عزيزي الأستاذ طلبة
اطمن عربيتك مخرجتش بره الضمان ولا حاجه
معنى كلمه تخرج بره الضمان لو ركبت حاجه بره التوكيل هو الآتي :
مثلا رحت ركبت جنوط عريضة جدا وبعدين ده بوظ المساعدين لأنها ماستحملتش فلما تروح التوكيل تطلب تغيير المساعدين في الضمان هيتقال لك لأ - دول باظوا مش عيب صناعة انما لأنك مركب جنوط عريضة
مثال تاني : واحد مثلا راح يركب كاسيت او انذار او فوانيس شبورة بره وبعدين الاسطى بلية وهو بيركب عمل قفلة في كهربة العربية قامت وحدة الكمبيوتر باظت - فلو راح للتوكيل يقول لهم غيروها لي في الضمان هيتقال له لأ لأنك عملت شغل عند كهربائي بره
انما في مثل حالتك واحد مركب لمبة شبورة او جهاز انذار او خلافه والعربية سليمة ومفيش مشاكل ورايح يعمل صيانة عادية فمفيش مشكلة
او بشكل اوضح واحد مركب لمبات شبورة وقام مساعد بايظ فمش ممكن يقول له مش هنغير لك المساعد علشان لمبة الشبورة متركبة بره وكده انت خارج الضمان - لأ طبعا
كلمة خارج الضمان معناها الجزء اللي اتركب خارج التوكيل لو تسبب في مشكلة يبقى حل المشكلة دي خارج الضمان
مع الشكر
المفضلات