بس مش قاعدة عشان مابقاش بفتى لحد بتوع المرور بيفوتوا الفيميه الشفاف و ده برده كلام الظابط بس للعلم لما سألته أحطه فى عربيتى و لا لأ نصحنى لأ