عرض للطباعة
اللاخوه الزملاء
انا كنت قريت مواضيع قبل كده ان في ناس مسقطه مواتير 1300
فقولت لو حد عنده موتور قديم يبع لي وش الموتور اللي فيه الصبابات
اصل واضح ان الوش بتاعي اصبح مش نافع رغم اني لسه مركبله طاقم صباب بعد سير الكاتينه ما اتقطع
واخيرا جوان وش السلندر
ابو اياد
هو ليه حضرتك فقدت الأمل إن الوش اللى موجود حاليا ينفع يتركب تانى؟ هل يا ترى اتخرط قبل كده ولا قفع لما الجوان ضرب بحيث إنه بأه ما ينفعش فيه خراطة؟؟
أنا عندى وش السلندر القديم بتاع عربيتى لكن ما افتكرش يركب عندك (موتورى 850 cc) والوش الجديد جبته من سنتين من م/ سيد الفراش، بصراحة ساعتها ماكنتش فاهم فى الموضوع قوى فلما قاللى الوش محتاج يتغير قولت له غيره.
الاساذ عزيز محمد شكرا علي ردك
للاسف الوش بتاعي الميكانيكي بيقول فيه شرخ
لاني وديته للخراط وقشطه وغيرت جوان وش سلندر وبرضه نفس الكلام
المشكله ان الوش ده عليه رقم الموتور
ولازم ورق علشان يتثبت علي الرخصة
شكرا ثانيا علي ردك وفعلا الوش بتاعك ميركبش عندي
ابو اياد
حضرتك متاكد إن رقم الموتور موجود على الوش مش على البلوك (أصل عندى الرقم على البلوك علشان كده ما احتاجتش اغير حاجة فى الرخصة)؟؟؟اقتباس:
المشاركة الأصلية كتبت بواسطة mohamed_rhem
لو كده فعلا يبقى اعتقد حضرتك لازم تشترى وش معاه ورق الإفراج الجمركى بتاعه، أو ربما تفكر فى شراء موتور كامل وتدخل فيه الموتور بتاعك علشان التكلفة النهائية تقل شوية.
ربنا يعينك والموضوع ما يفتحش معاك.
امين يارب شكرا يا ياشا علي اهتمامك ودعواتك
ربنا يكرم احتمال اجيب واحد من عند فاروق باب اللوق بس هو بيدوري لي الورق وممكن بكره يرد علي لو تمام حيجي يسجلهولي
وربنا يكرم
ممكن يا اخي تتصل بالد علاء في محل دايهاتسولاند وهو يفيدك اكتر وتليفونه 0122329489
شكرا اخي الفاضل علي النصيحه
لكن للامانه هما بيشتغلو في فئه 1300 كان عندهم حته 1000 سي سي
بالرغم من اني سأل وعارف اسعار السوق لكني فوجئت بيقولي رقم خيالي
يعني السعر في بورسعيد كان 650 جم ورجعته واشتريت من حسين نوج ب 850
هو كان بيقول 1600 جنيه!!!!!!!!!!!!!!!!!!!!!
لو سمحت يا أستاذ محمد عبد الرحيم:
اللى ب850 جنيه ده وش السلندر فقط؟؟ طيب الموتور على بعضه بكام؟؟
وحضرتك بتقول إنك اشتريت واحد من بورسعيد ورجعته، يا ترى ليه؟؟
ومعلش أنا عارف إنك بقالك شهر فى موضوع وش السلندر ده، وأكيد لفيت كتير، فلو ممكن تدينا فكرة عن الأماكن اللى سألت فيها والأسعار اللى لقيتها والصنايعية اللى تعاملت معاهم علشان كل اللى معاه ديهاتسو قديم - زينا كده - يستفيد ويعرف مين اللى بضاعته وأسعاره كويسة، وجزاك الله خيرا وأعانك على الانتهاء من هذا الأمر.
يا استاذ عزيز انت تأمر
بص يا باشا من الاخر كده الموضوع كله حوارات
انا سألت علي الوش في القاهره عند حسين نوح والمهندس سيد الفراش وديهاتسو لاند
وكانت الاسعار كالاتي 1000 حسين نوح 1200 المهندس سيد 1600 ديهاتسو لاند
وللامانة المهندس سيد مش غالي لانه تقريبا كان حاسب التركيب
المهم في محل الفاروق في باب اللوق قالي عندي الوش فاضي ب 250 جنيه قلت كده تمام قوي
فاضي يعني بدون صبابات ولا تاكيهات وشواكيش وغطاء التاكيهات
المهم دوخني اسبوع علي حدورلك علي الورق
قلت اروح بورسعيد اشوفها واتفرج
اخدت عربية اخويا 132 والمشوار كلفني 45 جنيه بنزين 80 و8 جنيه كارته يعني كلام فاضي
لاقيت محل في عمارات بنك الاسكان عنده موتور متشال منه ادوات التغذيه
(المنافول الكاربراتير الدينامو) عباره عن وش وبلوكه
اصر يبيع الاتنين علي بعض ب 1000 حنيه واخد 20 بقشيش للعمال و60 جنيه تخليص بعد فصال من 100
المهم ركبت الوش بتاعه نفس العيب لاقينا شرخ بين الصبابين في البستم رقم 2 وده في جسم الوش
روحت ارجعه مواصلات طبعا وكانت التكلفه 100 جنيه (20 تاكسي من الحدائق الي موقف الماظه 17 جنيه تذكرة 10 رسوم طرد علي الوش و3 حنيه تاكسي داخلي في بورسعيد )المجموع 50 *2=100
اداني وش موتور موديل ال ثمانينات كده كان واضح لي اختلافين اولها طلمبه البنزين وده ركبولي بتاعتي
ثانيا غطاء وش التاكيهات وده قالو عادي
المهم اخدته وروحت
الميكانيكي قالي ما بالمره نعمر الجزء اللي تحت في الموتور الجديد لانه بصراحه مكنش عاجبه موتور القديم
كانت التكلفه 260 خراط الكرنك وتوسيع البلوك الي 020 علشان اركب البستم الاكبر بتاع الموتور القديم
300 حنيه سبيكة وطاقم شنبر وطاقم جوانات وفلتر زيت
والمفجأة لما جنا نركب الوش كانت فتحه في الوش للزيت مش موجوده
طبعا الميكانيكي كلمني الجمعه 12 مساء
كنت الصبح في بورسعيد وقولت اروح اغيره
وبعد صراع ومفاوضات اخدت 500 جنيه من اصل 1000 لانه حسب البلوك بالكرنك500 والبساتم
لفيت في بورسعيد علي وش وكان احسن سعر 650 وفاصلت الي 600 الرجل رجع في كلامه
الكل في بورسعيد مش عايز يقطع موتور شغال الا اذا كان فيه عيب
المهم رجعت واشتريت من الحاج حسين نوح بعد ما دبيت 3 مشاوير لبورسعيد
واخدته ب 850
والعربيه بتليت عملت بيها حوالي 1000 كم
الخلاصه
بورسعيد مقسمه الي محلات كل فئه في مكان يعني دول بتوع الياباني
دول بتوع الاوربي دول بتوع الكوري
وكله عنده
الاسعار والمحلات
سعر الموتور من 2700 الي 2500 بالفتيس
ويصل الي 2000 بدون فتيس
في بعض المحلات الموتور 1500 بس بصراحه شكيت في السعر
اشهر المحلات ابو المعاطي وحسن لادا ومعظم بتوع الياباني عندهم مواتير الشاريد
محدش يدفع فلوس تخليص انت تخلص موتورك بنفسك(العمليه بدون رسوم وبياخدو 100 جنيه)
نصيحه اشتري من هنا ولو فارق200 الي 300 حنيه
حسين نوح كان قايلي السعر قبل الفصال 2300 يعني كان ممكن يحي ب 2000 او 2100
هي تجربة بس للاسف مكنش مشوار واحد كانو 3
الحمد لله ودعاوتكم اضبط الموتور وارتاح شويه
يا أخى ربنا يعزك ويبارك فيكاقتباس:
المشاركة الأصلية كتبت بواسطة mohamed_rhem
وشكرا جزيلا على التقرير القيم ده
بإذن الله الموضوع يتلم على خير والعربية تضبط معاك
ان شاء الله يااستاذ محمد العربيه تتظبط معاك لانك بجد تستاهل كل خير
لأنك رغم الضرر اللي حصلك ده بتحاول تفيدنا من الخطوات اللي قمت بيها عشان تكون مرجع لأي حد يقع في نفس مشكلتك