الموضوع: وزير الداخليه

المشاركة الأصلية كتبت بواسطة dasboot

انا افهم حضرتك سبب المنع, هو الموضوع ليه زاويتين, زاويه فنية و زاويه إمنية:

1-الناحيه الفنيه: الزجاج إللي بينزل فاميه بتكون الشركة المصممة للسيارة هي إللي عاملاه و يتصممه طبقا لمعايير الأمان و الصناعة الدولية و بالتالي بيكون غير حاجب للرؤية,يعني لو ركبت سيارة فاميه فابريكة هتلاقي الزجاج غامق لكن باليل انت شايف و كأنه شفاااااااااف.

بينما الزجاج المصبوب و مصبوغ هنا محليا هيحجب الرؤية خاصة باليل و بالتالي مش هتشوف و هيبقي خطر,
و كل ده هيبقي رهن السلطة التقديرية للمهندس, لان القانون و اللائحة التنفيذية بينصوا علي ان حتي الفابريقة لازم المهندس يعاينه و يثبت انه غير حاجب للرؤية, لانه لو اعتمده و بعد كده ثبت انه كان السبب في حادثة هو إللي هيكون مسئول.

2-الناحية الأمنية: الفاميه الملصوق لا يجوز ترخيصه لأنه من السهل اللعب فيه و تغيير مواصفات السيارة بدون رقابة او قدرة علي الضبط -وهو ده نفس سبب منع الملصقات علي فكرة- و بالتالي ممكن افيم و بعد كده اعمل مصيبة و اخلعه و اجري :), او العكس افيم و هو غير ثابت بالرخص و اغير ملامح العربية

ملحوظة: لو عايز تفيم عربيتك بشكل قانوني روح اشتري زجاج غامق استعمال خارج من اي عربية يكون نازل فيها و بعد كده روح افحص و المهندس لما يعاينه لو وجد انه مطابق للمواصفات هيثبتهولك, هو يعني إيه مصلحته في انك تمشي بزجاج شفاف هو يعني هيركب جمبك

الاخ العزير كامل تقديرى ليك
بس مش مقتنع لاسبب لانى حتى لو ركبت اخف انواع الفيميه برضوا مش هتترخص وبرضوا هيسحبوا الرخص
تانى حاجه لو بصيت على زجاج الشيروكى الجزء الخلفى معتم تماما
اذا الموضوع مش كده خالص وبعدين لما اغير وانفخ واغير فوانيس ده معناه انى مغيرتش فى مواصفات العربيه
صدقنى مافيش اساسا مبدا محايد مطبق
يعنى الدفيندر اللى نازل مع العربيه يرخص المركب هنا لا تقدر تقولى ايه الحكمه

المشاركة الأصلية كتبت بواسطة jisso82

المشكلة إن الحكومة فى البلد دى عاملة زى البنت المقفول عليها و فجأة طلعت للدنيا اللى ما بتعرفش تتعامل مع المجتمع و ما بتعرفش تحط حدود للى قدامها فبتقصر و ما تتعاملش أصلا.
بمعنى أوضح شوية الحكومة تمنع كل الدرجات من وجهة نظرها أحسن ما تحدد حاجات آه و حاجات لأ و يبقى فى نوع من التحايل حسب إختلاف الشركات و الأنواع غير اللى ممكن يركب قزاز من اللى بيدى دارك الصبح و بالليل بيفتح شوية و هكذا فلأنها مالهاش سيطرة على حاجة بتفضل تريح دماغها من الأول و على فكرة كتير أوى بس مش قاعدة عشان مابقاش بفتى لحد بتوع المرور بيفوتوا الفيميه الشفاف و ده برده كلام الظابط بس للعلم لما سألته أحطه فى عربيتى و لا لأ نصحنى لأ

اللى بتقوله ده مصيبه بجد وهو سبب المصايب اللى البلد فيها نظام النعامه اللى بتدفن نفسها نظام سيبهم يخلصوا على بعض فى الخناقه واللى يفضل اقبضوا عليه
والله دى مصيبه وياما نشوف لو فضل دا اسلوب اداره البلد

المشاركة الأصلية كتبت بواسطة ash_rsi

الاخ العزير كامل تقديرى ليك
بس مش مقتنع لاسبب لانى حتى لو ركبت اخف انواع الفيميه برضوا مش هتترخص وبرضوا هيسحبوا الرخص
تانى حاجه لو بصيت على زجاج الشيروكى الجزء الخلفى معتم تماما
اذا الموضوع مش كده خالص وبعدين لما اغير وانفخ واغير فوانيس ده معناه انى مغيرتش فى مواصفات العربيه
صدقنى مافيش اساسا مبدا محايد مطبق
يعنى الدفيندر اللى نازل مع العربيه يرخص المركب هنا لا تقدر تقولى ايه الحكمه

ما انا قلت لك مينفعش الفاميه الملصوق الورق يعني مهما كان خفيف هيوقفك
اما بخصوص موضوع التعديلات دي فانت كده خالط بين حاجتين، التعديل المموه و ده زي الملصقات و الفاميه مثلا ده انت ممكن تعدل بيه شكل السيارة و مواصفاتها بسرعة جدا خلال ثواني و ده إللي فيه المشكلة، لكن التنفيخ و الحاجات دي انت لو عملت مصيبة بالعربية غلشان تغير شكلها بالتعديلات دي محتاج كذا يوم شغل هتكون اتقفشت خلالهم
و ده مثلا سبب انك لو خليت السيارة انشالله مليون لون ترخص بس يكون دوكو لكن لو استيكر تتوقف

اما الديفندر و الكلام ده مش بيوقفك عليه علشان الاسباب دي لا ده ليه سبب تاني و هو الامن و المتانة لانه برضه لو مش مصممة السيارة اساسا لاستيعابه ممكن في حالة التصادم يعمل مصيبة خاصة لو خبط حد ماشي علي رجليه و ده داخل ضمن اعتبارات الامان في السيارة زي ما بتشوف فيeuro ncap
و موضوع الزجاج المعتم ده المهندس لما يجي يسمحلك بيه هتلاقيه بيحدد اجزاء معينة ممكن تكون غامقة و اجزاء لا حسب تصميم السيارة و بالتالي لازم تكون كل الزوايا إللي بتنظر منها غير محجوبة و ده سبب انه بيقول لازم تكون الشركة منزلاه و طبعا شركة جيب مش هتحط حتة غامقة الا لو واثقة انها مش هتعيق الرؤية او ان السائق لن ينظر منها تحت اي ظرف

انا شايف انه غباء
يعني ابسط مثال
في الامارات محددين نسبة محددة وهي 30 بالميه يعني تقريبا لغاية 02
عشان الشمس الحارقة ونسبة 30 بالمية دى تقدر تشوف اللى جوه العربية
والسعودية مثلا مسموح انك تفيم ورا براحتك عشان العوائل وكده باى درجة
لكن قدام لا عشان المرايات وكده والقيادة الامنة
لكن هنا معلش غباء ازاى اكون مفيم لايت واتوقف
انا كنت مفيم لايت ومشيت وسافرت حوالى سنة ونص
في الاخر دخلت في لجنة وامين شرطة اللى رخم بس اديته اللي فيه النصيب ومشانى
بعد كده كنت مفيم دارك كل العربية من اولها لاخرها دخلت في لجنة الظابط
قالى اركن
وخد الرخص قلت اكيد العملية فيها سحب رخص
لقيته بيقولى انا هكتب لك بس مخالفة ملصقات ب50 جنيه ومش هسحب الرخص
وقالى انا لو عاوز ارخم عليك كنت هعمل لك مخالفة الستاير اللى ورا دى معلقات بس طلع كويس
يعني الامر في الاول والاخر للظابط حس بقى هو رخم ولا كويس

من يومين بعدى الشارع عندنا و لاقيت زينون غبي مضروب فى وشي .

قعدت اشتم فى اللى اخترع الزينون , و فى الاخر تلعت جــيــتــا !!

قلت طب ايه الفرق يعنى ما بين عربيات نازلة بزينون و للى مركب زينون لعربيته ..!!

ما كدا اذى و كدا اذى :( شي غريب والله .