البوجيهات .. بتفك من مكانها لوحدها ... :(

**roky** · 17-06-2009 11:21 AM

أصدقائي الأعزاء

هو الموضوع كان أبتدي قبل كده أن صوت المكنة علي .. و شوية بشوية الصوت بيعلي زيادة .. لحد ما فيه بوجيه نطر من مكانه خالص .. و لما أخدتها للميكانكي قالي السبب ان البوجيه مكانش مربوط كويس (مع أنه هو اللي مغيرهم من شهرين تقريبا .. و مكانش فيهم أي مشكلة)

اللي حصل ان الصوت رجع تاني ... و انا أشتريت مفتاح بوجيهات أمبارح بتسعة جنيه و قرطت علي البوجيهات .. و لقيت ان فعلا كان فيه أتنين منهم مش مربوطين قوي .. دوست عليهم بالمفتاح حوالي نص أو ربع لفة

عندي هنا سؤالين لو تكرمتم
1ـ هل أربط البوجيهات علي الأخر .. أقرص عليهم جامد جدا يعني .. ولا لو زودتها السن ممكن يهرش ؟
2ـ أيه السبب اللي يخلي البوجيهات تتفك من مكانها ؟ خصوصا أني لاحظت أنه زي مايكون فيه تسريب زيت من تحت البوجيهات لبره الماتور ... أحاول أصور التسريب ده و أرفعلكم الصور

أغيثونا يغيثكم ربنا

روكي

**Ashraf_Ashraf** · 17-06-2009 11:35 AM

اعتقد مشكلتك تتلخص فى تلف السن اللى فى وش السلندر وده راجع لسوء التركيب او القرص الشديد فى تركيب البوجيهات
لو استمر الحال هتتضطر تفك وش السلندر وتروح لواحد خراط هيعملك جلبه ثابته فى الوش

**roky** · 17-06-2009 11:42 AM

المشاركة الأصلية كتبت بواسطة ash_rsi

اعتقد مشكلتك تتلخص فى تلف السن اللى فى وش السلندر وده راجع لسوء التركيب او القرص الشديد فى تركيب البوجيهات
لو استمر الحال هتتضطر تفك وش السلندر وتروح لواحد خراط هيعملك جلبه ثابته فى الوش

خراط ... ربنا يكفينا شر الخراط .. أحنا مفيش حد في عليتنا قبل كده راح للخراط

علي العموم أشكرك علي أهتمامك وردك

**Ashraf_Ashraf** · 17-06-2009 12:00 PM

هههههههههههههههههههه
ربنا يسترها انشاء الله ويكون كلامى مش صح
ابقى طمنا عملت ايه وبالتوفيق انشاء الله

**abdouz** · 17-06-2009 03:59 PM

صديقى خليك انت اول واحد فى العائلة يروح لى خراط علشان يكون لك السبق ههههههههه
المهم اتفق مع الاخ ashi بس فى سؤال هل البوجى بهبب سواد من الزيت لان ممكن فعلا السن يكون مفوت ودة ليها حلين:
1- خرط السن من جديد ودة الحل السليم
2- تركيب كرسى للبوجى

وربنا معاك

**roky** · 18-06-2009 10:10 AM

المشاركة الأصلية كتبت بواسطة abdouz

صديقى خليك انت اول واحد فى العائلة يروح لى خراط علشان يكون لك السبق ههههههههه
المهم اتفق مع الاخ ashi بس فى سؤال هل البوجى بهبب سواد من الزيت لان ممكن فعلا السن يكون مفوت ودة ليها حلين:
1- خرط السن من جديد ودة الحل السليم
2- تركيب كرسى للبوجى

وربنا معاك

باشا .. لو حد من أصحابي أو جيراني شافني و انا رايح للخراط هايقول علي أيه ..

ماقصدش أي حاجة طبعا ... و الخراط دي مهنة انا بحترمها جدا .. و أحد الأقارب الأعزاء مهندس و فاتح ورشة خراطة حدانا في البلد ...

المهم ، قصدك أيه بـ "البوجى بهبب سواد من الزيت " .. هو فيه تسريب زيت تحت بوجيه منهم .. بس مش هو ده اللي كان طار قبل كده .. اللي طار كان واحد تاني و مفيش تحتيه أي تسريب ...

سؤال بقي .. أزاي أتأكد أنه عيب السن مش ان البوجيه مش مربوط كويس .. أنا قرطت علي البوجيهات ..ولو كنت دوست كمان بأيديا الأتنين كان البوجيه هايلف معايا .. بس خفت أدووس عليهم جامد لحسن يهرشوا .. هل أدوس جامد علي قد ماقدر (كأني بربط مسمار عجله كده) .. ولا لحد ماحس أنه كده معقول و مش هايفك و كفاية ...

وشـــــــــكراً

**abdouz** · 18-06-2009 10:39 AM

يا باشا الدوس جامد على البوجيه ممكن يفوت فعلا بس احسن طريقة انك تشوف ميكانيكى كويس شوفلك القصة دية

**roky** · 21-06-2009 02:32 PM

أمبارح فكيت البوجيه اللي تحتيه تسريب ... نضفت التسريب اللي تحتيه ... أتأكدت أن وردة الزنق في مكانها كويسة .. و ربط جامــــد جـــــــداً
تاني يوم لاحظت تسريب بسيط جدا .. و لكن صوت المكنه زي ماهو

كمان يومين و أشوف الأخبار أيه و اقولكم