استلامت نيو سيراتو بس خليجى .....

**TeMoON** · 17-06-2009 02:35 PM

صباح الخير ياباشا اخبارك اية واخبار اليكس على حسك اية وشد حيلك وكلنا معاك وبندعيلك وصباح الى بتغنى

**Hamdy Masria** · 17-06-2009 03:12 PM

ألف ألف مبروك ربنا يعطيك خيرها ويكفيك شرها

**وائل عطية** · 17-06-2009 03:15 PM

ألف مبروك
ياريت تفاصيل عن الكماليات إيه وسعرها كام وجبتها منين

**Hosam_Optrawy** · 17-06-2009 05:23 PM

الف مبروك وربنا يباركلك

**AHMED REFAT** · 17-06-2009 06:00 PM

الف مبروك يا اخى الحبيب والله اسائل ام يعطيك خيرها ويكفيك شرها ( واستعن بها على طاعة الله ان شاء الله ) بالنسبة للصيانة اخوتنا فى الله افادوك ولا استطيع ان ازيد اما بالنسبة للزينون عليك اولا ان تقرر كم طقم سيركب لان انت الفانوس بتاعك محتاج طقمين طقم على الواطى وطقم على العالى وفيه ناس بتركب الطقمين وفيه ناس بتركب العالى فقط وناس بتركب الواطى فقط حسب راحتك وممكن لو عربيتك فيها فوج لايت كمان يركبلوا يبقى عندك تقريبا 3 اطقم متوسط القم من 600 الى 800 حسب الماركة بتاعته وحسب مقاس اللمبة بتاعتك ( وعلى فكرة كلوا صينى وما تخليش حد يضحك عليك ويقولك ده المانى ومكتوب عليه ميد ان جيرمنى كله صينى وبيضربوا المنشا ) وعندك اماكن كتير متخصصة فى الكلام ده شارع دمشق بمصر الجديدة _ سوق التوفيقية بوسط البلد _ وفيه واحد كويس فى شارع احمد سعيد اسمه سنتر رمزى امام السنترال اللى فى احمد سعيد على كل حال بقى متوفر وركبوه ميت مرة وبقوا محترفين فيه وشطارتك معاهم فى السعر وربنا يوفقك الى كل خير ( نصيحة لا تزيل العاكس من امام اللمبة لانه بيفرش الضوء ويجعله مبهر للى امامك لكن ليك انت كسائق مش ها تشوف كويس خلى العاكس علشان يركز الاضاءة حسب مواصفات المصنع وها تلاقى الضوء مفروش على الارض ويس والرؤية اوضح ) تقبل تحيتى

**shekohassan** · 17-06-2009 06:39 PM

الف شكر لجميع من شاركنى بمعلوماته القيمة و ان شاء الله ربنا يبارك فيها شكرا مرة اخر و سوف اعطيكم تقرير بها بعد 1000 كم ليكون وافى >>>>

**Bossy_Fadl** · 18-06-2009 04:18 AM

الف مبروك عليك العربيه التحفه هاي

ربنا يباركلك فيها

و يديك خيرها و يكفيك شرها

و منتظرين تقييمك ان شاء الله

**Ahmed Samy** · 18-06-2009 07:18 AM

الف الف مبروك

تاني خليجي في المنتدى

نلتقي في تقارير ما بعد الألف

بالنسبة لضغط الكاوتش ..مكتوب على القايم 32

و 30 حلو

لو 28 يبقى النقر خطر على الجنوط

ما قولتلناش

هي انهي فئة و بكام و من عند مين

**a7mednour** · 18-06-2009 02:44 PM

المشاركة الأصلية كتبت بواسطة Ahmed Samy

تاني خليجي في المنتدى

نلتقي في تقارير ما بعد الألف

أخبار حضرتك ايه دكتور احمد ... هوة حضرتك استلمت ومخبي علينا ولا ايه

عموما يا دكتور مش هاخد من حضرتك لفة

.... انا بس والله كنت عاوز اطمن على حضرتك

واعرف ذا كنت استلمت ولا لأ....

عموما انا كنت من يومين عند رويال اوتو موتيف ولقيت هناك نيو سيراتو هاي لاين خليجي بس كانت شيري ....

وسألته لو كان

يعرف يدبر واحدة بيضاء لحضرتك قاللي ممكن خلال اسبوع ...وقاللي كمان ان حضرتك ممكن تيجي وتتفاهم

معاه ... لأني بصراحة ما حبتش ادخل معاه في حوارات ووعودات وخصوصا اني مش هشتري في الوقت الراهن ... وحتى

لو هشتري ... هشتري من التوكيل....

على كل اتمنى من الله ان حضرتك تكون استلمت على خير والسيارة عجبتك ....

عموما هي بصراحة سيارة خطيرة ... انا شفت الهاي لاين وكان زي ما حضرتك قلت .... والمرايا ذاتية التعتيم

كانت موجودة ... بس سألته على السيدي التشانجر ... قاللي لأ ... مش موجود إلا سي دي واحد فقط ...

بس كمجمل سيارة رائعة بمعنى الكلمة وتستحق بجدارة وربنا يبارك للي استلم ويكرم ويسهل للي لسة ما استلمش...

وربنا يوفق الجميع ...